1 Korẽntɩ 2:6 - ZE'ELEGO PAALEGA

⁶ Gee la bala za'a, sɛba en bi'ɛ sakerɛ puan la, ti tari yɛm tɔgera mɛ, gee dagi zina beere yɛm wa puan, bii pahi se'ehi en sɔi zina beere wa biha, gã'a gura sageŋɔ paaɛ si wa.

Farefare Ninkaré

⁶ La baa bɛla, tõma tɔgrɩ la yɛm yetɔga bɔ'ɔra sɛba n bɩ Nawẽnnɛ sore la doosgo pʋam. La dagɩ dũnia wã yɛm, la mẽ ka de sɛba n soe dũnia wã yɛm. Bãma wʋn lebge la zãŋa.

1 Korẽntɩ 2:6 ပူးပေါင်းရင်းမြစ်များ

Amatie 13:22

Han dɛna sɛba en zɔgɛ gu'uhi puan la, eŋa dela se'em en wum yelefum la, gee ti tiŋa wa zuo yɛla nyɛlum la tarega pa'ahɛ la ni gu' yelefum la ti bu ka ta'am wam sɛla.

Amatie 19:21

Ti Yezu yele en yeti, “Fum nyaa han bɔta ti fum bi'ɛ kahegɛ, nyaa kiŋɛ ta koohe fum lɔgerɔ la, dikɛ ligeri la bo' naheduma, ti fum tarega la nyaa bɔna saazuo ha, gee ti fum nyaa wa'am na dɔla mam.”

Amatie 5:48

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Aluki 16:8

A daana la en ta baŋɛ la, a pɛgɛ ŋmɛlema lɔgebehera kpɛ'ɛma wa mɛ, la kaŋa en nyaŋɛ tarehɛ ka yele la se'em la yɛm. La dela bala mɛa, zina beere wa nɛreba tã zãla ba mɛhi saŋa wa yɛla la yɛm gana niihum puan nɛreba.

1 Korẽntɩ 1:28

Yinɛ looe la tarema, la sɛla en ka tari zuo tiŋa wa zuo, yelesɛ'a en pun dagena sɛla la, ti a sigehe yelekãra duma la ti ba lebege zaŋa,

1 Korẽntɩ 12:8

Ayima, Sia la bo' en la yɛm tugum puan, ti ayima me, Sɛkaŋa mɛa n bo' en mi'ilum tugum puan,

1 Korẽntɩ 14:20

N suurɔ, da deni ya kɔma ya ti'ihegɔ puan, gee tugum deni ya kɔmbilɛɛhi be'em tuuma puan, gee ti'ihegɔ puan deni ya bunkureba.

1 Korẽntɩ 2:1

Mam n wa'am ya zi'an na la n suurɔ, mam ka wa'am na muula Yinɛ sugelum yelehum la la yɛm kirega sɛka bii nɔmaalum puan bɔ'ɔra ya.

1 Korẽntɩ 2:13

Ti tumam tɔgera yele ana wa mɛ dagi la asaala pa'alegɔ yɛm puan, gee Sia la pa'alegɔ. Lɛregera Sia puan yɛla pa'ala sɛba en tari Sia la.

1 Korẽntɩ 2:8

Se'em ka boi sankana na'duma wa puan bɔkɛ yele ana wa; Ba han bɔkɛ ni mɛ, ba kan kpa' ni Tibehum Za'a Daana la.

1 Korẽntɩ 3:1

Bala la, n suurɔ, mam ka ta'am ni tɔgɛ bo' ya wuu sɛba ti Fa'a Sia la bɔna la ba, gee en tugum tɔgɛ bo' ya wuu sɛba ti Sia la ka bɔna ba puan la. Wuu ya dela kɔma Kiresta puan la.

2 Korẽntɩ 1:12

Yelemɛŋerɛ, tumam ŋmɛ'ɛri tu nyu'urɔ mɛ, gee me tara yelemɛŋerɛ tu puti'ira puan ti Tumam tum timpaberɛ wa zuo mɛ la yelemɛŋerɛ, la Yinɛ zoolum, gee dagena tiŋa wa zuo yɛm, gee Yinɛ zu'uhegɔ la, ti ŋwana wa dɛna la yamam wa zuo.

2 Korẽntɩ 13:11

Ba'ahegɔ za'a n suurɔ, nyɛɛni ya. Maahum ya sɛla woo suŋa, kpemehe ya taaba suya, sakerɛ ya bo'ori ya taaba, boni ya la suma'ahum, ti Yinɛ En de nɔŋerɛ la suma'ahum Yinɛ la wan bɔna la ya.

2 Korẽntɩ 4:3

Tumam yelehum wa han pun pi' mɛ, bu pi' la sɛba en baheri yoo la zi'an.

2 Korẽntɩ 4:4

Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

Efɛɛzɩ 2:2

ti ya yuum bɔna bu puan, dɔla timpaberɛ wa zuo yɛla la, dɔla se'em daana paŋa n boi kusebego wa puan la. Sɛsɛka n boi nananawa tuna la sɛba n ka nane Yinɛ nuurɛ la.

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

Hiburuduma 5:14

Gee dikpe'ene dela sɛba en bi'ɛ kahegɛ bunɔ, sɛba en nyɛ kpemehego tuuma puan, tana wɛleha be'em la sum la.

Hiburuduma 6:1

Bala zuo, bahɛ ya ti tu kiŋɛ nɛŋa bi'ihɛ suŋa suŋa, tu bahɛ pi'ileŋo pa'alegɔ ti ba pun pa'alɛ tu yia Kiresta puan pooren, da le bahɛ ya ti tu le tagehɛ ɛberɛ iibegɔ, la en de tu tee kum tuuma, tu tara sakerɛ Yinɛ puan,

Yemesi 3:15

Yɛm buna taaba ka ze'ele saazuo na, gee bu dela timpaberɛ wa zuo, ka dɛna sia puan, gee kulekpa'bɛ'ɛhi yɛm.

Yemesi 3:2

Se'ere en sɔi la, tu za'a tuure mɛ. Se'em en ka tuure a tugum puan dela tuuntɔɔ, tana a a iŋa za'a tara la gareŋenɛ.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.