1 Korẽntɩ 2:7 - ZE'ELEGO PAALEGA

⁷ Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

Farefare Ninkaré

⁷ Tõma mõolɩ la Nawẽnnɛ yɛm n daan sʋgɛ tɩ nẽrba ka mina. Nawẽnnɛ daan põn looge yel-bãma mɛ lan dẽŋɛ dũnia pĩ'iluŋo tɩ a botɩ tɩ yẽ nã'asgɔ a zẽ'am.

1 Korẽntɩ 2:7 ပူးပေါင်းရင်းမြစ်များ

Amatie 11:25

Sankana puan, ti Yezu tɔgɛ yeti, “Mam bo' n Sɔ saazuo la tiŋa za'a Daana, fara fara se'ere zuo, fum dikɛ yele ana sugɛ yɛm la mi'ilum duma mɛ, gee tugum lilege a bo' kɔmbilɛɛhi.

Amatie 13:35

Dina iŋɛ ti nɔtɔgeha la purega la wa'am asira na. A yuum purɛ yeti, “Mam wan ya'ɛ en nuurɛ tɔgɛ la mageha, N wan muulɛ sɛla en sugɛ tiŋa wa pi'ileŋo na.”

Aromduma 11:25

Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa.

Aromduma 8:29

Se'ere en sɔi la, sɛba ti a pun mina la, a pun maahum ba ze'ele mɛ, ti ba tara a dayua la naanɛ, ti a dayua la ta'am dɛna zuodaana suurɔ kekeko puan.

Aromduma 8:30

Sɛba ti a maahum ba ze'ele la, bamam ti a yi', ti sɛba ti a yi' la, a bo' ba la buurɔ, ti sɛba ti a bo' ba buurɔ la, bamam ti a pirɛ ba la suŋa.

1 Korẽntɩ 2:1

Mam n wa'am ya zi'an na la n suurɔ, mam ka wa'am na muula Yinɛ sugelum yelehum la la yɛm kirega sɛka bii nɔmaalum puan bɔ'ɔra ya.

Efɛɛzɩ 1:4

wuu en looe tu se'em Kiresta puan gee nyaa baŋɛ naam timpaberɛ wa la, ti tu dɛna tuulum nɛreba, ka tara tuure a nɛŋan, a nɔŋerɛ la puan la.

Efɛɛzɩ 3:10

ti la doohe lageŋɔ la puan, ti Yinɛ yɛm la n ka tari ba'ahegɔ la wan nyaa niiɛ bo' timbihereba, la kpɛ'ɛnduma n boi saazuo ha.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

Hiburuduma 1:2

gee ba'ahegɔ dabeha wa puan, a tɔgɛ bo' tu doohe la a dayua puan, sɛka ti a looe ti ka sooe sɔna sɛla woo, se'em puan ti Yinɛ doohe naam sɛla woo en boi wa.

Hiburuduma 11:3

Sakerɛ zuo ti tu bɔkɛ ti Yinɛ naam saazuo la timpaberɛ wa mɛ la a yelehum ma'a, bala, sɛla ti tu nyɛta wa ze'ele la sɛla ti tu ka nyɛta puan na.

1 Pita 1:11

viihera ɛɛra nɛresɛka, la sansɛka ti Kiresta Sia la en boi ba puan la ta pa'alɛ ba, doohe la Sia la en te'ele yele ba namehegɔ seko taaba en maahum gura Kiresta, la na'ahegɔ seko en dole ku poore.

1 Pita 5:1

Nananawa, mam mɛŋa en de kiima, gee dɛna aze'nyɛ daana bo' Kiresta namehegɔ la, gee me dɛna se'em en wan ta nyɛ tɔtɛ suŋa la en wan ta niiɛ na la puan. Mam kpemehe kiinduma en boi ya puan la

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 1:3

Yinɛ sia puan paŋa la bo' tu sɛla woo ti tu bɔta, ti tu ta'am vɔna gee tara Yinɛ zoolum doohe tumam mi' se'em daana en yi' tu a mɛŋa suŋa, la a itesuŋɔ puan la.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.