1 Korẽntɩ 3:13 - ZE'ELEGO PAALEGA

¹³ mɛta woo tuunɛ wan ta niiɛ na, se'ere en sɔi la, dabeherɛ la daarɛ wan niiɛ dɛ na, beni zuo, bugum en wan ta bahɛ ti de niiɛ na, bugum la wan magehɛ tuunse'ere taaba ti nɛra woo tum la bihɛ.

Farefare Ninkaré

¹³ La Azezi-krisi lemŋo daarɛ, nẽra woo n tõm se'em wʋn puke mɛ peelem pʋam. La de la bugum n wʋn makɛ tõoma la, pa'alɛ nẽra woo tõoma n ãn se'em.

1 Korẽntɩ 3:13 ပူးပေါင်းရင်းမြစ်များ

Amatie 10:15

N yeti ya la yelemɛŋerɛ ti, gakerɛ daarɛ la, la wan ta ana ma'ma' bo' Sodom la Gomora tihi gana tinkaŋa taaba.

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Aluki 2:35

ti la bahɛ ti yele sɛ'a en sugɛ nɛreba zo'e zo'e suya puan ha la niiɛ na, gee ti su'a lu' fum mɛŋa me.”

Aromduma 2:16

daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

Aromduma 2:5

Gee fum sukãberɛ la, la fum n ka malum tɛɛra lagehɛ la sunsunyiim pagela fum zuo, gura sunsunyiim dabeherɛ la ti Yinɛ tuuntɔɔ gakerɛ la wan niiɛ fum zuo na.

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

1 Korẽntɩ 3:12

Bala, se'em han mɛta ɛ̃berɛ wa zuo mɛ la salema, salempɛɛla, kugesuma, dɔɔrɔ, kinka, la muɔ,

1 Korẽntɩ 4:5

Bala, da gakɛ ya gee ti saŋa la nyaa paaɛ, gee ti Kiresta nyaa wa'am na, eŋa se'em daana en wan bahɛ ti sɛlawoo en sugɛ lika puan nananawa niiɛ peelumen, gee lilege suure puan yɛla la. Bilam ti nɛrawoo nyaa wan to'e a pɛka Yinɛ zi'an.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

2 Timoti 1:18

Daana la bahɛ ti a ta nyɛ nimbɔ'zɔrɛ Daana la zi'an de daarɛ. Fum me mi' en tum zo'e se'em Ɛfisu puan.

2 Timoti 3:9

Gee ba kan ba' nyɛ nɛŋa tɔlega bala, beni zuo, wuu lan daa ani se'em buraahi siyi la puan la, bamam gɔɔn tuuma la me wan niiɛ peelumen ti nɛra woo nyɛ.

2 Timoti 4:8

Nananawa yɛ'a ha, sɛla en dikɛ biŋe gura mam dela, tuuntɔɔ vom muŋa, sɛka ti Daana la en de tuuntɔɔ gakera la, wan dikɛ bo' mam de daarɛ, gee dagi mam ma'a, gee sɛba woo en me guri Yezu lɛbega na la.

Hiburuduma 10:25

da zagehera ya lagena taaba, wuu basɛba itegɔ en de se'em la, gee ya kpɛmeha taaba, malum ita de gana bala, wuu yan nyɛ ti dabeherɛ la pɔri la.

1 Pita 1:7

ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

1 Pita 4:12

N sunɔŋerɛ duma wa, da bahɛ ya ti la iŋɛ ya pakerɛ, la namehɛ tuulɛ wa en boi ya puan ti bu makɛ ya bihɛ wa, ti la ana wuu yele saanɛ bo' ya.

2 Pita 3:10

Gee Daana dabeherɛ la yeti la wa'am me na wuu nageyiga la, ti saazuo wa mɛlum la voole kãtɛ, ti bugum nyɛlegɛ lɔgerɔ, ti sɛla woo en boi timpaberɛ wa zuo nyɛlegɛ la bugum.

2 Pita 3:7

Yelehum bumɔ mɛa en tɔgɛ biŋe, ti zina beere saazuo la timpaberɛ wa gura ba sige bugum puan la. Ba gã' gura la gakerɛ dabeherɛ la, la sɛba en ka zoti Yinɛ la sageŋɔ dabeherɛ la.

Lilegere 20:12

Ti mam nyɛ ti sɛba en ki la, nɛre kãreba la tarenduma, zɛ'a na'am kuka kãtɛ la nɛŋan, ti gɔnɔ lagehɛ, gee ti gɔŋɔ kuyima me lakɛ, gɔŋɔ seko en de vom gɔŋɔ la, ti ba gakɛ sɛba en ki la, doohe la ban tum sɛla wuu lan gulehɛ se'em gɔnɔ la puan la.