तीतुस 1:9 - Garhwali

⁹ अर देख-रेख करण वळा मनखि तैं परमेस्वर का बिस्वासयोग्य वचन मा पूरि तरौं से बणयूं रौण चयेणु, जां की वेतैं शिक्षा दिईं च, ताकि उ लोगु तैं सच्‍चु उपदेस दे सैको, अर जु लोग वीं सच्‍चि शिक्षा को विरोध करण वळा छिन, ऊंतैं समझै के उ ऊंकी बोलती बन्द कैरी द्‍यो।

गढवली नयो नियम

⁹ वे तैं यीशु मसीह का बार मा विश्वासयोग्य संदेश पर मज़बूती ल विश्वास कन चयणु च, जु हम ल वे तैं सिखै कि उ दूसरों तैं सही शिक्षा को पीछा कनु कु उत्साहित कैर साको अर ऊं तैं ठिक कैर साको जु गलत छिनी।

तीतुस 1:9 ပူးပေါင်းရင်းမြစ်များ

खास चेलों 18:28

अर वेन सभ्यों का समणि यहूदी लोगु तैं खतरनाक जबाब देके ऊंतैं गळत साबित कैरी दिनी, अर पवित्रशास्‍त्र मा बटि इन साबित कैर दिनी कि यीशु ही मसीह च।

1 कुरिन्थि 14:24

अर जब तुम भविष्यबाणी करद्‍यां, अर वे ही बगत बिस्वास नि करण वळु कुई मनखि या कुई भि आम आदिम जैतैं पवित्र आत्मा की ताकत का बारा मा पता नि हो तुमरा बीच मा ऐ जौ, तब उ सब बातों तैं सुणी के मणलु कि, “मि एक पापि मनखि छौं अर परमेस्वर का दण्ड का लैख छौ।”

1 थिस्सलुनीकी 5:21

मगर यों भविष्यबाणियों तैं परखा, कि परमेस्वर की तरफा बटि छैं छिन या नि छिन, अर अगर जु परमेस्वर की तरफा बटि छिन त ऊंतैं स्वीकार कैरा।

2 थिस्सलुनीकी 2:15

इलै हे मेरा भै-बैंणो, बिस्वास मा मजबूत बणयां रा। अर जु-जु बात हमुन तुमतै वचनों का द्‍वारा अर चिठ्‍ठी-पतरीयों का द्‍वारा सिखैनी, ऊं बातों तैं माणा।

1 तीमुथियुस 1:10

अर जु लोग दुसरो का दगड़ा मा सरील का गळत सम्बन्ध रखदिन, जन कि एक बैख दुसरा बैख का दगड़ा मा अर ठिक उन्‍नि एक जनानि दुसरि जनानि का दगड़ा मा सरील का सम्बन्ध रखदी हो, अर जु गुलाम लोगु तैं बिकौण को काम करदिन, झूठ्‍ठ बुल्दिन अर झूठ्‍ठी कसम खनदिन, अर जु लोग सच्‍चा उपदेस का विरोध मा जाळसाजि बणौन्दिन, इन्द्रया लोगु खुणि परमेस्वर का रैबर्या मूसा का द्‍वारा नियम-कानून दियूं च।

1 तीमुथियुस 1:15

अर या बात सच्‍च च अर पूरि तरौं से मनण का लैख च कि, “यीशु मसीह ईं दुनियां मा पापियों तैं बचौणु खुणि ऐ,” किलैकि ऊं सब पापियों मा बटि सबसे बड़ु पापि मि छौं।

1 तीमुथियुस 4:9

अर जु बात मिन अभि तुम बटि बुलिनी, यू सच्‍च छिन अर मनण का लैख छिन।

1 तीमुथियुस 6:3

अगर कुई झूठ्‍ठी शिक्षा देन्दु हो, अर अपणा प्रभु यीशु मसीह का सच्‍चा वचन तैं जु कि परमेस्वर की भक्‍ति करण की शिक्षा तैं नि मणदु हो,

2 तीमुथियुस 1:13

अर ज्वा सच्‍चि शिक्षा मिन तुमतै सिखै, वींमा बणयां रा। अर हे तीमुथियुस, तू भि यीशु मसीह पर बिस्वास कैर अर सभ्यों से प्यार कैर अर ज्वा सच्‍चि शिक्षा मिन त्वेतै सिखै वा ऊंतैं भि सिखौ।

2 तीमुथियुस 2:2

अर जु बात तिन भौत सरा लोगु का समणि मि बटि सुणी छिन, ऊं बातों तैं तू ऊं लोगु का हाथों मा सौंप दे जु बिस्वास करण का लैख छिन अर वु दुसरो तैं भि सिखौण वळा हो।

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

2 तीमुथियुस 3:14

पर तीमुथियुस जथगा भि बातों तैं तिन सिखी अर ऊं पर बिस्वास कैरी, ऊं सब बातों पर अगनै भि बिस्वास कनु रौ। किलैकि तू अच्छी तरौं से जणदी कि यू सब बात त्वेतै कैन सिखैनी।

2 तीमुथियुस 4:3

किलैकि इन्द्रयो बगत आलु, कि लोग सच्‍चा उपदेस तैं सुनण पसन्द नि करला। अर अपणा मन की बुरी इच्छाओं का मुताबिक खुद खुणि इन्द्रया उपदेस देण वळो तैं इकट्‍ठा करला, जु कि इन्दरि बात ऊंतैं सिखाला जु ऊंतैं सुनण मा अच्छी लगदी हो।

तीतुस 1:11

अर यू लोग गळत कमै करणु खुणि गळत शिक्षा सिखौन्दिन, अर इन शिक्षा देके यू लोग, परिवारों का सब लोगु को बिस्वास खतम कैरी देन्दिन, इन्द्रया लोगु की त बोलती बन्द कैरी देण चयेणी।

तीतुस 2:1

पर हे तीतुस, तू इन शिक्षा दिया कैर जु की सच्‍चा उपदेस का मुताबिक हो।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।

दिब्य दरस 2:25

बस इथगा ही बोन्‍न चान्दु कि मेरा वापस औण तक जु कुछ तुमरा पास च तुम लोग अपणा-अपणा बिस्वास मा मजबूत बणयां रा।

दिब्य दरस 3:11

“मि भौत जल्द औण वळु छौं। जु कुछ तुमरा पास च वेतैं थामि के रखा, ताकि कुई भि तुम बटि तुमरो मुकुट नि छिनी सैको।

दिब्य दरस 3:3

अर याद कैरा कि ज्वा शिक्षा तुमुन पै अर सुणी, वीं शिक्षा को पालन कैरा अर मन से पस्ताप कैरा। अर अगर जु तुम चौकस नि रैल्या, त मि कै बगत तुमरा पास ऐ जौलु तुमतै ईं बात कि खबर नि लगण, किलैकि मिन एक चोर का जन अचानक से तुमरा पास औण।