1 Korẽntɩ 14:16 - ZE'ELEGO PAALEGA

¹⁶ Han dagena bala, fum han ka'ara sum sia la puan, ŋwani ti yiŋa daana wan ta'am yeti “Taari” bo' fum fara bu'a la, yiŋa daana la n en ka bɔkerɛ fum n yeti sɛla la?

Farefare Ninkaré

¹⁶ Fʋ sãn pʋ'ʋsra Nawẽnnɛ a yel-sõnnɛ la yetɔg-zãŋka, nẽra wʋn ẽŋɛ la wãne ze'ele nẽrba la n lagsɛ la pʋam yetɩ: «Amina», dee ka wõm fõn yele se'em na võorɛ?

1 Korẽntɩ 14:16 ပူးပေါင်းရင်းမြစ်များ

Amatie 15:36

Ti a to'e boroboro bayopɔi la la zim la. En bo' fara ba'ahɛ la, a fige boroboro la mɛ bo' a zahereba, ti bamam me dikɛ tɔrɛ nɛrekuuŋɔ la.

Amatie 28:20

gee pa'alɛ ya ba, ti ba nana sɛla woo ti mam bo' nuurɛ ti ya ita la. Gee tɛri ya ti, mam boi la ya mɛ saŋa woo, ta paara tiŋa wa ba'ahegɔ saŋa.”

Amatie 6:13

Da tari tu kɛ̃ magehegɔ puan gee faaɛ tɔ be'em daana la nu'uhen bahɛ. [Sɔ'ɔlum la dela fum dinɛ, paŋa suŋa, wuuha wuuha, Amɛn. Yia yia gulehɛgɔ la tuseto ka tari ka'lam]

Amarkɩ 16:20

Ti a zahereba la me yiregɛ zi'an woo ta muulɛ yelesuma la bo' nɛra woo, ti Daana la me tum nyalema la kirehi, ti la dɛna daalehum bo' yelehum la.]

Azã 21:25

Gee yɛla a sɛ'a zo'e zo'e me boi ha, ti Yezu tum, ti ba han yele ni ti, ba gulehɛ a za'a yele, yele ta ba'ahɛ, mam mi ti timpaberɛ wa tari ka ni gɔnɔ seto ti ba wan gulehɛ ni la.

Azã 7:15

Ti la iŋɛ Yuuduma la pakerɛ, ti ba yɛta yeti, “Buraa wa nyɛ mi'ilum buna la bɛ, gee ti ba ka makɛ zamehɛ en?”

Tõoma 4:13

Nɛreba wa n nyɛ Pita la Yɔn sukpe'ene la, gee me baŋɛ ti ba dagi gɔnmi'ineba gee ba yeen dɛna la nɛreba la, ti la iŋɛ ba pakerɛ, gee ti ba le baŋɛ ti ba ni bɔna mɛ la Yezu.

1 Korẽntɩ 11:24

en bo' fara ba'ahɛ la, a figehe de mɛ gee yeti, “Dina en de mam iŋa ti n dikera bɔ'ɔra ya. Iti ya dɛna la ya tɛra n yele.”

1 Korẽntɩ 14:14

Se'ere en sɔi la, mam han pu'uha la yetɔgum buuri buuri, mam sia la en pu'uhi, gee mam puti'irɛ ka bɔkeri.

1 Korẽntɩ 14:2

Se'ere en sɔi la, sɛba n tɔgeri buuri buuri yetɔgum la ka tɔgeri bɔ'ɔra la nɛreba gee Yinɛ. Beni zuo, nɛra ka boi bɔkera ba. Ban tɔgeri sɛla en sugɛ Sia puan la zuo.

1 Korẽntɩ 16:24

Mam nɔŋerɛ bɔna la ya za'a Kiresta Yezu puan.

2 Korẽntɩ 1:20

Se'ere en sɔi la, eŋa puan, Yinɛ nɔbiŋe a woo dela “Ɛ̃ɛ.” Dina wa zuo, la dole la eŋa puan ti tu ni yeti “Taari la,” Yinɛ sɔna na'ahegɔ.

Lilegere 22:20

Se'em daana en nyɛ yele ana wa la yeti, “Yelemɛŋerɛ, n kini la kalam kalam na.” Taari, wa'am na Daana Yezu.

Lilegere 5:14

Ti bunvɔɔhi banaahi la yeti, “Taari.” Ti kiinduma la za'a lu tiŋa la na'ahegɔ.

Lilegere 7:12

yuuna yeti, “Taari, Sum, la suŋa la yɛm la fara fara la na'ahegɔ la paŋa la kpe'eŋo dɛna tumam Yinɛ la dinɛ wuuha wuuha, Taari.”