1 Korẽntɩ 13:12 - ZE'ELEGO PAALEGA

¹² Nananawa, tu biheri la biheŋa puan ti la ka niiɛ suŋa, gee la kini na, ti tu wan ta nyɛta kpaii. Nananawa, tu nan mi' la fii, gee la kini na, ti tu wan ta mina za'a, wuu mam ti ba mina mam za'a za'a se'em la.

Farefare Ninkaré

¹² Tõma n mi sɛla lɛɛlɛ wã, ãn wʋ tõma bɩsrɩ la bɩsga n ka yẽtɩ sõŋa pʋam. La wakat-ẽŋa tɩ wʋn yẽ sɛla woo sõŋa. Mam n mi sɛla la, nãn de la fẽe. La mam wʋn wa bãŋɛ ẽ sõŋa sõŋa wʋ Nawẽnnɛ n mi mam sõŋa se'em na.

1 Korẽntɩ 13:12 ပူးပေါင်းရင်းမြစ်များ

Amatie 18:10

“Bihɛ ya suŋa la ya da bihɛ bumbibehi wa ayima yoo. Mam yeti ya mɛ wa, ti saazuo ha, ba suŋereba saŋa woo kɔ'ɔm nyɛta mam Sɔ en boi saazuo nɛŋa mɛ saŋa woo.

Amatie 5:8

“Sum boi mɛ la sɛba suya en ka tari dɛgerɔ. Ba wan nyɛ Yinɛ.

Azã 10:15

wuu Sɔ la n mi' mam ti mam me mina Sɔ la se'em la. Mam dikɛ n vom mɛ biŋe bo' n piihi la.

Aromduma 8:18

Mam mi' n suure puan suŋa suŋa ti namehegɔ seko ti tu nameha saŋa kana wa puan wa la, ti ku dagi sɛla en wan dikɛ makɛ la sunsɛka en maahum ti ka niiɛ bo' tu na wa.

1 Korẽntɩ 13:11

Mam n daa de bia la, n daa tɔgeri la biine, ti'iha wuu biine, bɔkera wuu biine, gee mam nyaa de bunkutɛ la, mam bahɛ biine mɛ.

1 Korẽntɩ 8:3

Gee se'em en nɔŋɛ Yinɛ, Yinɛ mi' en mɛ.

2 Korẽntɩ 3:18

Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

2 Korẽntɩ 5:7

Tu vɔi me la sakerɛ gee dagi sɛla ti tu nini nyɛta.

Filipi 3:12

Dagi la mam pun tara ŋwana mɛ, bii n pun di la mi'a. Gee mam kɔ'ɔm zigera mɛ ti la dɛna mam dinɛ, beni zuo, Kiresta Yezu iŋɛ mam ti n dɛna la a dinɛ.

Yemesi 1:23

Se'ere en sɔi la, sɛba han yeen kɛleha yelehum la ma'a, gee ka tari bu tuna, ba ani mɛ wuu sɛba en ni bihɛ ba mɛhi biheŋa puan,

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

Lilegere 22:4

Ba wan nyɛ a nɛŋa, ti a yu'urɛ gulehɛ lama ba gbɛ'ɛra.