1 Korẽntɩ 4:10 - ZE'ELEGO PAALEGA

¹⁰ Bala! Tumam nyaa dela geto Kiresta zuo, gee ti yamam dɛna yɛm duma Kiresta puan. Tumam tari la tɔregɔ, gee yamam dɛna paheduma. Yamam dela zuto duma, gee tumam dɛna fagehum duma.

Farefare Ninkaré

¹⁰ Tõma ãn wʋ zɔllɔ Krisi ĩyã, la yãma tẽ'esɛ tɩ yãma de la yɛm dõma Krisi doosgo pʋam. Ya tẽ'esɛ tɩ tõma ka tarɩ pãŋa, la yãma tarɩ pãŋa. Nẽrba pɔ'ɔrɩ tõma mɛ, la ba nã'asrɩ yãma mɛ.

1 Korẽntɩ 4:10 ပူးပေါင်းရင်းမြစ်များ

Amatie 24:9

“Ba wan nyɔgɛ ya tihɛ ti ba namehɛ ya, gee ku ya. Tihi wa za'a wan yaaɛ ya mam yu'urɛ wa zuo.

Amatie 5:11

“Sum boi mɛ la yamam, ti nɛreba en tuuri ya, gee namehera ya, yi'ira ya yu'yooro yima yima en dagi yelemɛŋerɛ, mam zuo.

Aluki 10:16

“Se'em woo en kelehe ya, kelehe la mam. Se'em woo me en zagehɛ ya, zagehɛ la mam. Ti se'em woo me en zagehɛ mam, zagehɛ la se'em en tum mam na la.”

Aluki 18:9

Ti Yezu le makɛ makerɛ dina wa bo' sɛba en nam ba mɛhi ti bamam dela tuuntɔɔ duma, gee zɛɛna basɛba la.

Aluki 6:22

“Sum boi mɛ la ya, nɛreba han yaaɛ ya, ka dikera ya pa'ahɛ nɛreba puan, tuura ya gee Sagena ya yu'ura Asaala Dayua wa zuo,

Tõoma 17:18

Ti Epikureya la Sitoyiki yɛmduma wa'am na ŋmɛ'ɛra nɔkpe'ene la en. Ti sɛba yeti, “Gerego kuna me boti ku pa'alɛ la bem?” Ti sɛba me yeti, “A tɔgeri la tihi sise'ehi tingama yɛla.” (Se'ere n sɔi la Pɔɔl n muuli Yezu faarɛ yelehum la yeti a ki mɛ gee ihege la.)

Tõoma 17:32

Ban wum ti a purɛ a ki gee ihege la, ti basɛba pureha, gee basɛba yeti, “Tu boti fum malum tɔgɛ yele ana wa pa'ahɛ mɛ ti tu kelehe.”

Tõoma 26:24

Pɔɔl n boi bini tɔgera ŋwana gu'ura a mɛŋa la, ti Fesetuse tahɛ buki yeti, “Pɔɔl, fum yirege mɛ. Fum nyɛ ya, zamehegɔ zo'e zo'e la n bahɛ ti fum zãla wa.”

Tõoma 9:16

Mam mɛŋa wan pa'alɛ en, en de a namehɛ namehɛ kãra sɛ'a mam yu'urɛ wa muulegɔ zuo.”

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

1 Korẽntɩ 1:23

Gee han dɛna tumam, tumam muuli la Kiresta ti ba kpa' la, yelese'ere en de pirega lɔkɔ bo' Yuuduma, gee dɛna gɔɔn yelehum bo' sɛba en dagi Yuuduma la.

1 Korẽntɩ 1:25

Se'ere en sɔi la, nɛreba en nyɛ sɛla ti'iha ti Yinɛ gɔɔnɛ n bala la, nyani asaala yɛm, ti nɛreba en nyɛ sɛla ti'iha ti Yinɛ tɔregɔ en bala la, nyana asaala paŋa.

1 Korẽntɩ 10:12

Bala, fum se'em en ti'ihɛ fum ze' mɛ, bihɛ suŋa la fum da lu.

1 Korẽntɩ 2:14

Sɛba ti Sia la ka bɔna la ba la, ka to'ore Yinɛ Sia bo'olum la, se'ere en sɔi la, ba ka tari vuurɛ bo' ba, ti ba me kan ta'am bɔkɛ ba, se'ere en sɔi la, ba dela Sia puan yɛla.

1 Korẽntɩ 2:3

N wa'am ya zi'an mɛ na la tɔregɔ, la dabeem la gbi'a zo'e zo'e.

1 Korẽntɩ 3:18

Da pã'ahɛ ya mɛhi. Ya han ti'ihɛ ti yamam en de yɛm duma buuri sankana wa puan, ya tugum lebege geto, la ya ta'am nyɛ yɛm.

1 Korẽntɩ 3:2

Mam bo' ya la bi'ihum, gee dagi dikpe'ene, se'ere en sɔi la, ya daa ka maahum ti ya di dikpe'ene. La nananawa me, ya pun kelum ka maahum,

1 Korẽntɩ 4:8

Bala! Yamam pun tara sɛla woo ti ya bɔta la mɛ! Yelemɛŋerɛ ya pun dɛna la buntateba? Ya pun lebege la naduma ti tumam ka te'ele ya? Mam boti ni ti ya sirum lebege ni la naduma, ti tumam me deni naduma la ya.

2 Korẽntɩ 10:10

Se'ere en sɔi la, ba yeti, “A gɔnɔ tibegɛ mɛ gee kpe'em, gee a han zɛ'a ya nɛŋan, a ka tari paŋa ti a yetɔgum la me ka tara tibehum.”

2 Korẽntɩ 11:19

Se'ere en sɔi la, ya pee la puurɛ ŋmibera la gɔɔnɔ, gee dɛna yɛmduma ya mɛhi.

2 Korẽntɩ 11:29

Ani n de tɔregɔ daana, ti mam dagena tɔregɔ daana? Ani ti ba pirɛ ti a lu, ti bugum ka dita mam?

2 Korẽntɩ 13:9

Tumam nyɛɛni mɛ, tu han tara tɔregɔ gee ti yamam kpe'em. Tumam n pu'uhi se'ere dela, ya ze'ele suŋa, ba'ahɛ suŋa suŋa.

2 Korẽntɩ 4:12

Ŋwana wa bahɛ ti kum n zabera tumam daare woo, gee ti vom bɔna la yamam.

2 Korẽntɩ 6:8

na'ahegɔ la fakerɛ yɛla, bã'ahi, imma'ahum puan. Ba ita tu wuu tu dela pumpã'ahum duma, gee ti tu dɛna yelemɛŋerɛ duma,

1 Tesaloniki 4:8

Ŋwana zuo, se'em woo en zagehɛ yele ana wa, ka zagehɛ la asaala kpe'eŋo gee Yinɛ, se'em me en bo'ori tu a Fa'a Sia la.

1 Pita 4:14

Ba han tuura ya Kiresta yu'urɛ zuo, sum en dole ya, beni zuo, sia sɛka en de suŋa la, dɛna Yinɛ Sia la, en boi la ya.