1 Korẽntɩ 1:8 - ZE'ELEGO PAALEGA

⁸ A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

Farefare Ninkaré

⁸ Ẽŋa n wʋn basɛ tɩ ya ze'ele kãŋkãŋɛ ka paagɛ dũnia ba'asgɔ. Tɩ ba kãn tã'agɛ dõrɛ ya tɩ ya ẽŋɛ be'em tɩ Zuudãana Azezi-krisi lemŋo daarɛ.

1 Korẽntɩ 1:8 ပူးပေါင်းရင်းမြစ်များ

Aluki 17:24

Wuu saa en ni nyakɛ saazuo sagbanɛ zuo, ze'ele bɔberɛ deyima ta paaɛ bɔberɛ deyima se'em la, bala mɛa ti a saala dayua wa lɛbega na wan ta ana a dabeha la puan.

Aluki 17:30

La ta yeti la ana la bala Asaala Dayua la niirɛ daarɛ la.

Aromduma 14:4

Fum dela ani gakera ayima yamehi? Ba mɛŋa Daana la nɛŋan ti ba wan ba zɛ'a bii ba lu. Ba me wan zɛ'a, se'ere en sɔi la, Daana la wan bahɛ ti ba zɛ'a.

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

Aromduma 8:19

Timpaberɛ wa za'a ani la kɛli, gee gura Yinɛ kɔma wa niirɛ na.

1 Korẽntɩ 3:13

mɛta woo tuunɛ wan ta niiɛ na, se'ere en sɔi la, dabeherɛ la daarɛ wan niiɛ dɛ na, beni zuo, bugum en wan ta bahɛ ti de niiɛ na, bugum la wan magehɛ tuunse'ere taaba ti nɛra woo tum la bihɛ.

1 Korẽntɩ 5:5

ya dela ya dikɛ nɛre-ina daana bo' Sagena la ti a sagum a inganɛ la, gee ti a sia ta nyɛ faarɛ Daana dabeherɛ la puan.

2 Korẽntɩ 1:13

Se'ere en sɔi la, tu ka guleheri sɛla bɔ'ɔra ya gana sɛla ti ya wan ta'am kãalɛ gee me bɔkɛ. Mam puti'irɛ dela ya wan bɔkɛ bala ta paaɛ ba'ahegɔ.

2 Korẽntɩ 1:14

Wuu yan pun bɔkɛ tɔ zi'ihi sise'ehi la, ti Daana Yezu daarɛ la, tumam n wan dɛna ya nyu'ɔ ŋmɛ'a wuu yamam n wan dɛna tumam nyu'ɔ ŋmɛ'a se'em la.

2 Korẽntɩ 1:21

Gee la dela Yinɛ n sɛ' tumam la yamam Kiresta puan, gee bi'ihɛ tu,

Efɛɛzɩ 5:27

wuu n boti a dikɛ lageŋɔ la, la ku suŋa la bo' a mɛŋa, ti sɛla da ti'ɛ, bii lirum, bii sɛla kalum kɔ la. Ɛ̃ɛ, ŋwana ti lageŋɔ la wan dɛna tuulum lɔkɔ ka tara dɛkɔ.

Filipi 1:10

ti la suŋɛ ya, ti ya zamehɛ mina sɛla en ani suŋa gana za'a, bala ti Kiresta lɛbega dabeherɛ na la, ya wan dɛna Yinɛ tuulum nɛreba, ka tara dɛkɔ.

Filipi 1:6

Bala, mam tari sakerɛ la yele dina wa puan yeti, se'em daana en pi'ilum tunsunɛ dina wa ya puan la, wan tari dɛ bala ta ba'ahɛ, Yezu Kiresta lɛbega dabeherɛ la puan.

Kolɔsɩ 1:22

e a nyaa dikɛ ya naaɛ mɛ, doohe amɛŋa saala ingɔŋɔ kum la puan, ti a bahɛ ti tu dɛna tuulum nɛreba, ka tara dɛkɔ bii geere a nɛŋan,

Kolɔsɩ 2:7

ba' ya nyɛga, gee mɛ ya mɛhi yagelɛ a zuo, gee sɛ' ya ze'ele kankaŋi sakerɛ la puan, wuu ban pa'alɛ ya se'em la, pirɛ yabera la fara bu'a.

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

1 Tesaloniki 5:2

Se'ere en sɔi la, ya mɛhi mi' suŋa ti Daana la dabeherɛ la, wan wa'am na wuu yu'uŋɔ nageyiga la.

2 Tesaloniki 2:2

ti ya da bu'ura ya puti'ira puan, bii ya pabegɛ Sia puan bii yelehum bii gɔŋɔ seko en zi'im ze'ele tumam zi'an na yɛta ti, Daana dabeherɛ la pun paaɛ mɛ.

2 Tesaloniki 3:3

Gee Daana la dela yelemɛŋerɛ daana. A wan sɛ ya ze'ele, gee gu' ya nɛrebɛ'a la zi'an.

2 Timoti 1:12

dina wa zuo ti mam nameha wuu mam en namehɛ se'em wa. Gee vi ka tari mam, se'ere en sɔi la, mam mi' se'em ti mam delum en la mɛ, N me mi' suŋa suŋa ti a wan ta'am gura mam ta paaɛ de daarɛ, la sɛla ti a dikɛ iŋɛ mam puan la.

2 Timoti 1:18

Daana la bahɛ ti a ta nyɛ nimbɔ'zɔrɛ Daana la zi'an de daarɛ. Fum me mi' en tum zo'e se'em Ɛfisu puan.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 3:10

Gee Daana dabeherɛ la yeti la wa'am me na wuu nageyiga la, ti saazuo wa mɛlum la voole kãtɛ, ti bugum nyɛlegɛ lɔgerɔ, ti sɛla woo en boi timpaberɛ wa zuo nyɛlegɛ la bugum.

2 Pita 3:14

Bala, n sunɔŋerɛ duma wa, yan guri yele ana wa la, zigɛ ya mɛ ti ya nyɛ en la suma'ahum, ti dɛkɔ ka lama ya, bii tuure,