1 Korẽntɩ 6:9 - ZE'ELEGO PAALEGA

⁹ Yamam ka mi' ti be'emduma kan kɛ̃ Yinɛ sɔ'ɔlum la puan? Da pã'ahɛ ya mɛhi. Yalum duma, bage kaabereba, sɛba en tuni kabohi, pɔgenindɔɔrɔ la buraahi bii pɔgehi en gã' taaba,

Farefare Ninkaré

⁹ Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

1 Korẽntɩ 6:9 ပူးပေါင်းရင်းမြစ်များ

Amatie 19:29

Se'em woo n bahɛ yiya, suurɔ, bii tapa, sɔ bii ma, kɔma, bii vatɔ mam yu'urɛ wa zuo, wan lebehe nyɛ ba kɔbehi, gee me wan to'e vom kamba'ahɛ.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Aluki 21:8

Ti a yele ba yeti, “Mini ya suŋa ti se'em da pã'ahɛ ya. Se'ere en sɔi la, nɛreba zo'e zo'e wan wa'am mam yu'urɛ puan na yeti, ‘Mam n de en.’ ‘Sankana wa pɔri mɛ.’ Da dole ya ba poore.

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Tõoma 24:25

Ti Pɔɔl n ta tɔgera pa'ala tuntɔɔnɛ, tana fum mɛŋa tara, la gakerɛ la n kini se'em na la, ti dabeem kɛ̃ Felikise, ti a yele Pɔɔl yeti, “Kiŋɛ ti la iŋɛ fii, n han le ta nyɛ fole, n wan tum ti ba yi' fum na.”

Aromduma 1:18

Yinɛ sunsunyiim ze'ele la saazuo ha niiɛ bahɛ nɛre sɛba be'em la ba tuunfi'iha en gu'uri yelemɛŋerɛ la.

1 Korẽntɩ 15:33

Da bahɛ ya ti se'em pa'ahɛ ya. “Nɛreyaalehi sageni la vom sumɔ.”

1 Korẽntɩ 15:50

Sɛla ti mam yɛta wa n suurɔ, dela dina wa: Ingɔŋɔ la ziim kan ta'am to'e Yinɛ sɔ'ɔlum. Bii sɛla en pu'uri to'e sɛla en ka pu'uri.

1 Korẽntɩ 3:16

Yamam ka mi' ti ya dela Yinɛ yire, ti Yinɛ Fa'a Sia la bɔna ya puan?

1 Korẽntɩ 5:1

Ba kɔ'ɔm yele mam mɛ ti galehi en boi ya puan. Galehi sɛ'a taaba en pun ka bɔna sɛba en ka dole Yinɛ puan. Beni zuo, buraa en boi ya puan gã'a la ka sɔ pɔga.

1 Korẽntɩ 5:10

ka pa'alɛ la fii me ti sɛba en ka dole Kiresta tiŋa wa zuo la, bii sɛba en nyigere, la fãareba, bii bage kaabereba. La han dɛna bala, la yi dela ya bahɛ tiŋa wa zuo en bala.

1 Korẽntɩ 5:11

Gee nananawa, mam en gulehɛ yɛta ya se'em dela, ya da dikɛ ya mɛhi naaɛ la se'em en yi'iri a mɛŋa ya suuɔ, gee yaala, nyigera, bii kaabera baga, bii nɛreba tua, dabugere, bii fãara. Da pun naaɛ la ena daana di.

1 Korẽntɩ 6:10

nageyigehi, nyigereba dabugereba, tuureba, la fãareba, bana wa ayima kan kɛ̃ Yinɛ sɔ'ɔlum la puan.

1 Korẽntɩ 6:18

Zagehɛ yaluntuuma, se'ere en sɔi la, be'em sebo woo ti nɛra tum ni dɛna la iŋa la yiŋa na. Gee yaluntuuma daana galum la iŋa la za'a.

1 Korẽntɩ 6:19

Bii ya ka mi' ti ya iŋa la dela pu'uhegɔ yire bo' Fa'a Sia la en boi la ya la, se'em ti ya daa to'e Yinɛ zi'an la. Bala, ya ka le sɔna ya mɛhi?

1 Korẽntɩ 9:24

Yamam ka mi' ti zua puan, zɔteba la woo ni pagera la taaba, gee ba ayima ma'a en ni ta di mi'a? Zɔ ya yan wan zɔ se'em la ya ta'am di.

2 Korẽntɩ 12:21

Dabeem n tari mam ti, n han le wa'am na, mam Yinɛ wa wan bahɛ ti nimbu'ɔ nyɔkɛ mam, ti n kele nintama'aha bo' sɛba zo'e zo'e en daa tum be'em gee ka tee ba dɛgerɔ, ba yaalegɔ la ba nyanɛ tuuma la ti ba ni pun tuna la puan la.

Galatɩ 6:7

Da pã'aha ya mɛhi, nɛra kan pim Yinɛ. Nɛra en burɛ sɛla la, bala mɛa ti a kɛ̃'ɛ̃ra.

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

Hiburuduma 12:14

Eere ya suma'ahum ninmu'urɛ nɛra woo, la fa'a vom sebo en han ka bɔna, nɛra kan ta'am nyɛ Daana la.

Hiburuduma 12:16

Bihɛ ya mɛhi suŋa suŋa ti ya se'em da ana wuu Esɔ, se'em en ka ta' a mɛŋa, ka zɔta Yinɛ la, se'em en yuum koohe a kinɔ dia buyina ma'a zuo la.

Hiburuduma 13:4

Bahɛ ya ti pɔgedire la sire-ele tara na'ahegɔ ya za'a zi'an, ti pɔgedire la sire-ele suŋɔ la da galum, se'ere en sɔi la, Yinɛ wan gakɛ yaluntuuma duma, la kabohi duma mɛ.

Yemesi 1:16

Da bahɛ ya ti se'em pã'ahɛ ya, n sunɔŋerɛ duma wa.

1 Zã 3:7

Kɔmbibehi wa, da bahɛ ya ti nɛra nɛra pa'ahɛ ya. Se'em woo en tuni sɛla en de tuuntɔɔ dela tuuntɔɔ daana, woo eŋa Kiresta en de tuuntɔɔ daana se'em la.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.