तीतुस 3:14 - Garhwali

¹⁴ अर सब बिस्वासी लोग भलै का काम करण सीखा, ताकि ऊ एक-दुसरे की भौत सि जरुरतों तैं पूरु कैरी सैका, तब ऊंका जीवन का द्‍वारा दुसरा लोगु तैं फैदा मिललु।

गढवली नयो नियम

¹⁴ भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।

तीतुस 3:14 ပူးပေါင်းရင်းမြစ်များ

मत्ती 21:19

अर वेकी नजर बाटा का किनरा एक तिमला का डाळा पर पोड़ि अर उ वेका नजदीक गै, मगर वेतैं पत्तों का अलावा वे पर एक भि तिमलु नि मिली। तब यीशु न वे डाळा कू बोलि, “आज का बाद त्वे पर कभि फल नि लगा।” अर देखा, वु डाळु तुरन्त सूखि गै।

मत्ती 7:19

पर मि तुमतै बतै देन्दु, कि जै-जै डाळा पर अच्छा फल नि लगदिन, वेतैं काटी के आग मा डळै जान्दु।

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

यूहन्ना 15:8

अर अगर जु तुम मा बिजांम फल लगदिन, त यां से मेरा पिता को भौत आदर-सम्मान होलु। तब तुम साबित कैरी दिल्या की तुम मेरा चेला छाँ।

खास चेलों 18:3

अर पौलुस ऊंका दगड़ा मा मिली के काम करण लगि गै, किलैकि पौलुस अर यों दुईयों को एक ही काम-धन्धा छौ, अर उ तम्बू बणौण को काम करदा छौ।

खास चेलों 20:35

मिन तुमतै सब कुछ कैरिके दिखै, मिन दिखै कि कनकै मेहनत करदिन, अर कनकै जरुरतमन्दों की मदद करदिन। अर प्रभु यीशु की बात याद रखण चयेणी, वेन बोलि छौ कि, ‘लेण वळु से जादा देण वळु धन्य च।’”

रोमियों 12:13

अर पिता परमेस्वर का लोगु का दगड़ा मा अपणी चीजों को साझा कैरा, अर अणजाण लोगु को भि अपणा घौर मा स्वागत कैरा।

रोमियों 15:28

इलै जब मि ये काम तैं पूरु कैरी द्‍यूलु, याने कि जब मि वे दान तैं यरूशलेम नगर का बिस्वासी लोगु का हाथों मा सौंपी द्‍यूलु, तब मि तुमरा पास औलु अर वेका बाद मिन स्पेन देस कू चलि जाण।

इफिसुस 4:28

इलै सुणा, जु चोरी करदु उ अब से चोरी नि कैरो, बल्किन मा अपणा हाथोंळ भलै का काम कैरो, ताकि जरुरतमन्द लोगु की मदद करणु खुणि वेका पास कुछ हो।

फिलिप्पी 1:11

अर यीशु मसीह का द्‍वारा परमेस्वर की नजर मा धरमी जीवन जीणु खुणि हर गुण से भरपूर ह्‍वे जा, ताकि तुमरा जीवनों का द्‍वारा परमेस्वर की बडै अर तारीफ हो।

फिलिप्पी 4:16

अर मितैं याद च जब मि थिस्सलुनीकी नगर मा छौ, त तुमुन मेरी जरुरत का बगत मा कई बार मेरी मदद कैरी।

फिलिप्पी 4:17

अर मेरु मकसद इन नि छौ कि मि सेवा का काम मा तुम बटि मदद ल्यूं, मगर मि त सिरफ इथगा ही चान्दु कि येका बदला मा तुमरा जीवनों मा परमेस्वर तुमतै इनाम द्‍यो।

कुलुसी 1:10

ताकि तुमरो चाल-चलन हरेक बात मा प्रभु तैं खुश करण वळु हो। अर हरेक किसम का भलै का काम अच्छा फलों की तरौं छिन, इलै तुम ऊंतैं अपणा जीवनों मा लेके आ, अर परमेस्वर का ज्ञान मा और भि जादा बढदी जा।

1 थिस्सलुनीकी 2:9

हे मेरा भै-बैंणो, तुमतै हमरि कठिन मेनत अर हमरि ध्याड़ि करण जरुर याद होलि। जब हमुन तुमतै परमेस्वर को शुभ समाचार सुणै त अपणी जरुरतों तैं पूरु करणु खुणि हमुन दिन-रात काम-काज कैरी, ताकि हम तुम मा बटि कै का मथि भि भारु नि बणा।

2 थिस्सलुनीकी 3:8

अर हमुन मुफत मा कै की रुट्‍टी नि खै, पर दिन-रात खून पसीना बुगै के मेनत कैरी, ताकि कै खुणि हम भारु नि बणि जां।

तीतुस 2:8

अर तेरी शिक्षा खरी होण चयेणी, ताकि कुई भि वीं शिक्षा कू बुरु नि बोलि सैको। ज्यां से की विरोध करण वळो तैं, हम पर दोष लगौण को कुई भि मौका नि मिली सैको, अर ऊंकी बेजती ह्‍वे जौ।

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

2 पतरस 1:8

अर यू वु गुण छिन जौं की तुमतै भौत जरुरत च अर अगर जु यू तुमरा पास भरपूरी से होला, त यू गुण तुमतै हमरा प्रभु यीशु मसीह का ज्ञान मा काम करण वळु अर और भि जादा असरदार बणौन्दिन।