1 Korẽntɩ 15:3 - ZE'ELEGO PAALEGA

³ Se'ere en sɔi la, mam bo' ya la sɛla n de ninmu'urɛ yele yia ti mam to'e de. De dela, Kiresta ki bo' la tumam be'em, doohe gulehegɔ la,

Farefare Ninkaré

³ Zãsŋɔ sɛka n gãnnɩ tɩ mam daan to'oge n bɛla tɩ mam dẽŋɛ zãsʋm ya: Krisi ki la tõma tõon-be'ero ĩyã, wʋ lan gʋlsɛ Nawẽnnɛ gõŋɔ pʋam se'em na.

1 Korẽntɩ 15:3 ပူးပေါင်းရင်းမြစ်များ

Amatie 26:24

Asaala Dayua la wan ba'afum kiŋɛ wuu ban pun gulehɛ se'em la, gee yele boi se'em daana en koohe en la zuo! La wan ani ni suŋa bo' en, ba han pun ka dɔgɛ buraa kana wa.”

Amatie 26:28

Mam nɔpu'ulegɔ ziim n bala, wan ka'ɛ bo' nɛreba zo'e zo'e yelebe'ero sugeri dia.

Aluki 24:25

Ti a yele ba yeti, “Ya gerege mɛ, ti ya bɔkerɛ me tɔna ti ya nam sɛla woo ti nɔtɔgeheba la muulɛ ti la wan iŋɛ la.

Azã 1:29

Yiimbeere ti Yɔn nyɛ ti Yezu kini tɔɔra en na, ti a muulɛ yeti, “Bihɛ ya,Yinɛ Pebila la n ŋwana, se'em n to'e timpaberɛ wa zuo be'em la!

Tõoma 17:2

Ti Pɔɔl kiŋɛ ta kɛ̃ bini wuu en ni pun ita se'em la, vo'ohego dabeha atã ti eŋa la Yuuduma la tɔgera yɛla gulehegɔ la puan,

Tõoma 3:18

Ŋwana puan ti Yinɛ nɔtɔgeheba la en yuum purɛ yeti, a Kiresta la wan namehɛ la wa'am asira na.

Tõoma 8:32

Gulehegɔ la ze'sɛka ti a kãala n yeti se'em n ŋwana. “Ba nyɔkɛ en mɛ wuu pehego la ta bo' se'em n kuuri duhi, a ani la bããlam wuu pehego en ani bããlam se'em gee ti ba kɛɛra ku kɔberɔ la, bala mɛa ti a ana bããlam ka ya'ɛ a nuurɛ.

Aromduma 3:25

se'em ti Yinɛ dikɛ en diilɛ ti a dɛna kaabegɔ seko en lilege Yinɛ nimbɔ'zɔrɛ doohe a ziim la, en tuni dɔla sakerɛ puan la. Yinɛ iŋɛ ŋwana pa'alɛ la a tuntɔɔnɛ, se'ere en sɔi la, a sugeri la puan ti a bahɛ saaleba be'em sebo ti ba tabelɛ tum.

Aromduma 4:25

Se'em ti Yinɛ dikɛ en tihɛ na ti a ki tumam tuure zuo, gee daa vo'e en tumam buurɔ zuo la.

1 Korẽntɩ 11:2

N pɛgɛ ya, la yan tɛri mam sɛla woo puan se'em la, gee me tara malema suŋa suna wuu mam dikɛ a se'em bo' ya la.

1 Korẽntɩ 11:23

Mam to'e se'ere Daana zi'an la, dinɛ ti mam dikɛ bɔ'ɔra ya. Ti Daana Yezu, yu'uŋɔ seko ti ba wan koohe en la, a dikɛ la boroboro,

2 Korẽntɩ 5:21

Se'ere en sɔi la, tumam zuo ti Yinɛ iŋɛ en ti a ana wuu a dela be'em daana la, eŋa se'em en ka tabelɛ mina be'em, ti doohe eŋa puan tu wan tara Yinɛ tuuntɔɔ vom la.

Galatɩ 1:12

Mam ka to'e bɔ asaala zi'an, bii n zamehɛ bu mɛ, gee mam to'e bu la Yezu Kiresta en niiɛ a mɛŋa pa'alɛ mam la zi'an.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Galatɩ 3:13

Kiresta yɔ to'e tɔ mɛ ze'elego pɔtɛ la puan bahɛ, doohe eŋa ti nɔpɔtɛ dɔla en tumam zuo la. Se'ere en sɔi la, la gulehɛ biŋe yeti, “Nɔpɔtɛ en dole se'em woo en yule tia zuo.”

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 5:2

gee vɔni ya la nɔŋerɛ wuu Kiresta n nɔŋɛ tɔ se'em, dikɛ a mɛŋa bo' tu se'em, lebege nyuuŋo suŋɔ kaabegɔ bo'olum ti ba kaabɛ bo' Yinɛ la.

Hiburuduma 5:1

Malemaduma kiima woo ti ba looe en saaleba puan, ba ni bahɛ ti a sɔna la yelesɛ'a en de Yinɛ yɛla biheri bɔ'ɔra saaleba. A kaabera bo'olum, gee kaabera be'em zuo.

Hiburuduma 5:3

Ti ŋwana zuo ti la dɛna a ni kaabɛ a mɛŋa be'em zuo yia, gee nyaa kaabɛ bo' nɛreba la me.

1 Pita 1:11

viihera ɛɛra nɛresɛka, la sansɛka ti Kiresta Sia la en boi ba puan la ta pa'alɛ ba, doohe la Sia la en te'ele yele ba namehegɔ seko taaba en maahum gura Kiresta, la na'ahegɔ seko en dole ku poore.

1 Pita 2:24

Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 3:18

Kiresta me wa namehɛ mɛ buyina, tumam za'a be'em zuo. Tuntɔɔ daana en namehɛ bo' sɛba en dagi tuuntɔɔ duma, ti a tari ya na bo' Yinɛ. Ba ku en mɛ ingɔŋɔ wa puan, gee ba vo'e en mɛ Sia puan,

1 Zã 2:2

Eŋa en de akaabɛ to'e kaabegɔ bo' tumam tuure la, dagi tumam ma'a tuure la, gee tiŋa wa zuo za'a tuure.

Lilegere 1:5

la Yezu Kiresta en de yelemɛŋerɛ aze'nyɛ daana la, dɛna ki'induma bikiima la, dɛna timpaberɛ wa zuo naduma naba la. Eŋa se'em en nɔŋɛ tɔ, gee faaɛ tɔ tu be'em puan bahɛ, la a mɛŋa ziim la,