1 Korẽntɩ 1:30 - ZE'ELEGO PAALEGA

³⁰ Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

Farefare Ninkaré

³⁰ La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

1 Korẽntɩ 1:30 ပူးပေါင်းရင်းမြစ်များ

Amatie 1:21

A wan dɔgɛ la budibela ti fum sigɛ ka yu'urɛ Yezu. Se'ere en sɔi la, eŋa n yeti a faaɛ a nɛreba ba be'em puan bahɛ.”

Aluki 11:49

Bala ti Yinɛ mi'ilum la puan yeti, ‘N wan tum n nɔtɔgeheba, la n tuntuneba na, gee ba wan ku basɛba, gee mɛlehɛ basɛba.’

Aluki 21:15

se'ere en sɔi la, mam mɛŋa wan ta bo' ya yelesɛ'a la yɛm sebo ti ya dinduma la kan ta'am ze'ele la ya bii tɔgɛ nyaŋɛ ya.

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 17:26

Mam tɔgɛ fum yu'urɛ la yele pa'alɛ ba, gee wan kelum tɔgɛ de yele pa'alɛ ba, ti nɔŋerɛ se'ere ti fum nɔŋɛ mam la wan bɔna ba puan, ti mam me bɔna la ba.”

Azã 17:8

Se'ere n sɔi la, yelehum la ti fum dikɛ bo' mam la, mam dikɛ bo' ba mɛ, ti ba me to'e bu, gee mina yelemɛŋerɛ la, ti mam sirum ze'ele fum zi'an na. Ba me nam ya ti, fum n tum mam na.

Azã 8:12

Ti Yezu le tɔgɛ bo' ba yeti, “Mam n de niihum bo' timpaberɛ wa. Se'em woo n dole mam kan malum kina lika puan, gee a wan tara vom niihum la.”

Tõoma 26:18

ti fum pikɛ ba nini ti ba ta'am ŋmɛregɛ lika la puan lebe niihum la puan na, ba yehe Sagena la bobere la puan wa'am Yinɛ ze'a na, la ba to'e ba be'em sugeri, gee me lagum pa'ahɛ sɛba n pee ba mɛhi doohe ban tari sakerɛ bo' mam se'em la.’

Aromduma 1:17

Bo puan ti Yinɛ tuntɔɔnɛ la niira, dɔla sakerɛ puan, wuu lan pun gulehɛ se'em yeti, “Se'emdaana en de tuuntɔɔ wan vɔna mɛ la sakerɛ la.”

Aromduma 11:36

Se'ere en sɔi la, eŋa puan, la eŋa zi'an ti sɛla woo zɛ'ɛta na, gee dɛna a dinɛ. Eŋa ti na'ahegɔ dɛna a dina saŋa woo. Taari.

Aromduma 12:5

bala mɛa ti tumam en zo'e se'em wa, dɛna iŋa kayima Kiresta puan. Gee la tu yima yima mɛa, tu dela iŋa kayima lɔgerɔ la taaba.

Aromduma 16:11

Pu'uhɛ ya n buuri Hɛrɔdiyɔn. Pu'uhɛ ya sɛba en dole Daana la, dɛna Nasisu yire duma la.

Aromduma 16:7

Pu'uhɛ ya Anduronikus la Yuniya en de mam buuri, ti ba daa lagum pagɛ ba la mam la. Bama en de sɛba ti ba ba' mina Yezu tuntuneba la puan. Bama pun dɔla Kiresta mɛ gee ti mam baŋɛ wa'am na.

Aromduma 4:25

Se'em ti Yinɛ dikɛ en tihɛ na ti a ki tumam tuure zuo, gee daa vo'e en tumam buurɔ zuo la.

Aromduma 4:6

Bala mɛa ti naba Deviti tɔgɛ doohe sum sebo en boi bo' sɛba ti Yinɛ bihɛ nyɛ ti ba dɛna tuuntɔɔ duma gee dagi la Yinɛ bihɛ nyɛ la ba tuuma la yeti,

Aromduma 5:19

Wuu nɛre yinɛ pobiriga zuo ti zo'e zo'e dɛna be'em duma se'em la, bala mɛa ti nɛre yinɛ naŋa la zuo, ti zo'e zo'e wan dɛna tuntɔɔduma.

Aromduma 5:21

bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 8:1

Bala zuo, nananawa, sageŋɔ ka boi sɛba en boi Kiresta Yezu puan la zuo.

Aromduma 8:23

Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

Aromduma 8:9

Gee yamam wa la ka boi inganɛ puan. Ya boi la Fa'a Sia la puan, Yinɛ Sia la han sirum bɔna la ya. Gee se'em woo en ka tari Kiresta Sia la a puan, dagi Kiresta dinɛ.

1 Korẽntɩ 1:2

en gulehɛ bɔ'ɔra Yinɛ Lageŋɔ la en boi Korinti tiŋa, la sɛba ti ba soke ba, Yezu Kiresta puan, gee yi ba ti ba dɛna nɛresunduma, ta pa'ahɛ la sɛba woo en boi ze'sɛka woo yi'ira Yezu Kiresta yu'urɛ la, ti a dɛna bamam la tumam Daana la.

1 Korẽntɩ 1:24

Gee sɛba ti Yinɛ yi' la, Yuuduma, la Girikiduma za'a, Kiresta dela Yinɛ paŋa, la Yinɛ yɛm bo' ba.

1 Korẽntɩ 12:18

Gee lan de se'em la, Yinɛ en tigehe lɔgerɔ la za'a iŋa la puan, ayima ayima wuu en boti se'em.

1 Korẽntɩ 12:27

Nananawa, ya dela Kiresta iŋa, ti ya ayima ayima dɛna iŋa la luga.

1 Korẽntɩ 12:8

Ayima, Sia la bo' en la yɛm tugum puan, ti ayima me, Sɛkaŋa mɛa n bo' en mi'ilum tugum puan,

1 Korẽntɩ 4:15

Ya ta'am tara bihereba tuha pia Kiresta puan, gee ya ka tari sɔduma zo'e. Yelemɛŋerɛ, Kiresta Yezu puan, ti mam lebege ya sɔ, faarɛ yelehum wa zuo.

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

2 Korẽntɩ 12:2

Mam mi' buraa kayima en wa dɔla Kiresta sore wa. Ti yuumpia la anaahi n tole ha, ti sɛla yuum zɛ en zom la tinsuŋan ha. La yuum dela sia puan, bii inganɛ puan, mam ka mi', Yinɛ ma'a n mi'.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Galatɩ 1:4

eŋa se'em en dikɛ a mɛŋa bo' tumam be'em zuo, ti a faaɛ tɔ be'em buuri sankana wa puan bahɛ, doohe tu Yinɛ n de tu Sɔ la sumboolum en de se'em la,

Galatɩ 3:13

Kiresta yɔ to'e tɔ mɛ ze'elego pɔtɛ la puan bahɛ, doohe eŋa ti nɔpɔtɛ dɔla en tumam zuo la. Se'ere en sɔi la, la gulehɛ biŋe yeti, “Nɔpɔtɛ en dole se'em woo en yule tia zuo.”

Efɛɛzɩ 1:10

ti la dɛna sɛla en maahum gura saŋa la ta paaɛ, ti a kã'ahɛ sɛla woo bo' a mɛŋa. Sɛla en boi saazuo, la sɛla en boi timpaberɛ wa zuo, ti iŋɛ Yezu dɛna nɛŋa daana.

Efɛɛzɩ 1:14

Yele dina en de daalehum, pa'alɛ ti tu tari tɔtɛ en yɔ to'e tu ti tu dɛna Yinɛ mɛŋa nɛreba la dɛna pɛka bo' a suŋa la.

Efɛɛzɩ 1:7

Eŋa puan ti Yinɛ yɔ to'e tu a ziim la puan, gee di sugeri bo' tu tuure, doohe a zu'uhegɔ la en seke paaɛ paaɛ la,

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 4:30

Me da dɛgɛ ya Yinɛ Fa'a Sia la suure, sɛ sɛka ti Yinɛ di'e ya, daalɛ ya a mɛŋa daalehum gura faarɛ daarɛ la.

Efɛɛzɩ 5:26

A iŋɛ ŋwana ti lageŋɔ la dɛna la tuulum lageŋɔ doohe en duuhe ko'om en de a yelehum la,

Filipi 3:9

la n vɔna a puan, da tara n mɛŋa tuntɔɔnɛ en yehe ze'elego la naŋa puan na, gee tuntɔɔnɛ en yeheri n sakerɛ Kiresta puan na. Tuntɔɔnɛ se'ere en ze'ele Yinɛ zi'an dɔla sakerɛ puan.

Kolɔsɩ 1:14

se'em puan ti tu nyɛ faarɛ, la yele be'ero sugeri dia.

Kolɔsɩ 3:16

Bahɛ ya ti Kiresta yelehum la bɔna ya puan seke. Pa'ali ya gee ka'ana taaba la yɛm, gee ti nyɛɛma en boi ya suya puan la, tari ya saaŋɔ la baaŋa, la Sia puan yuuma ya suya puan bɔ'ɔra Yinɛ.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 9:12

a kɛ̃ la buyina za'a za'a Fa'a Saraa wa puan, ka tari buuhi la nagebibehi ziim, gee a mɛŋa ziim, n ze'ele bo' faarɛ en ka tari ba'ahegɔ.

Yemesi 1:5

Ya se'em han pɔ̃hegɛ yɛm, a suhɛ Yinɛ, se'em en bo'ori yabi yabi gee ka fabela la, gee a wan bo' fum.

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

1 Zã 5:6

Yezu Kiresta kana en bala doohe ko'om la ziim puan wa'am na na la. Dagi la a doohe la ko'om la ma'a puan wa'am na, gee ko'om la la ziim. Fa'a Sia la en de aze' nyɛ daana, se'ere en sɔi la, Sia la dela yelemɛŋerɛ.

Lilegere 14:4

Nɛrebana wa ka galum ba mɛhi la pɔgehi, se'ere en sɔi la, ba daa dela burakaha. Bana en dole Pebila la zi'an woo ti ka yɛ'a. Ba yɔ to'e ba mɛ saaleba woo puan ti ba dɛna wala diina bo' Yinɛ, la Pebila la,

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.