1 Korẽntɩ 15:57 - ZE'ELEGO PAALEGA

⁵⁷ Gee pɛka dɛna Yinɛ dinɛ, se'em n bo'ori tu nyaŋerɛ doohe tu Daana Yezu Kiresta puan.

Farefare Ninkaré

⁵⁷ Tɩ pʋ'ʋsɛ Nawẽnnɛ a yel-sõnnɛ, ẽŋa n botɩ tõma yãŋɛ tõon-be'ero, la kũm, Zuudãana Azezi-krisi ĩyã la.

1 Korẽntɩ 15:57 ပူးပေါင်းရင်းမြစ်များ

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Tõoma 27:35

En tɔgɛ ŋwana ba'ahɛ la, gee looe boroboro, bo' Yinɛ fara ba za'a nɛŋan, gee gi'ɛ dɛ pɔhɛ ɔbega.

Aromduma 7:25

Gee Yinɛ n sɔi fara doohe Yezu Kiresta tu Daana la puan. Bani zuo, mam suure puan, mam dela da'aberɛ bo' Yinɛ ze'elego la, gee n inganɛ puan, mam dela da'aberɛ bo' be'em ze'elego la.

Aromduma 8:37

Gee yele ana woo puan, tumam gani nyaŋereba mɛ, doohe se'em daana en nɔŋɛ tu la puan.

1 Korẽntɩ 15:51

Kelehe ya, n wan yele ya sɛla en sugɛ. Yelemɛŋerɛ tu za'a kan ki, gee tu za'a wan ta tee,

2 Korẽntɩ 1:11

yamam en naaɛ la tɔ, suŋera tɔ la nupu'uŋmɛ'a la, bala zuo ti a bu tu sum doohe nɛreba zo'e zo'e nupu'ɔ ŋmɛ'a la puan. La bahɛ ti nɛreba zo'e zo'e bo' Yinɛ fara bo' tu.

2 Korẽntɩ 2:14

Gee pɛka paaɛ Yinɛ, se'em n dole Kiresta puan saŋa woo bahɛ ti tu kina nyaŋerɛ kinɛ, gee dɔla tumam puan bahɛ ti tu yiregera nyuuŋo suŋɔ seko en boi Kiresta baŋerɛ puan zi'an woo la.

2 Korẽntɩ 9:15

Fara fara dɛna Yinɛ dinɛ la a bo'olum sebo n ka tari makerɛ wa.

Efɛɛzɩ 5:20

Bo'ori ya Yinɛ n de Sɔ la fara saŋa woo puan, la sɛla woo puan tu Daana Yezu Kiresta yu'urɛ la puan.

Hiburuduma 2:14

Lan yi de ti, kɔma la za'a dela inganɛ la ziim la, eŋa Yezu mɛŋa me wa'am na ana mɛ wuu bamam la, ti a ta'am doohe kum puan sagum se'em en tari kum paŋa la. Sagena la en bala,

Lilegere 12:11

Gee ba nyaŋɛ en mɛ la Pebila la ziim la, la ba nuurɛ yetɔgum, se'ere en sɔi la, ba daa ka fabele ba vom yele, la kum nɛŋan me.

Lilegere 21:4

A wan duuhe nintahɔ woo ba ninin bahɛ.” Kum kan le bɔna. Si'iŋɔ la kɛlega, la too kan le bɔna, Se'ere en sɔi la, yia yɛla la tole ya.