1 Korẽntɩ 10:14 - ZE'ELEGO PAALEGA

¹⁴ Bala zuo, n zɔduma wa, ɛkɛ ya baga kaabegɔ puan yehe.

Farefare Ninkaré

¹⁴ Bɛla m sɔbiisi, yese-ya ya mẽŋa baga kãabgɔ pʋam.

1 Korẽntɩ 10:14 ပူးပေါင်းရင်းမြစ်များ

Tõoma 15:20

Gee tu tugum gulehɛ bo' ba yeti, ba yehe ba mɛhi baga dia puan, la yaluntuuma, la sɛla woo ti ba kigɛ ku, la ba da dita ziim.

Aromduma 12:19

N suurɔ, da makɛ ya lerege nɛra ya mɛhi, gee bo' ya Yinɛ sunsunyiim la sore ti bu tum. Se'ere en sɔi la, la gulehɛ yeti, “Leregere dela mam dinɛ, Mam en wan lebehe yɔ. Daana la en yele.”

1 Korẽntɩ 10:15

Mam mi' ti mam tɔgeri bɔ'ɔra la yɛm duma. Gakɛ ya bo' ya mɛhi mam en yeti ya sɛla wa.

1 Korẽntɩ 10:19

Beni ti n dikɛ ŋwana makera wa? Dia la en dikɛ kaabɛ baga la en de sɛla bii, baga la en de sɛla.

1 Korẽntɩ 10:7

Da lebege ya bageditiba wuu ba basɛba n da iŋɛ se'em la, wuu lan gulehɛ se'em yeti, “Nɛreba la zi'ire mɛ di, gee nyu gee ihege wa'ara wa'yooro la.”

1 Korẽntɩ 5:11

Gee nananawa, mam en gulehɛ yɛta ya se'em dela, ya da dikɛ ya mɛhi naaɛ la se'em en yi'iri a mɛŋa ya suuɔ, gee yaala, nyigera, bii kaabera baga, bii nɛreba tua, dabugere, bii fãara. Da pun naaɛ la ena daana di.

2 Korẽntɩ 11:11

Ti beni zuo? La dela mam ka nɔŋɛ ya mɛ bii? Yinɛ ma'a en mi'.

2 Korẽntɩ 12:15

Mam wan yuregɛ n lɔgerɔ la pupeelum, gee bahɛ ti ba yuregɛ mam mɛŋa pa'ahɛ bo' ya. Mam han nɔŋɛ ya zo'e ŋwana, yamam dela ya nɔŋɛ mam fii yoi?

2 Korẽntɩ 12:19

Yamam ni tugum ti'iha ti tumam tɔgeri pɔ'ɔra la tu mɛhi wa? Tumam tɔgeri la yelemɛŋerɛ Kiresta puan, Yinɛ nɛŋan. Sɛla woo ti tumam ita, n suurɔ wa, la dela ya zo'ore zuo.

2 Korẽntɩ 6:17

Bala, yehe ya ba puan wa'am na, la ya bɔna ya tɔka la ba. Daana la n yele, da kalum ya dɛkɔ lɔkɔ, gee n wan to'e ya.

2 Korẽntɩ 7:1

Tumam n diŋɛ tara nɔbiŋe-ana wa la, n suurɔ, bahɛ ya ti tu pee tu mɛhi ingɔŋɔ la sia puan galeŋɔ woo puan. Tu bahɛ ti tuulum vom pirɛ, doohe tu Yinɛ zoolum puan.

Filipi 4:1

Dinɛ zuo, n suŋɛ duma ti n nɔŋɛ, gee bɔta ti n nyɛ ya paaɛ paaɛ wa, mam nyɛɛma la mam na'am muŋa wa. Ze' ya kankaŋi Daana la puan, sadɔɔ kuna puan, n sunɔŋerɛ wa.

Afilmõ 1:1

Pɔɔl, se'em ti ba page en Kiresta Yezu zuo, la Timoti tu suuɔ. N guleheri bɔ'ɔra la Filemɔn tu zɔ ti tu suure nɔŋɛ, la tu tuntuna tadaana,

Hiburuduma 6:9

La tumam en pun tɔgera ŋwana wa la, n sunɔŋerɛ duma wa, tu mi' suŋa suŋa ti yelesuma en gani ŋwana boi ya puan mɛ. Yelesuma sɛ'a en de faarɛ yɛla.

1 Pita 2:11

N sunɔŋerɛ duma mam ka'ani ya mɛ la ninmu'urɛ, wuu yan de saama, la nɔgereba la, ti ya yehe ya mɛhi ingɔŋɔ wa kɔrehi sɛ'a en zaberɛ la ya sia la puan.

1 Zã 5:21

Lan de ŋwana la, N kɔmbibehi wa, gu' ya mɛhi suŋa suŋa baga puan.

Lilegere 13:8

Ti nɛreba woo en boi timpaberɛ wa zuo wan na'aha en. Se'em woo yu'urɛ en ka gulehɛ iŋɛ vom gɔŋɔ la gee ti ba baŋɛ naam timpaberɛ wa la, gɔŋɔ wa dela pebila wa gɔŋɔ, pebila sɛka ti ba kɔregɛ la.

Lilegere 2:14

Gee mam tari la yele dina la ya. Ya tari basɛba ya puan ti ba dɔla Balaam pa'alegɔ la mɛ, se'em en daa pa'alɛ Balake ti a dikɛ sɛla en piti beŋe Izirale buuri la ti ba dita baga dia gee tuna yaluntuuma la.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”

Lilegere 22:15

Yiŋa la ha, baahi, sɔ̃niniduma, yaluntuuma duma, nɛrekuureba, la bage kaabereba, la sɛba woo en nɔŋɛ gee tuna pumpɔreŋɔ tuuma en boi bilam.