1 Korẽntɩ 13:13 - ZE'ELEGO PAALEGA

¹³ Gee nananawa, sɛla en pakɛ dela, sakerɛ, beere puti'irɛ la nɔŋerɛ. Bana n wan bɔna wuuha, gee sɛla en gana za'a dela nɔŋerɛ.

Farefare Ninkaré

¹³ Bɛla, bõn-bãna batã n boe wakatɛ wuu: La de la bɔ sɩra, la tɩ tara pʋtẽ'erɛ gu'ura sɛla tɩ tɩ bɔ sɩra la, la nõŋlʋm. La bõn-bãna batã pʋam, nõŋlʋm n gãnnɩ ba wuu.

1 Korẽntɩ 13:13 ပူးပေါင်းရင်းမြစ်များ

Aluki 10:27

Ti a lebehe yeti, “Fum nɔŋɛ Daana Yinɛ, la fum suure za'a, fum Sia za'a, la fum paŋa za'a, la fum puti'irɛ za'a, gee nɔŋɛ fum suuɔ wuu fum mɛŋa la.”

Aluki 22:32

Gee mam pu'uhɛ bo' fum mɛ ti fum sakerɛ da koŋe. Gee fum, fum han ta ŋmɛregɛ lebe na, kpemehe fum suurɔ wa.”

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

1 Korẽntɩ 14:1

Ɛ ya nɔŋerɛ ninmu'urɛ, gee me mu'ɛ nini ti ya nyɛ Sia yɛla, yele yele wuu purega bo'olum.

1 Korẽntɩ 16:14

Bahɛ ya ti sɛla woo ti ya ita, ya ita dɛ la nɔŋerɛ.

1 Korẽntɩ 3:14

Ti sɛla en dikɛ mɛ dɔgelɛ ɛ̃berɛ la zuo la han ka di, mɛta la wan to'e yɔɔrɛ.

1 Korẽntɩ 8:1

Nananawa, disɛka ti ba dikɛ kaabɛ bo' baga sɔhega la. Tu mi' ti, “Tu za'a tari mi'ilum mɛ.” Mi'ilum bo'ori la pa'alɛ mɛŋa gee nɔŋerɛ en mɛti.

1 Korẽntɩ 8:3

Gee se'em en nɔŋɛ Yinɛ, Yinɛ mi' en mɛ.

2 Korẽntɩ 5:10

Se'ere en sɔi la, tu za'a wan ze'ele Kiresta gakerɛ kuka la nɛŋan, ti nɛra woo to'e a yɔɔrɛ en tum sɛla a inganɛ wa puan. La dɛna sum bii be'em.

2 Korẽntɩ 5:15

Yezu ki bo' la nɛra woo, ti sɛba n vɔ kan le vɔna bɔ'ɔra ba mɛhi gee se'em n ki gee ihege bo' ba la.

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Filipi 1:9

Mam pu'uhegɔ en de se'em en ŋwana, ti ya nɔŋerɛ wan zo'e yabera, ti ya mi'ilum malum pa'ahɛ, ti ya pirɛ la bɔkerɛ,

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 1:5

beere putɛ'se'ere en boi saazuo gura ya la zuo. Ya pun tabelɛ wum beere putɛ' dina wa yele mɛ, gee baŋɛ wum yelemɛŋerɛ yelehum en de faarɛ yelehum la,

Kolɔsɩ 3:14

Se'ere en gani za'a dela, bagɛ ya mɛhi la nɔŋerɛ, sɛla en bobere ya lagena taaba, ti ya tara nɔyinɛ sunɛ la taaba en bala.

1 Tesaloniki 1:3

Tu tɛɛra tu Yinɛ en de tu Sɔ la nɛŋan ya sakerɛ tuuma, la ya nɔŋerɛ tuuma, la yan ze' se'em kankaŋi ya beere puti'irɛ la puan se'em tu Daana Yezu Kiresta puan la.

1 Tesaloniki 5:8

Gee tumam en de beyiine kɔma la, bahɛ ya ti tu tara tu mɛhi suŋa, gee yɛ sakerɛ la nɔŋerɛ ti la dɛna tu nyu'ɔ tɛ'ɛlega, Gee han dɛna tu zuo wanɛ, tu vuge faarɛ en de tu beere puti'irɛ la.

1 Timoti 1:5

Gee pa'alegɔ kuna wa tuunɛ dela, la bahɛ ti ba tara nɔŋerɛ se'ere en ze'ele susunɛ puan na, putɛ'sunɛ, la yelemɛŋerɛ sakerɛ.

2 Timoti 1:7

se'ere en sɔi la, Yinɛ ka bo' tu la dabeem Sia, gee a tugum bo' tu la Sia en tari paŋa, la nɔŋerɛ, la fum mɛŋa tarega.

Hiburuduma 10:35

Bala zuo, da bahɛ ya puti'irɛ dinɛ taaba, de tari la yɔɔrɛ kãtɛ kina na.

Hiburuduma 10:39

Gee tumam ka pa'ahɛ sɛba en lebere pooren, ni ta bɔregɛ la, gee sɛba en tari sakerɛ, bala zuo nyɛ faarɛ la puan.

Hiburuduma 6:11

Tu boti ya ayima ayima woo me pa'alɛ la ninmu'urɛ dinɛ taaba, la ya ta'am nyɛ beere puti'irɛ za'a za'a, ta paaɛ de ba'ahegɔ.

Hiburuduma 6:19

Tu tari la putɛ'dina, ti de ana wuu ɛberɛ kãtɛ, la tiŋasuka nyuuŋa la bo' tumam sɛɛhi. Beere puti'irɛ se'ere en kɛ̃ saraa la puan ha, tama la en lu yula la pooren ha la,

1 Pita 1:21

Doohe eŋa puan ti ya wa'am na nam Yinɛ, se'em en ihege en a kum puan la, gee bo' en na'ahegɔ, ti ya sakerɛ, la ya beere puti'irɛ la bɔna Yinɛ zi'an.

1 Zã 2:10

Se'em woo en nɔŋɛ a suuɔ, boi la niihum la puan, ti nɛre-ina daana, sɛla ka boi wan bahɛ ti a gɛ̃ta.

1 Zã 2:14

N gulehɛ bo' yamam kɔma, beni zuo, yamam mi' sɔ la. N gulehɛ bo' yamam sɔduma, beni zuo, yamam mi' se'em en pun bɔna pi'ileŋo puan ha la. N gulehɛ bo' yamam bumbile paalehi, beni zuo, yamam tari paŋa, ti Yinɛ yelehum la bɔna ya puan, ti ya me nyaŋɛ Sagena la.

1 Zã 2:24

Gee han dɛna yamam bahɛ ya ti sɛla ti fum wum pi'ileŋen ha la bɔna fum puan. Sɛla woo ti fum wum pi'ileŋen ha la han bɔna fum puan, fum wan bɔna la Dayua la, la Sɔ la.

1 Zã 3:3

Se'em woo en tari putɛ'dina Yezu Kiresta puan, peere la a mɛŋa wuu eŋa Kiresta en de fa'a se'em la.

1 Zã 3:9

Se'em woo ti Yinɛ dɔgɛ en kɔ'ɔm ka bɔna tuure puan, beni zuo, Yinɛ naanɛ en boi a puan, a kan ta'am bɔna tuure, beni zuo, Yinɛ en dɔgɛ en.