1 Korẽntɩ 5:11 - ZE'ELEGO PAALEGA

¹¹ Gee nananawa, mam en gulehɛ yɛta ya se'em dela, ya da dikɛ ya mɛhi naaɛ la se'em en yi'iri a mɛŋa ya suuɔ, gee yaala, nyigera, bii kaabera baga, bii nɛreba tua, dabugere, bii fãara. Da pun naaɛ la ena daana di.

Farefare Ninkaré

¹¹ Mam daan gʋlsɛ bɔ ya yetɩ, ya da dɔla la nẽr-sɛka n yetɩ a mẽŋa tɩ ẽŋa dolɩ la Nawẽnnɛ dee ɩta yalsɩ, bɩɩ nõŋɛ bõnɔ, bɩɩ kãabra baga, bɩɩ tʋʋra nẽrba, bɩɩ yũura dãam bugra, bɩɩ zũura. Da põn lagɩm-ya la nẽr-ẽŋa dãana di.

1 Korẽntɩ 5:11 ပူးပေါင်းရင်းမြစ်များ

Amatie 18:17

Gee a han zagehɛ ka kelehe bamam, yele lageŋɔ la, ti se'em n tuue wa han kelum zagehɛ ti a pun kan kelehe lageŋɔ la, iŋɛ ya nɛre-ina daana wuu se'em en ka zoti Yezu, bii kubetɔ'ɔha la.

Amatie 23:25

Yele boi ya zuo, yamam gɔnmi'ineba la Farasiiduma wa, birekɔgenduma wa. Ya peere la wanɛ la laa poore, gee ba puan pirɛ mɛ la nyika la faaɛ lɔgerɔ ma'a.

Aluki 18:11

Ti Farasii la dooe zɛ'a, gee pu'uha yeti, ‘Yinɛ, mam bo' fum fara, la mam en ka ani wuu nɛreba basɛba, fãareba, nɛreŋmɛlema, bii sɛba en tuni kabohi, pun ta paaɛ kuba tɔ'ɔha wa.

Aluki 21:34

“Gurɛ ya ya mɛhi suŋa, han dagena bala ya suya wan tibegɛ la nyɛlumkãra la buka la vom wa puti'ira ti daandina wa la ta wa'am na di'e ya wuu bɛregɔ.

Tõoma 1:15

Dabeha aŋa mɛa puan ti Pita ihege ze'ele sɛba n nam bo' Yezu la n lagehɛ (wuu nɛrekɔbega la pihiyi') la tiŋasuka yele ba yeti,

Tõoma 9:17

Ŋwana ti Ananiya kiŋɛ, ta paaɛ kɛ̃ yire la puan. Dikɛ a nu'uhi pagelɛ a zuo, gee yele en yeti, “N suuɔ Sɔɔl, Daana Yezu se'em n niiɛ a mɛa pa'alɛ hɔ fum boni sore zuo yɛ'a ka'lam na la, n tum mam ti n wa'am na ti fum nini la le nyɛta, gee ti Fa'a Sia la me pirɛ hɔ.”

Aromduma 13:13

Bahɛ ya ti tu vɔni ya na'ahegɔ vom, wuu tumam n de niihum kɔma la, gee dagi tu dɛna sɛba en dole dita dikãreyooro la de'em yooro, bugera, tuna dɛgerɔ tuuma, la yetɔgeyooro, dagi zaba la nintɛrega yɛla.

Aromduma 16:17

N yeti ya mɛ la ninmu'urɛ n suurɔ, ti ya bahɛ ti ya nini bɔna sɛba en tari welegere la daaŋɔ kina ya tiŋasuka na, ban ka sakɛ bo' pa'alegɔ seko ti ya zamehɛ la, lɔkeri ya ba.

1 Korẽntɩ 10:14

Bala zuo, n zɔduma wa, ɛkɛ ya baga kaabegɔ puan yehe.

1 Korẽntɩ 11:21

Se'ere en sɔi la, dia la saŋa han ni ta paaɛ, nɛrawoo zugeri la a zuka dia la puan, ti ayima kule kom, ti ayima me buge.

1 Korẽntɩ 5:13

Yinɛ mɛŋa en wan gakɛ sɛba en ka dole Kiresta la. “Fooe ya be'em daana la ya puan bahɛ.”

1 Korẽntɩ 6:10

nageyigehi, nyigereba dabugereba, tuureba, la fãareba, bana wa ayima kan kɛ̃ Yinɛ sɔ'ɔlum la puan.

1 Korẽntɩ 6:6

gee ti sakera tari sakera kiŋɛ tugum zi'an, sɛba en ka dole Yezu nɛŋan yele ana wa zuo?

1 Korẽntɩ 6:9

Yamam ka mi' ti be'emduma kan kɛ̃ Yinɛ sɔ'ɔlum la puan? Da pã'ahɛ ya mɛhi. Yalum duma, bage kaabereba, sɛba en tuni kabohi, pɔgenindɔɔrɔ la buraahi bii pɔgehi en gã' taaba,

1 Korẽntɩ 7:12

Yamam sɛba en gee la me, mam n yeti se'ere n ŋwana gee dagi Daana la. Ti sakera han tara pɔga ti ka ka sakɛ bo' Yezu, gee bɔta ti ka bɔna la ka sira la, sira la da lebehe ka.

1 Korẽntɩ 7:15

Gee sɛba en ka dole Yezu la han bahɛ taaba, de dɛna bala, la han iŋɛ bala, buraa la bii pɔka la ka boi bobere puan. Suma'ahum zuo ti Yinɛ yi ya.

1 Korẽntɩ 8:11

Bala, ya mi'ilum la zuo ti sɛba ti Kiresta ki bo' ba, gee ti ba nan ka kpe'em la nyɛta sageŋɔ.

Galatɩ 2:12

Han dagena sansɛka ti nɛreba basɛba ze'ele Yemesi zi'an wa'am na la, Pita ni lagum naaɛ me la sɛba en ka pa'ahɛ Yuuduma puan wa dita. Gee nɛreba la en paaɛ na la, a fooe a mɛŋa lebe la pooren a ma'a. Se'ere en sɔi la, a zoti la sɛba en ŋma la.

Efɛɛzɩ 5:18

Da lɛɛra ya mɛhi la daam bugera,bala dela yaalegɔ. Gee tugum pirɛ ya mɛhi la Fa'a Sia la,

Efɛɛzɩ 5:5

Mini ya dina suŋa suŋa, ti se'em n tuni yaluntuuma, bii galeŋɔ daana, bii se'em n bɛ' (de vuurɛ dela bagekaambera), kan tara tɔtɛ kɛ̃' Kiresta la Yinɛ sɔ'ɔlum la puan.

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

2 Tesaloniki 3:14

Mini ya sɛba en ka nam sɛla ti tu yɛta ya gɔnkuna wa puan wa. Da tari ya sɛsɛla ita la ba, bala ti vi wan di ba,

2 Tesaloniki 3:6

Nananawa, tu bo'ori ya la nuurɛ tu zɔduma, Daana Yezu Kiresta yu'urɛ puan ti, ya zaaɛ la sakereba sɛba en vɔi zinyagerɛ vom, ka dɔla la pa'aleŋɔ la ti ba to'e tumam zi'an la.

1 Timoti 3:3

a da dɛna bugera, a da dɛna nɛre gbiri gbiri, gee a ana bããlam, a da dɛna zabe-zaberega, a da ba' nɔŋɛ ligeri.

1 Timoti 6:5

ŋmɛ'ɛra nɔkpɛ'ɛma la sɛba en ka ti'ihɛ suŋa, ka tara yelemɛŋerɛ la, ti'iha ti Yinɛ zoolum dela bɔɔbɔ sore.

2 Zã 1:10

Da to'e se'em en wa'am fum yire na, bii fum kã sum bo' se'em en wa'am fum zi'an na gee ka tara pa'alegɔ kuna.

Lilegere 2:14

Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Lilegere 2:20

Gee mam tari la dina la ya. Ya to'e Yezebɛle mɛ, pɔgesɛka en yi'iri ka mɛŋa nɔtɔgeha la, se'em pa'alegɔ en bahɛ ti mam yamehi bɔregɛ, tuna yaluntuuma, gee dita dia ti ba dikɛ kaabɛ baga la.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.