1 Korẽntɩ 2:14 - ZE'ELEGO PAALEGA

¹⁴ Sɛba ti Sia la ka bɔna la ba la, ka to'ore Yinɛ Sia bo'olum la, se'ere en sɔi la, ba ka tari vuurɛ bo' ba, ti ba me kan ta'am bɔkɛ ba, se'ere en sɔi la, ba dela Sia puan yɛla.

Farefare Ninkaré

¹⁴ La nẽr-sɛka n ka tarɩ Nawẽnnɛ Sɩa la kãn tã'agɛ to'oge sɛla n ze'ele Nawẽnnɛ Sɩa zẽ'am, la de la yalnɛ bɔ ẽ, a kãn tã'agɛ bãŋɛ a võorɛ. Nẽr-sɛka tɩ Nawẽnnɛ Sɩa boe la ẽ lɛ mã'a n mi Nawẽnnɛ Sɩa la yelle.

1 Korẽntɩ 2:14 ပူးပေါင်းရင်းမြစ်များ

Amatie 16:23

Gee Yezu ŋmɛregɛ yele Pita yeti, “Fɔregɛ mam zi'an Sagena wa. Fum dela pirega pita mam, se'ere en sɔi la, fum puti'irɛ ka boi saazuo yɛla puan, gee asaala yɛla puan.”

Azã 10:20

Ti ba zo'e zo'e yɛta ti, “Kulekpa'bɛ'a n dole en, ti a zuo ka tuna. Wani ti tu wan zɛ'a kɛleha en?”

Azã 12:37

La Yezu n tum daalehum kekeko nɛreba la ninin la, ba zo'e zo'e ka nam bo' en.

Azã 14:17

Eŋa en de Fa'a Sia la n de yelemɛŋerɛ la, se'em ti Timpaberɛ wa zuo kan to'e en, Se'ere n sɔi la, timpaberɛ wa zuo nɛreba ka nyɛti en, bii ba mina en. Gee yamam mi' en se'ere n sɔi la, a boi mɛ la ya, gee wan kelum bɔna la ya.

Azã 14:26

Gee Tɛ'ɛla la kini na, Fa'a Sia la. Se'em ti Sɔ la wan tum en na mam yu'urɛ puan la. Eŋa wan pa'alɛ ya sɛla woo, gee tiiha ya sɛla woo ti mam yele ya la.

Azã 15:26

“Gee Tɛ'ɛla la han wa'am na, se'em ti mam wan tum en ti a ze'ele Sɔ la zi'an na la, se'em n de Fa'a Sia la en de yelemɛŋerɛ, ze'ele mam Sɔ la zi'an na la, a wan tɔgera la mam yele bɔ'ɔra ya.

Azã 5:44

Ya yeti ya iŋɛ la wani nam mam. Ya han tɔ'ɔha taaba na'ahegɔ, gee ka ɛɛra la ninmu'urɛ, na'ahegɔ seko n ze'eti se'em ma'a n de Yinɛ la zi'an na la?

Azã 8:43

Wani ti ya ka bɔkera mam yeti se'em wa? La dela, ya ka maahum ti ya nam mam yelehum wa zuo.

Tõoma 16:14

Ti pɔka bɔna ba puan kɛleha tɔ, ti ka yu'urɛ yi'ira Lidiya, dɛna pɔka dɛna Yin-zɔta, yehe Tayatira na, kɔɔha fumɔlɔ. Ti Daana la yu'ɛ ka suure ti ka kɛleha Pɔɔl en yeti sɛla la suŋa suŋa.

Tõoma 17:18

Ti Epikureya la Sitoyiki yɛmduma wa'am na ŋmɛ'ɛra nɔkpe'ene la en. Ti sɛba yeti, “Gerego kuna me boti ku pa'alɛ la bem?” Ti sɛba me yeti, “A tɔgeri la tihi sise'ehi tingama yɛla.” (Se'ere n sɔi la Pɔɔl n muuli Yezu faarɛ yelehum la yeti a ki mɛ gee ihege la.)

Tõoma 17:32

Ban wum ti a purɛ a ki gee ihege la, ti basɛba pureha, gee basɛba yeti, “Tu boti fum malum tɔgɛ yele ana wa pa'ahɛ mɛ ti tu kelehe.”

Tõoma 18:15

Gee kan de tugum la yu'ura la yamam mɛŋa ze'elego wa la, ya mɛhi bihɛ tɔgɛ dɛ, gee mam ka boti n dɛna gakera yele ana wa puan.”

Tõoma 25:19

Ba daa tugum dɔla ɛ tɔgera la bamam la buraa la n ka sakɛ bo' taaba se'em ba pu'uhegɔ yɛla puan, la Buraa kayima ti ba yi'ira ka Yezu n ki, gee ti Pɔɔl la sakɛ ti buraa la vɔi mɛ.

1 Korẽntɩ 1:18

Se'ere en sɔi la, Pumpuuredɔɔ yelehum la dela gɔɔnyɛla bo' sɛba en baheri yoo la. Gee han dɛna tumam sɛba en nyɛ faarɛ wa, bu dela Yinɛ paŋa.

1 Korẽntɩ 1:21

Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

1 Korẽntɩ 1:23

Gee han dɛna tumam, tumam muuli la Kiresta ti ba kpa' la, yelese'ere en de pirega lɔkɔ bo' Yuuduma, gee dɛna gɔɔn yelehum bo' sɛba en dagi Yuuduma la.

1 Korẽntɩ 1:25

Se'ere en sɔi la, nɛreba en nyɛ sɛla ti'iha ti Yinɛ gɔɔnɛ n bala la, nyani asaala yɛm, ti nɛreba en nyɛ sɛla ti'iha ti Yinɛ tɔregɔ en bala la, nyana asaala paŋa.

1 Korẽntɩ 15:44

Ba buti la ingɔŋɔ iŋa puan, gee ba vo'ore la sia iŋa puan. Ingɔŋɔ puan iŋa han bɔna, sia puan iŋa me boi mɛ.

1 Korẽntɩ 15:46

Gee la dagi sia iŋa la en de yia, gee ingɔŋɔ iŋa la. Nyaa bo' sia iŋa la.

1 Korẽntɩ 2:12

Nananawa, han dɛna tumam, tumam ka to'e la tiŋa wa zuo sia la, gee Sɛsɛka en ze'ele Yinɛ zi'an na, ti tu ta'am bɔkera bo'olum sebo ti Yinɛ ka'ɛ bahɛ tu zuo la.

1 Korẽntɩ 3:1

Bala la, n suurɔ, mam ka ta'am ni tɔgɛ bo' ya wuu sɛba ti Fa'a Sia la bɔna la ba, gee en tugum tɔgɛ bo' ya wuu sɛba ti Sia la ka bɔna ba puan la. Wuu ya dela kɔma Kiresta puan la.

Yemesi 3:15

Yɛm buna taaba ka ze'ele saazuo na, gee bu dela timpaberɛ wa zuo, ka dɛna sia puan, gee kulekpa'bɛ'ɛhi yɛm.

1 Zã 2:20

Gee Fa'a Daana la en sɔi yamam, ti ya za'a mina dina wa.

1 Zã 2:27

Han dɛna yamam, bi'ihegɔ seko ti ya to'e a zi'an la, boi ya puan mɛ, bala, ya ka eere nɛra ti a pa'alɛ ya. Gee a bi'ihegɔ la en pa'ali ya sɛla woo la, ti la me dɛna sira gee dagena pumpɔreŋɔ, wuu a bi'ihegɔ la en pun pa'alɛ ya se'em la, boni ya a puan.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

Azudi 1:19

La dela tiŋa zuo nɛrebana wa n ka tari Fa'a Sia la, n tari welehego kina ya puan na.