1 Korẽntɩ 4:6 - ZE'ELEGO PAALEGA

⁶ Mam bahɛ ti Apolos la mam mɛŋa dɔla yele ana mɛ yamam sum zuo, n suurɔ wa, ti ya zamehɛ tumam puan, la ya se'em da vɔna zɔɛ sɛla en gulehɛ la. Ŋwana ti ya se'em kan ukera a mɛŋa la eŋa en boti se'em gana se'em la zuo.

Farefare Ninkaré

⁶ M sɔbiisi, mam n dɩkɛ m mẽŋa la Apolɔsɩ makɛ bɛla wuu la, la de la yãma ĩyã, tɩ tõma n ẽŋɛ se'em na wʋn dɛna zãsŋɔ bɔ ya. Tɩ ya «da ẽŋɛ yõsɛ lan gʋlsɛ Nawẽnnɛ gõŋɔ pʋam se'em na.» Bɛla, ya nẽra nẽra da zẽkɛ a mẽŋa wẽ'era yõ'ogɔ la nẽra ayɩla dee pɔ'ɔra ayẽma.

1 Korẽntɩ 4:6 ပူးပေါင်းရင်းမြစ်များ

Tõoma 18:24

Nananawa, Yuda buuri la nɛra ayima yu'urɛ n yi'iri Apolos, wa'am Ɛfisu na. Ba dɔgɛ en la Alɛgezandiriya, ti a dɛna buraa n mi' tugum, gee me mina gulehegɔ la suŋa.

Tõoma 19:1

Apolos n boi Korinti la, ti Pɔɔl doohe la tinkãra zo'e zo'e puan tole wa'am na paaɛ Ɛfisu, zi'an ti a nyɛ zahereba basɛba.

Aromduma 12:3

Zu'uhegɔ seko ti Yinɛ zu'uhɛ mam la zuo, mam yeti se'em woo en boi ya puan yeti, se'em da biha nyɛta a mɛŋa gana en sunti a ti'iha a mɛŋa yele se'em la, gee a sigeha a mɛŋa a ti'ihegɔ puan, ti nɛra woo bɔna wuu Yinɛ en makɛ a sakerɛ se'em bo' en la.

1 Korẽntɩ 1:12

De vuurɛ dela, ya sɛba yeti, “Mam dole la Pɔɔl,” bii “Mam dole la Apolose,” bii “Mam dole la Sefase,” bii “Mam dole la Kiresta.”

1 Korẽntɩ 1:19

Se'ere en sɔi la, la gulehɛ yeti, “Mam wan sagum yɛm duma yɛm, gee burum baŋereba baŋerɛ.”

1 Korẽntɩ 1:31

ti wuu lan gulehɛ se'em yeti, “Se'em woo en ŋmɛ'ɛri a nyu'ɔ, a ŋmɛ' kɔ Daana la puan la.”

1 Korẽntɩ 13:4

Nɔŋerɛ dela sugeri, nɔŋerɛ dela itesuŋɔ. Nɔŋerɛ ka tari nintɛrega bii pa'alɛ n mɛa, bii nyu'ɔ ŋmɛ'a,

1 Korẽntɩ 3:19

Se'ere en sɔi la, tiŋa wa zuo yɛm dela gɔɔnɛ Yinɛ zi'an. Beni zuo, la gulehɛ yeti, “Yinɛ nyɔgere yɛm duma mɛ ba mɛhi nyaleŋɔ puan,”

1 Korẽntɩ 3:21

Bala, se'em da ŋmɛ'ɛra nyu'ɔ la saaleba kpe'eŋo. Se'ere en sɔi la, sɛlawoo dela ya dinɛ,

1 Korẽntɩ 5:2

Gee ti ya tugum ukera. La dagi ni la ya tugum kɛla, gee ti se'em en tum tuun-dina wa la, ya fooe ni en ya puan bahɛ?

1 Korẽntɩ 5:6

Ya pa'ali mɛŋa la ka tari vuurɛ, yamam ka mi' ti dabelɛ fii wa en ni bahɛ ti zom la za'a ihegera?

1 Korẽntɩ 8:1

Nananawa, disɛka ti ba dikɛ kaabɛ bo' baga sɔhega la. Tu mi' ti, “Tu za'a tari mi'ilum mɛ.” Mi'ilum bo'ori la pa'alɛ mɛŋa gee nɔŋerɛ en mɛti.

1 Korẽntɩ 9:23

Mam iti ŋwana za'a la faarɛ yelehum la zuo, ti n ta ta'am tara tɔtɛ bu sum la puan.

2 Korẽntɩ 10:12

Tumam ka sakɛ dikɛ tu mɛhi pa'ahɛ bii makɛ la sɛba n pɛgeri ba mɛhi la. Gee bamam han mageha ba mɛhi, tara ba mɛhi giila la taaba, ba ka pa'alɛ ti ba tari yɛm.

2 Korẽntɩ 10:15

Tumam ka ŋmɛ'ɛri tu nyu'ɔ zɔ'ɔra tu tɛka beene, de vuurɛ dela, tu ka ŋmɛ'ɛri tu nyu'ɔ la basɛba tuuma, gee tumam puti'irɛ dela, wuu ya sakerɛ la n zo'ore la, tumam n tuni zi'an la ya la, wan yalegɛ pa'ahɛ,

2 Korẽntɩ 10:7

Biheri ya la sɛla n ze' ya nɛŋa wa, yamam han nam ti ya dela la Kiresta dinɛ, yi tiiheri ya ya mɛhi yeledina wa, ti wuu yan n de Kiresta deni la, tumam me dela bala mɛa.

2 Korẽntɩ 11:4

Se'ere en sɔi la, se'em han wa'am na muulɛ Kiresta kayima n dagi sɛka ti tumam muulɛ bo' ya la, bii ya to'e la sia kayima n dagi sɛka ti ya pun to'e la, bii faarɛ yelehum sebo en dagi sebo ti ya pun to'e la, ya me ni sirum to'e a mɛ la ninmu'urɛ.

2 Korẽntɩ 12:19

Yamam ni tugum ti'iha ti tumam tɔgeri pɔ'ɔra la tu mɛhi wa? Tumam tɔgeri la yelemɛŋerɛ Kiresta puan, Yinɛ nɛŋan. Sɛla woo ti tumam ita, n suurɔ wa, la dela ya zo'ore zuo.

2 Korẽntɩ 12:20

Dabeem en tari mam, ti n han wa'am na, n kan nyɛ ya ti ya ana wuu mam boti ni ya ana se'em la, ti yamam me kan nyɛ mam me ti n ana wuu yamam n boti se'em la. Dabeem n tari mam ti daanse'ere gaka, nyuure, sunsunyiim nyika, ukerɛ, la gbirege wan bɔna ya puan.

2 Korẽntɩ 12:6

Gee mam han bɔta ti n ŋmɛ' n nyu'ɔ, mam kan dɛna gerego, se'ere en sɔi la, mam nyu'ɔ ŋmɛ'a la wan dɛna la yelemɛŋerɛ, tɔgera la yelemɛŋerɛ la. Gee mam zagehɛ mɛ ti n kan ŋmɛ nyu'ɔ, ti se'em da ti'iha mam yele gana en nyɛti sɛla bii en wum se'ere mam puan la.

2 Korẽntɩ 4:15

Yelemɛŋerɛ, sɛla woo dela yamam zuo, ti zu'uhegɔ la, n pa'aherɛ se'em la paaɛ nɛreba zo'e zo'e, ti pɛka malum zo'e pa'ahɛ ti Yinɛ yu'urɛ nyɛ pɛka.

Kolɔsɩ 2:18

Da bahɛ ti nɛra sigehe fum, doohe eŋa en boti se'em doohe sigehe n mɛŋa yooro, suŋereba pu'uhegɔ, zaaheŋɔ yɛla, banaduma ukeri mɛ la asaala puti'irɛ la pa'alɛ mɛŋa,

1 Tesaloniki 1:5

beni zuo, tu faarɛ yelehum muulegɔ la ka wa'am ya zi'an na dɛna la yetɔgum ma'a, gee bu wa'am mɛ na la paŋa, la Fa'a Sia, la suteere paŋa. Wuu yamam en mi' tumam en pa'alɛ ya tumam en de nɛresɛba taaba bɔna la ya yamam zuo la.

2 Timoti 2:10

Bala zuo, mam ŋmiberi mɛ sɛla woo puan, sɛba ti ba looe la zuo, ti ba me nyɛ faarɛ se'ere en boi Kiresta Yezu puan, la na'ahegɔ seko en ka tari ba'ahegɔ la.