1 Korẽntɩ 1:21 - ZE'ELEGO PAALEGA

²¹ Ze'ele Yinɛ yɛm puan na, timpaberɛ wa zuo nɛreba ka mi Yinɛ ba mɛhi yɛm puan, Yinɛ en iŋɛ a puti'irɛ ti a doohe tumam gɔɔnɛ muulegɔ wa puan, la a faaɛ sɛba en nam la.

Farefare Ninkaré

²¹ Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

1 Korẽntɩ 1:21 ပူးပေါင်းရင်းမြစ်များ

Amatie 11:25

Sankana puan, ti Yezu tɔgɛ yeti, “Mam bo' n Sɔ saazuo la tiŋa za'a Daana, fara fara se'ere zuo, fum dikɛ yele ana sugɛ yɛm la mi'ilum duma mɛ, gee tugum lilege a bo' kɔmbilɛɛhi.

Aluki 10:21

Sankaŋa mɛa puan, ti Yezu nyɛɛna Fa'a Sia la puan yeti, “N pu'uhɛ ya n Sɔ, saazuo la tiŋa Daana, la fum en sugɛ yele ana wa yɛm la mi'ilum duma, gee tugum lilege a bo' kɔmbilɛɛhi wa. La dela sira n Sɔ, fum zu'uhegɔ la fum sumboolum n de se'em n bala.

Aluki 12:32

“Da zoti ya dabeem n pebibehi wa, la dela Sɔ la pupeelum ti a dikɛ sɔ'ɔlum la bo' ya.

Azã 12:31

Tiŋa la gakerɛ paaɛ ya, se'em n sɔi timpaberɛ wa bihera la dika saŋa paaɛ ya.

Aromduma 1:28

Ban pun kelum ka bihɛ nyɛ ti la nari ba baŋɛ Yinɛ la, ti Yinɛ dikɛ ba bo' putɛ'ŋmɛlema dikɛ ba bo' yele yaalehi se'ehi en dagi ba tuna ma'a.

Aromduma 11:33

Bihɛ,Yinɛ tarega, la a yɛm la a mi'ilum pirɛ paaɛ mɛ ka tara tɛka. A gakerɛ gaŋɛ bɔkerɛ mɛ, ti a sɔya la ba' dɛna nyalema gaŋɛ bɔkerɛ!

1 Korẽntɩ 1:18

Se'ere en sɔi la, Pumpuuredɔɔ yelehum la dela gɔɔnyɛla bo' sɛba en baheri yoo la. Gee han dɛna tumam sɛba en nyɛ faarɛ wa, bu dela Yinɛ paŋa.

1 Korẽntɩ 1:23

Gee han dɛna tumam, tumam muuli la Kiresta ti ba kpa' la, yelese'ere en de pirega lɔkɔ bo' Yuuduma, gee dɛna gɔɔn yelehum bo' sɛba en dagi Yuuduma la.

1 Korẽntɩ 1:24

Gee sɛba ti Yinɛ yi' la, Yuuduma, la Girikiduma za'a, Kiresta dela Yinɛ paŋa, la Yinɛ yɛm bo' ba.

1 Korẽntɩ 1:25

Se'ere en sɔi la, nɛreba en nyɛ sɛla ti'iha ti Yinɛ gɔɔnɛ n bala la, nyani asaala yɛm, ti nɛreba en nyɛ sɛla ti'iha ti Yinɛ tɔregɔ en bala la, nyana asaala paŋa.

1 Korẽntɩ 1:27

Gee Yinɛ looe la sɛla en de gɔɔnɛ tiŋa wa zuo, ti a diihe yɛm duma la vi. Yinɛ looe la sɛla en ka tari paŋa tiŋa wa zuo, ti a diihe paŋa duma la vi.

1 Korẽntɩ 11:32

Gee Daana la han gakɛ tɔ, a dɔlege la tu tuba ti tu da lagum nyɛ sageŋɔ la tiŋa zuo nɛreba.

1 Korẽntɩ 2:14

Sɛba ti Sia la ka bɔna la ba la, ka to'ore Yinɛ Sia bo'olum la, se'ere en sɔi la, ba ka tari vuurɛ bo' ba, ti ba me kan ta'am bɔkɛ ba, se'ere en sɔi la, ba dela Sia puan yɛla.

1 Korẽntɩ 4:10

Bala! Tumam nyaa dela geto Kiresta zuo, gee ti yamam dɛna yɛm duma Kiresta puan. Tumam tari la tɔregɔ, gee yamam dɛna paheduma. Yamam dela zuto duma, gee tumam dɛna fagehum duma.

1 Korẽntɩ 6:2

Yamam ka mi' ti nɛresunduma la en wan ta gakɛ timpaberɛ wa? Yamam han wan ta gakɛ timpaberɛ wa, la iŋɛ la ŋwani ti ya kan gakɛ yele-pigehi wa?

Galatɩ 1:15

Gee Yinɛ, se'em en daa gaŋɛ mam ze'ele gee ti ba baŋɛ dɔgɛ mam la nini tigɛ la mam mɛ, ti a yi' mam doohe a zu'uhegɔ la puan,

Galatɩ 4:8

Wunse'eren ha la, yan daa nan ka mi' Yinɛ la, ya yuum dela da'aba bo' nɛreba en dagi yina.

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 3:10

ti la doohe lageŋɔ la puan, ti Yinɛ yɛm la n ka tari ba'ahegɔ la wan nyaa niiɛ bo' timbihereba, la kpɛ'ɛnduma n boi saazuo ha.

Kolɔsɩ 1:19

Eŋa puan ti Yinɛ nini tigɛ ti a za'a za'a bɔna a puan,

Hiburuduma 1:14

Suŋereba la za'a dagi la sabeeo Sia tuuma la puan, ti Yinɛ tuna ba ti ba tuna bɔ'ɔra sɛba en wan ta sooe vaaɛ faarɛ la?

Hiburuduma 2:3

ŋwani ti tu wan ta'am piiɛ, tu han zagehɛ faarɛ kãtɛ dina wa? Tu wum bu yele yia la Daana la mɛŋa zi'an, ti sɛba en wum bu a mɛŋa nuuren la me yele tu ti bu dela bala,

Hiburuduma 7:25

Dina zuo la a nyaŋeri mɛ faara, nananawa la saŋa woo sɛba en dole a puan paara Yinɛ la baha, eŋa en vɔi wuuha la zuo, a ŋmɛ'ɛra nupu'ɔ ba zuo la.

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

Yemesi 5:15

Sakerɛ pu'uhegɔ la wan faaɛ bã'duma la bahɛ, ti Daana la ihege ba, ti ba se'em en tum be'em wan nyɛ sugeri dia.

Yemesi 5:20

ya mina ti, se'em woo en tari be'em daana a tuure puan lebe na la, wan faaɛ be'em daana la sia kum puan bahɛ, gee ti Yinɛ pi' be'em daana la be'em zo'e zo'e.