तीतुस 1:15 - Garhwali

¹⁵ अर जौं को मन शुद्ध च इन्द्रया लोगु खुणि सब कुछ शुद्ध च, पर जौं लोगु का मन मा बुरै भुरीं च अर जु बिस्वास नि करदिन ऊं खुणि कुछ भि शुद्ध नि च। अर ऊं लोगु की अकल अर मन इन बिगाड़ि गै, अर ऊंतैं इन पता नि च कि क्या जि सही च अर क्या जि गळत।

गढवली नयो नियम

¹⁵ ऊं लुखुं कु जूंको दिमाग शुद्ध च, ज्यां मा पापमय जीवन नि च, व्यवस्था का अनुसार सभि चीज शुद्ध छिनी, पर ऊं लुखुं कु जु बुरा छिनी, अर जु यीशु पर विश्वास नि करदींनि, जु कुछ भि उ करदींनि उ अशुद्ध च, किलैकि ऊंको दिल दिमाग अर द्वी ही पूरा ढंग ल बुरो हवे गै।

तीतुस 1:15 ပူးပေါင်းရင်းမြစ်များ

मत्ती 15:18

पर सुणा, जु कुछ भि गिच्‍चा बटि निकळदु, उ मनखि का मन बटि निकळदु अर उई मनखि तैं अशुद्ध भि करदु।

खास चेलों 10:15

फिर दुसरि दौं भि वेतैं आवाज सुणै कि, “परमेस्वर न जौं चीजों तैं शुद्ध कैरियाली, तू वेकू अशुद्ध नि बोल।”

रोमियों 14:14

अर मि प्रभु यीशु का बार मा जणदु छौं, अर वेसे जु बिस्वास मितैं मिलदु वां से इन साबित ह्‍वे जान्दु, कि कुछ खाण से कुई भि चीज मितैं अशुद्ध नि करदी। मगर कुछ लोग इन सोचदिन, कि ऊंका कुछ खाणुक खाण से वु अशुद्ध होणा छिन, त ऊं खुणि वु खाणुक अशुद्ध च।

रोमियों 14:20

इलै खाण-पीण का मामला मा तुम पिता परमेस्वर का काम को नास नि कैरा, उन त खाण-पीणु खुणि सब कुछ ठिक ही च, मगर इन्द्रयो खाण-पीण भि गळत च जैकी वजै से दुसरो बिस्वासी भै या बैंण पाप करण लगि जौ।

रोमियों 14:23

पर जु मनखि सक कैरिके खाणुक तैं खै देन्दु त उ दोषी ठैरि जान्दु, किलैकि वेन इन बिस्वास नि कैरी कि यू सही च। अर मनखि जै काम तैं बिना बिस्वास का करदु, उई त पाप च।

1 कुरिन्थि 10:23

हे मेरा भै-बैंणो, सब धंणि मि खुणि खूब छिन, मगर मि तुमतै बतै देन्दु, कि सब धंणि मेरा फैदा कि नि छिन। अर मितैं सब कुछ करण की इजाजत च, मगर सब कुछ से मेरी तरक्‍की नि होन्दी।

1 कुरिन्थि 10:25

इलै बजारों मा जु कुछ भि लोग बिकौन्दिन, हम वेतैं लेके खै सकदा छां। अर हमतै यू पूछण कि जरुरत नि च, कि यू मूरत का अगनै चड़ये गै कि ना। हमतै बिना सक कियां खाण चयेणु।

1 कुरिन्थि 10:31

इलै चै तुम खा या प्या, जु कुछ भि कैरा वां से पिता परमेस्वर की बडै हो।

1 कुरिन्थि 8:7

पर फिर भि यू ज्ञान सब लोगु का पास नि च, किलैकि कुछ लोगु का बिंगण मा त अभि तक नि ऐ कि मूरतों मा कुई भि ताकत नि होन्दी। अर इन्द्रया लोग पैलि त मूरतों की पूजा करदा छा, अर ऊंका अगनै चड़ईं चीजों तैं खान्दा छा। अर अब जब वु लोग खाणुक खनदिन, त इन सोचदिन कि कखि यू मूरतों का अगनै चड़यूं खाणुक त नि च। तब ऊंको जमीर कमजोर होण की वजै से ऊंतैं दोषी ठैरान्दु, अर ऊ लोग इन बुल्दिन कि, “अरे, हम पाप कना छां।”

1 तीमुथियुस 6:5

अर इन्द्रया लोगु को दिमाग खराब ह्‍वे गै, अर सच्‍च क्या च यू ऊंतैं पता नि ही च। अर वु लोग समझदिन कि परमेस्वर की भक्‍ति करण कमै को एक साधन च। इन्द्रया लोगु मा हमेसा लड़ै-झगड़ा होनदिन।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

इब्रानी 12:15

अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।