1 Korẽntɩ 7:25 - ZE'ELEGO PAALEGA

²⁵ Nananawa, pɔgesakaha la me yele en ŋwana, Daana la ka bo' mam nuurɛ, gee mam bo'ori ya la n mɛŋa puti'irɛ, wuu se'em ti Daana la zɔ' n nimbu'ɔ ti n dɛna se'em ti ya wan nam la.

Farefare Ninkaré

²⁵ Mam yetɩ m tɔgɛ la sɛba n ka tarɩ sɩrba bɩɩ pɔgba la yelle, mam ka to'oge nõorɛ Zuudãana Azezi zẽ'am. La de la mam mẽŋa pʋtẽ'erɛ, la ya wʋn bɔ mam sɩra Zuudãana la n zoe mam ninbãalga la ĩyã.

1 Korẽntɩ 7:25 ပူးပေါင်းရင်းမြစ်များ

1 Korẽntɩ 15:10

Gee Yinɛ zu'uhegɔ la zuo, mam dela mam en de se'em la, ti a zu'uhegɔ la ti a dikɛ bo' mam la me ka bahɛ yoo. Gee mam tugum tum mɛ paaɛ paaɛ gaŋɛ ba za'a. La dagi mam mɛŋa paŋa, gee Yinɛ zu'uhegɔ la n boi la mam la.

1 Korẽntɩ 4:2

Se'ere en gani bala dela, la dele sɛba en biheri Yinɛ lɔgerɔ la ti ba dɛna sɛba ti nɛreba wan nam ba.

1 Korẽntɩ 7:10

Sɛba en tari pɔgeba la sireba la, mam bo' ya la nɔdina wa, dagi mam gee Daana la, ti pɔka da bahɛ ka sira.

1 Korẽntɩ 7:12

Yamam sɛba en gee la me, mam n yeti se'ere n ŋwana gee dagi Daana la. Ti sakera han tara pɔga ti ka ka sakɛ bo' Yezu, gee bɔta ti ka bɔna la ka sira la, sira la da lebehe ka.

1 Korẽntɩ 7:28

Gee fum han di pɔga bii fum ele la sira, fum ka tum be'em. Pɔgesakãherɛ me han ele, a ka tum be'em. Gee sɛba en ele bii di pɔgeba la, ba wan nyɛ ɛregɔ, gee n boti n faaɛ ya mɛ yele ana wa puan bahɛ.

1 Korẽntɩ 7:34

a puti'irɛ la dela buyi. Gee pɔge se'ehi en ka ele, la pɔgesakaha la nini mu'ɛ mɛ la Daana la, ti ba dɛna tuulum nɛreba inganɛ la Sia puan. Gee pɔge se'ehi en ele nini mu'ɛ mɛ la tiŋa wa zuo yɛla, eŋa n wan iŋɛ se'em pee a sira puurɛ.

1 Korẽntɩ 7:40

Gee mam puti'irɛ puan, sum wan boni la pɔka la, ka han zi' ni bala ka ele. Mam ti'ihɛ ti mam me tari Yinɛ Sia la n puan mɛ.

1 Korẽntɩ 7:6

Mam en yeti ya sɛla wa dela n yeen yele mɛ gee dagi nuurɛ ti n bo'.

2 Korẽntɩ 11:17

Mam yeti nyu'ɔ ŋmɛ'a seko wa, seko ti mam sɛ zɛ'a ku puan wa dela, n yeti dina wa mɛ dagi la Daana la paŋa puan, gee gɔɔnɛ puan.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.