तीतुस 3:2 - Garhwali

² अर कैतैं बदनाम करण वळा नि बणा, अर लड़ै-झगड़ा करण वळा ना हो पर शान्त सभौ का हो, अर नमर बणि के सब मनखियों का दगड़ा मा रा।

गढवली नयो नियम

² कै तैं बदनाम नि कैरा; झगड़ा कन वलो नि हो, पर दूसरों का प्रति कृपा दिखौ, अर सब लुखुं का दगड़ा मा नम्र बरतौ कैरा।

तीतुस 3:2 ပူးပေါင်းရင်းမြစ်များ

मत्ती 11:29

मेरा जुवा तैं अपणा मथि ले ल्या अर मि बटि सीखा, किलैकि मेरु सभौ नमर अर मन से मि दीन छौं अर तुमरा मन तैं चैन मिललु।

खास चेलों 23:5

अर वेन बोलि, “अरे भैयों, मितैं पता नि छौ कि यू महा पुरोहित छिन, निथर मि इन नि बुल्दु। किलैकि पवित्रशास्‍त्र मा इन लिख्यूं च कि, “तुम लोग अपणा अधिकारीयों खुणि, भलु-बुरु नि बुलयां।”

1 कुरिन्थि 6:10

चोरी करण वळा, लालची, दरोळया, गळी देण वळा, अर दुसरो तैं ठगण वळा, इन्द्रया लोग पिता परमेस्वर का राज का वारिस नि होला।

1 कुरिन्थि 9:19

हालांकि, मि आजाद छौं अर कै को गुलाम नि छौं, पर फिर भि मि खुद तैं सभ्यों को गुलाम समझदु, ताकि मि जादा से जादा लोगु तैं मसीह का बाटा पर लेके ऐ सैकु।

2 कुरिन्थि 10:1

हे मेरा दगड़्यों, मि पौलुस यीशु मसीह की तरौं दया करण वळु, अर दीन सभौ को बणि के हमेसा तुम से बिन्ती करदु, मगर तुमरा बीच मा कुछ लोग इन्द्रया छिन जु कि इन बुल्दिन कि, “अरे, जब पौलुस तुमरा बीच रौन्दु तब उ बिल्कुल सीदु-सादु बणि के रौन्दु, मगर जब उ तुम से दूर चलि जान्दु त अपणी चिठ्‍ठीयों मा इन लिखदु जन कि उ तुमतै धमकी देणु होलु।”

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

गलातियों 6:10

इलै जब भि हमतै भलै करण को मौका मिलणु च, त हमतै सभ्यों का दगड़ा मा भलै करण चयेणी। अर खास कैरिके हमतै ऊंकी भि मदद करण चयेणी, जु की यीशु मसीह पर बिस्वास करण की वजै से आज हमरा दगड़ा मा मिली गैनी।

इफिसुस 4:2

अर सच्‍चा मन से दीन अर नमर बणा, अर सबर रखण का दगड़ा-दगड़ि प्यार से एक-दुसरे की बातों तैं सौण वळा भि बणा।

इफिसुस 4:31

अर अपणा-अपणा जीवनों बटि हरेक किसमे की कड़वाहट, नाराज होण वळु सभौ, गुस्सा करण, चिलाण, गळी देण, इन्दरि भौत सरी बुरै तैं अफ बटि दूर कैरा।

फिलिप्पी 4:5

अर तुमरा सभौ से लोगु तैं इन पता चलण चयेणु कि तुम कथगा शान्त सभौ का छाँ। प्रभु को औण नजदीक ही च।

1 थिस्सलुनीकी 2:7

पर जन दूद पिलौंण वळी माँ अपणा बच्‍चों को पालन-पोसण करदी, ठिक उन्‍नि हमुन भि तुमरा बीच मा रै के बड़ा प्यार से तुमरि देखभाल कैरी।

1 तीमुथियुस 3:11

अर उन्‍नि बिस्वासी समुदाय की सेवा मा मदद करण वळो की जनानियां भि इन अच्छु जीवन बिता, ज्यां से की लोग ऊंको आदर-सम्मान कैरा। अर ऊ कै पर दोष लगौण वळी नि हो बल्किन शान्त सभौ की अर सब बातों मा बिस्वासयोग्य हो।

1 तीमुथियुस 3:3

अर उ सराबी ना हो, अर ना ही मार-पीट करण वळु, पर वेतैं शान्त सभौ को होण चयेणु, अर नऽ त उ झगड़ा करण वळु हो, अर ना ही धन को लालच करण वळु।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।

1 पतरस 2:1

इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

1 पतरस 3:10

किलैकि पवित्रशास्‍त्र मा इन लिख्यूं च कि, “जु अपणा जीवन से प्यार करदु हो, अर अच्छा दिन दिखण चान्दु हो, त उ मनखि अपणी जीब तैं बुरै करण से रोको, अर अपणा गिच्‍चा बटि छल कि बात नि बोलो।

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

1 पतरस 4:4

अर अब ऊं लोगु तैं बड़ु ताजुब होन्दु, किलैकि अब तुम इन्द्रया बुरा कामों मा अपणा दगड़्यों को साथ नि देन्द्‍यां, त इलै तुमरा दगड़्या तुमरो अपमान करदिन।

2 पतरस 2:10

अर खास कैरिके ऊं लोगु तैं जु अपणा सरील तैं बुरा कामों मा लगौन्दिन, अर परमेस्वर का अधिकार तैं सुद्‍दी समझदिन, परमेस्वर न ऊंतैं दण्ड खुणि रख्युं च। अर यू झूठ्‍ठा गुरु अपणु मोन बड़ु कैरिके रखदिन, अर स्वर्गदूतों की बेजती करण से भि पिछनै नि हटदिन।

यहूदा 1:10

पर यू लोग जौं बातों का बारा मा नि जणदिन ऊं बातों की बुरै करदिन। अर एक मूरख जानबर की तरौं समझ रखी के खुद खुणि नास होण को कारण बणणा छिन।

यहूदा 1:8

अर ठिक उन्‍नि यू झूठ्‍ठा लोग भि छिन, जु कि बिस्वासी लोगु का दगड़ा मा मिली गैनी, अर अपणा सुपन्यों का पिछनै भागी के अपणा सरील तैं पाप का द्‍वारा अशुद्ध कना छिन। अर यू लोग पिता परमेस्वर का द्‍वारा मिल्यां अधिकार तैं नकारी देन्दिन, इख तक कि स्वर्गदूतों की भि बुरै करदिन।