1 Korẽntɩ 4:5 - ZE'ELEGO PAALEGA

⁵ Bala, da gakɛ ya gee ti saŋa la nyaa paaɛ, gee ti Kiresta nyaa wa'am na, eŋa se'em daana en wan bahɛ ti sɛlawoo en sugɛ lika puan nananawa niiɛ peelumen, gee lilege suure puan yɛla la. Bilam ti nɛrawoo nyaa wan to'e a pɛka Yinɛ zi'an.

Farefare Ninkaré

⁵ Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

1 Korẽntɩ 4:5 ပူးပေါင်းရင်းမြစ်များ

Amatie 10:26

“Bala zuo, da tara ya dabeem la ba. Se'ere en sɔi la, sɛla ka boi pi' kan pilege, sɛla me ka boi sugɛ kan niiɛ na.

Amatie 24:30

Bala ma'a ti Asaala Dayua daalehum wan niiɛ saazuo wa ha, ti timpaberɛ wa zuo buuri za'a, wan kɛla, gee ti ba nini nyɛ ‘Ti Asaala Dayua wa bɔna saazuo sagbama’ puan kina na la pankãtɛ la suŋa.

Amatie 24:46

Sum wan bɔna la da'aberɛ sɛka ti a daana la ta paaɛ na nyɛ en ti a boi tuuma puan.

Amatie 25:21

Ti a Daana la yele en yeti, “Fum fara fara, fum dela da'aberɛ suŋa tari yelemɛŋerɛ.” Fum tari yelemɛŋerɛ lɔgerɔ fii wa puan la, n nyaa wan dikɛ lɔgerɔ kekeko iŋɛ fum nu'uhen. Lagum pa'ahɛ fum daana nyɛɛma la puan.

Amatie 25:23

Ti a daana la yele en yeti, ‘Fum fara fara, fum dela da'aberɛ suŋa, tara yelemɛŋerɛ. Fum n tari yelemɛŋerɛ yɛla fii wa puan la, n nyaa wan dikɛ lɔgerɔ kekeko iŋɛ fum nu'uhen. Lagum pa'ahɛ fum daana nyɛɛma wa puan.’

Aluki 6:37

“Da gakɛ, ti ba da gakɛ fum me, Da sagum ayima, ti ba da sagum fum me. Bahɛ ayima tuure bo' en, ti ba bahɛ fum me tuure bo' fum.

Azã 21:22

Ti Yezu yele en yeti, “La han dɛna mam suboolum ti a vɔna gura ti n ta lebe na, la nyɛ fum la bɛ? Dɔla mam.”

Azã 21:23

Ti la to'e zi'an woo nɛreba puan ti, Yezu zahera se'em ti a ba' nɔŋɛ la kan ki. Gee ti Yezu me ka yele en ti a kan ki, gee a yeti, “La han dɛna mam sumboolum ti a vɔna gura ti n ta lebe na, la nyɛ fum la bɛ?”

Azã 5:44

Ya yeti ya iŋɛ la wani nam mam. Ya han tɔ'ɔha taaba na'ahegɔ, gee ka ɛɛra la ninmu'urɛ, na'ahegɔ seko n ze'eti se'em ma'a n de Yinɛ la zi'an na la?

Aromduma 14:4

Fum dela ani gakera ayima yamehi? Ba mɛŋa Daana la nɛŋan ti ba wan ba zɛ'a bii ba lu. Ba me wan zɛ'a, se'ere en sɔi la, Daana la wan bahɛ ti ba zɛ'a.

Aromduma 2:1

Bala zuo, fum ka tari fum yeti n ka baŋɛ mɛ, fum de nɛre se'em woo, fum han gakɛ basɛba. Fum n gakɛ ayima la, fum sagum la fum mɛŋa n bala. Beni zuo, fum se'em en de gakera la, iti la yele aŋa mɛa.

Aromduma 2:16

daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

Aromduma 2:29

Gee yelemɛŋerɛ se'em n de Yuda buuri paaɛ paaɛ dela puan ha. Ŋmaa yelemɛŋerɛ dela suure puan. La dela Sia puan, dagi inganɛ. Nɛre-ina taaba ka to'ore pɛka nɛreba zi'an, gee Yinɛ mɛŋa zi'an.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

1 Korẽntɩ 1:7

bahɛ ti ya ka koŋe zu'uhegɔ bo'olum sebo ya puan, yan guri tu Daana Yezu Kiresta niirɛ na wa.

1 Korẽntɩ 11:16

Gee se'em han ka sakɛ gee ŋmɛ'ɛra nɔkpe'ene, tumam ka tari malema aŋa bii Yinɛ Lageŋɔ la.

1 Korẽntɩ 11:26

Se'ere en sɔi la, sansɛka woo ti ya ɔbera boroboro wa, gee nyuura wula wa puan, ya tiiheri la Daana la kum gura a lɛbega na.

1 Korẽntɩ 15:23

Gee nɛreba la woo tari la ba sore ba sore ti ba wan vo'e. Kiresta n de walediinɛ la, a lɛbega na, sɛba n de a dinɛ la wan vo'e.

1 Korẽntɩ 3:13

mɛta woo tuunɛ wan ta niiɛ na, se'ere en sɔi la, dabeherɛ la daarɛ wan niiɛ dɛ na, beni zuo, bugum en wan ta bahɛ ti de niiɛ na, bugum la wan magehɛ tuunse'ere taaba ti nɛra woo tum la bihɛ.

1 Korẽntɩ 3:14

Ti sɛla en dikɛ mɛ dɔgelɛ ɛ̃berɛ la zuo la han ka di, mɛta la wan to'e yɔɔrɛ.

1 Korẽntɩ 3:8

Se'em en burɛ la, la se'em en bahɛ ko'om la dela buyina, ti ba ayima woo wan to'e a yɔɔrɛ doohe la ba ayima woo tuuma en de se'em.

2 Korẽntɩ 10:18

Se'ere en sɔi la, dagi sɛba en pɛgeri ba mɛhi ti Yinɛ to'e ba, gee sɛba ti Yinɛ mɛŋa pɛgera la.

2 Korẽntɩ 10:9

Mam ka boti la ana wuu n zigeri ti n vuuhe ya mɛ dɔla n gulehegɔ wa puan.

2 Korẽntɩ 4:2

Tumam zagehɛ nyanɛ tuunsɛ'a ti se'em sugera la mɛ. Tumam zagehɛ mɛ ti tu kan tuna pã'ahegɔ tuuma bii tu burum Yinɛ yelehum la. Gee tumam kɔ'ɔm tɔgera la yelehum la yelemɛŋerɛ, nɛrawoo nɛŋan la Yinɛ nɛŋan.

2 Korẽntɩ 5:10

Se'ere en sɔi la, tu za'a wan ze'ele Kiresta gakerɛ kuka la nɛŋan, ti nɛra woo to'e a yɔɔrɛ en tum sɛla a inganɛ wa puan. La dɛna sum bii be'em.

1 Tesaloniki 5:2

Se'ere en sɔi la, ya mɛhi mi' suŋa ti Daana la dabeherɛ la, wan wa'am na wuu yu'uŋɔ nageyiga la.

Hiburuduma 4:13

A nɛŋan, sɛla ka boi sugɛ, gee sɛla woo ze' la beele, gã'a kpaii, se'em daana ti tu wan ta yele en tu yɛla za'a la ninin.

Yemesi 4:11

Da tɔgera ya be'em bɔ'ɔra taaba, n suurɔ wa. Fum se'em woo en tɔgɛ be'em bo' fum tadaana, bii gakɛ fum tadaana, tɔgɛ la be'em bahɛ ze'elego la zuo, gee gakɛ ze'elego la. Gee fum han gakɛ ze'elego la, fum ka tuni ze'elego la tuuma, gee fum dela ku gakera.

Yemesi 5:7

N suurɔ wa, tari ya sugeri gee gura Daana la lɛbega na. Ti'ihɛ ya bihɛ Kaareba en ni tara sugeri se'em gura ba bumbuura suma la ti sigesaa la burega saa ta wa'am na ni.

Yemesi 5:9

N suurɔ wa, da gɔgeni ya la taaba, bala ti ba kan gakɛ ya. Bihɛ ya, Gakera la en bala ze'a kuleŋa nuuren wa!

1 Pita 1:7

ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.

2 Pita 3:12

gura, gee bɔta ti Yinɛ kinɛ na dabeherɛ la wa'am kalam na, beni zuo, de daarɛ ti saazuo wan taaɛ bugum mɛlum, ti sɛla woo wan nyɛlegɛ la bugum la?

2 Pita 3:4

gee yɛta ti “A lɛbega na nɔbiŋere la yee la bɛ? Tu sɔyaabe duma en tole na ki ba'ahɛ la, sɛla woo kelum bɔna la lan yuum boi se'em timpaberɛ wa naaŋɔ puan na la.”

Azudi 1:14

Bana en bala ti Enɔki en de Adam buuri saŋa buyopɔi puan la yuum purɛ ba yele yeti, “Bihɛ ya, Daana la kini mɛ na la a tuulum nɛreba tuha pia,

Lilegere 1:7

Bihɛ ya! Eŋa en bala bɔna sagbama puan kina na la. Niho woo wan nyɛ en pun ta ta' sɛba en daa lu' en la. Eŋa en kinɛ na la zuo, buuri woo en boi timpaberɛ wa zuo wan kele. Lan yeti la ana se'em en bala. Taari.

Lilegere 20:12

Ti mam nyɛ ti sɛba en ki la, nɛre kãreba la tarenduma, zɛ'a na'am kuka kãtɛ la nɛŋan, ti gɔnɔ lagehɛ, gee ti gɔŋɔ kuyima me lakɛ, gɔŋɔ seko en de vom gɔŋɔ la, ti ba gakɛ sɛba en ki la, doohe la ban tum sɛla wuu lan gulehɛ se'em gɔnɔ la puan la.