रोमियों 9:8 - Garhwali

⁸ अर यां को मतलब यू च कि पितर अब्राहम का वंश मा जथगा भि लोगु को जनम हो ऊंमा सभ्यों खुणि पिता परमेस्वर की औलाद नि बुले जालु, मगर केवल ऊं खुणि ही पिता परमेस्वर की औलाद बुले जालु जौं खुणि वेन करार कैरी छौ।

गढवली नयो नियम

⁸ इलै जु वंश देह का अनुसार जन्म लींदींनि उ पिता परमेश्वर की संतान नि छिनी, पर भस करार की संतान ही अब्राहम की संतान मंणै जयदींनि।

रोमियों 9:8 ပူးပေါင်းရင်းမြစ်များ

मत्ती 3:9

अर अपणा-अपणा मनों मा इन नि समझा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर सुणा, मि तुमतै बतै देन्दु कि परमेस्वर यों ढुंगो मा बटि भि अब्राहम खुणि औलाद पैदा कैरी सकदु च।

यूहन्ना 1:13

अर ऊ नऽ त ल्वे बटि, नऽ त सरील की इच्छा बटि, अर ना ही मनखियों की योजना बटि पैदा ह्‍वेनि, बल्किन मा ऊ त परमेस्वर की औलाद छिन अर ऊं खुणि वेकी इच्छा या ही छै।

रोमियों 8:14

इलै जथगा लोग परमेस्वर की पवित्र आत्मा का मुताबिक अपणु जीवन तैं चलौन्दिन, वु लोग पिता परमेस्वर की औलाद छिन।

रोमियों 8:16

अर तब पवित्र आत्मा हमरि आत्मा का दगड़ा मा मिली के इन गवै देन्दी, कि हम परमेस्वर की औलाद छां।

रोमियों 8:19

अर पूरि धरती सबर रखी के परमेस्वर का परगट होण को इंतजार कनि च, कि कब उ अपणा औलादों तैं आदर-सम्मान द्‍यालु।

इब्रानी 11:11

अब्राहम अर वेकी जनानि सारा दुईया का दुई बुढ्या ह्‍वे गै छा, अर सारा बाँझ जनानि छै, मगर तभि भि बिस्वास का द्‍वारा ऊंको नौनु ह्‍वे। अर यू सब इलै ह्‍वे किलैकि जु करार परमेस्वर न कैरी छौ, वेन सारा तैं बिस्वास का लैख पै।