1 Korẽntɩ 7:34 - ZE'ELEGO PAALEGA

³⁴ a puti'irɛ la dela buyi. Gee pɔge se'ehi en ka ele, la pɔgesakaha la nini mu'ɛ mɛ la Daana la, ti ba dɛna tuulum nɛreba inganɛ la Sia puan. Gee pɔge se'ehi en ele nini mu'ɛ mɛ la tiŋa wa zuo yɛla, eŋa n wan iŋɛ se'em pee a sira puurɛ.

Farefare Ninkaré

³⁴ Bɛla, a pʋtẽ'erɛ n boorɩ se'em na pʋɩ mɛ. La pɔka bɩɩ pugla n mẽ ka tarɩ sɩra dɩkrɩ a pʋtẽ'erɛ wuu tõnna la Zuudãana la tõoma, a eerɩ la ẽŋa n wʋn ẽŋɛ se'em, tɩ a ĩyã, la a sɩa wʋn wa dɛna Nawẽnnɛ bõnɔ. La sɛka n tarɩ sɩra, dũnia yɛla n pakɛ ẽ, a eerɩ la ẽŋa n wʋn ẽŋɛ se'em, tɩ la ãna a sɩra sũure yẽlʋm.

1 Korẽntɩ 7:34 ပူးပေါင်းရင်းမြစ်များ

Azã 10:13

Se'em ti ba dikɛ la n wan zɔ la dela, piihi la yele ka pakɛ en.

Aromduma 6:13

Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

1 Korẽntɩ 6:20

Se'ere en sɔi la, ba da' ya mɛ la da'alum, bala zuo, na'ahɛ ya Yinɛ la ya inganɛ la.

1 Korẽntɩ 7:33

Gee se'em n tari pɔga nini mu'ɛ mɛ la tiŋa wa zuo yɛla, a biheri la en wan iŋɛ se'em pee a pɔga puurɛ,

1 Korẽntɩ 7:35

N tɔgeri yele ana wa woo la ya sum zuo, dagi la n gu'uri ya mɛ se'ere puan, gee n bahɛ ti sɛla woo dɔla ma'a ma'a, gee ti sɛla da gu' ya Yinɛ sore dɔlega la puan.

2 Korẽntɩ 11:28

Gee bala gã'arɛ kinkɛleŋa, mam en de se'em ti mugehego gã'a n zuo mam mu'ɛ nini la lageŋɔ duma la za'a la zuo.

2 Korẽntɩ 8:16

Gee fara bo'ori la Yinɛ, se'em n kalum Taitusi suure, ti a nini mu'ɛ la ya wuu mam mɛŋa nini en mu'ɛ la ya se'em la.

Filipi 1:20

La dela sɛla ti mam kɔ'ɔm ana kɛli, gee me tari puti'irɛ, ti vi kan di mam sadɔɔ seko woo puan, gee doohe mam en muuli la sukpe'ene wa zuo, Kiresta yu'urɛ wan nyɛ pɛka nananawa, wuu la ni pun ani se'em mam iŋa wa puan la, mam vom bii n kum la.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

1 Timoti 3:5

Se'ere en sɔi la, se'em han ka ta'am tara a mɛŋa yire suŋa, a wan iŋɛ la ŋwani ta'am tara Yinɛ lageŋɔ la?

1 Timoti 5:5

Gee se'em en sirum de Pokuurɛ ka tara bihera, dikɛ a mɛŋa delum la Yinɛ, bɔna suhega la pu'uhegɔ puan yu'uŋɔ la wuntɛɛŋa.

Taitusi 3:8

Yetɔge buna wa dela yelemɛŋerɛ. Mam suure boti fum tɔgera yele ana wa suŋa, ti sɛba en wa'am na nam Yinɛ la wan kaabɛ ba mɛhi bo' tuunsuma. Yele ana wa dela ma'a, gee tara nyuurɔ bɔ'ɔra nɛra woo.