1 Korẽntɩ 12:8 - ZE'ELEGO PAALEGA

⁸ Ayima, Sia la bo' en la yɛm tugum puan, ti ayima me, Sɛkaŋa mɛa n bo' en mi'ilum tugum puan,

Farefare Ninkaré

⁸ Sɩa la bɔ'ɔrɩ nẽra ayɩla la bɔ'a tɩ a tɔgra yɛm yetɔga, la Sɩa ẽŋa ayɩla n bɔ'ɔrɩ nẽra ayẽma bɔ'a tɩ a tɔgra bãŋrɛ yetɔga.

1 Korẽntɩ 12:8 ပူးပေါင်းရင်းမြစ်များ

Amatie 13:11

Ti a lerege ba yeti, “Han dɛna yamam, ba bo' yamam mɛ ti ya bɔkera saazuo sɔ'ɔlum la yele sɛ'a en sugɛ, gee ba ka bo' bamam bala.

Tõoma 6:3

Bala tu suurɔ wa, looe ya buraahi siyopɔi ya puan n de tuuntɔɔ, ti Fa'a Sia la pirɛ ba, dɛna yɛmduma, tari na bo' tu, ti tu bo' ba sore ti ba biha yele ana wa,

Aromduma 15:14

Mam mɛŋa nam ya mɛ n suurɔ, ti ya mɛhi pirɛ mɛ la itesuŋɔ, pirɛ la mi'ilum za'a, wan ta'am ka'am taaba.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 1:5

beni zuo, sadɔɔ seko woo puan, ya pirɛ mɛ a puan, la tugum, la mi'ilum woo,

1 Korẽntɩ 13:2

N me han tara purega bo'olum paŋa, bɔkera sɛla en sugɛ, gee tara sɛlawoo mi'ilum, tara sakerɛ woo wan ta'am vɔ zɔya, gee ka tara nɔŋerɛ, n dagi sɛsɛla.

1 Korẽntɩ 13:8

Nɔŋerɛ ka bã'ahi. Gee han dɛna purega, ka wan wa'am na ba'ahɛ. Han dɛna yetɔgum buuri buuri, bu wan wa'am na ba'ahɛ. Han dɛna mi'ilum me, bu wan wa'am na ba'ahɛ.

1 Korẽntɩ 14:26

Beni en nyaa de ya iŋɛ n suurɔ wa? Ya han ni lagehɛ taaba na, ya ayima ayima tara yuunɛ, tara pa'alegɔ, tara lilegere, tara buuri yetɔgum yetɔgum bii tara yetɔge buuri buuri leregere. Iŋɛ ya sɛla woo suŋa ti la mɛ lageŋɔ la.

1 Korẽntɩ 14:6

Bala, n suurɔ, mam han wa'am ya zi'an na tɔgera buuri buuri yetɔgum, n wan suŋɛ ya la ŋwani, han dagena n lilege la se'ere pa'alɛ ya bii mi'ilum bii purega bii pa'alegɔ puan?

1 Korẽntɩ 2:11

Asaala ini en wan ta'am mina sɛla en sirum de asaala, han dagena asaala sia la en boi a puan la? Bala mɛa ti se'em ka bɔna wan bɔkɛ sɛla en sirum de Yinɛ yele, han dagena Yinɛ Sia la.

1 Korẽntɩ 2:16

Se'ere en sɔi la, “Ani en mi' Daana la puti'irɛ, wan ta'am pa'alɛ en?” Gee tumam tari la Kiresta puti'irɛ.

2 Korẽntɩ 1:12

Yelemɛŋerɛ, tumam ŋmɛ'ɛri tu nyu'urɔ mɛ, gee me tara yelemɛŋerɛ tu puti'ira puan ti Tumam tum timpaberɛ wa zuo mɛ la yelemɛŋerɛ, la Yinɛ zoolum, gee dagena tiŋa wa zuo yɛm, gee Yinɛ zu'uhegɔ la, ti ŋwana wa dɛna la yamam wa zuo.

2 Korẽntɩ 11:6

Daanse'ere n ka mi' la tugum gee dagi mi'ilum. Yelemɛŋerɛ, sadɔɔ seko woo puan, la sɛla woo puan, tu tum pa'alɛ ti tu mi' mɛ.

2 Korẽntɩ 2:14

Gee pɛka paaɛ Yinɛ, se'em n dole Kiresta puan saŋa woo bahɛ ti tu kina nyaŋerɛ kinɛ, gee dɔla tumam puan bahɛ ti tu yiregera nyuuŋo suŋɔ seko en boi Kiresta baŋerɛ puan zi'an woo la.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

2 Korẽntɩ 6:6

Zulaam, mi'ilum, sugeri, itesuŋɔ, Fa'a Sia puan tuntɔɔnɛ, yelemɛŋerɛ nɔŋerɛ,

2 Korẽntɩ 8:7

Nananawa, yamam en zo'ore sɛla woo puan se'em la, sakerɛ, tugum, mi'ilum, yiŋa yɛla ninmu'urɛ, la yan nɔŋɛ tu se'em la, bala mɛa ti tu bɔta ti ya me zo'e la pupeelum bu'a wa puan.