रोमियों 9:32 - Garhwali

³² अर इन त इलै ह्‍वे, किलैकि ऊंन अपणा कामों का द्‍वारा खुद तैं पिता परमेस्वर की नजर मा धरमी साबित करण की कोसिस कैरी, अगर जु वु यीशु मसीह पर बिस्वास करदा, त पिता परमेस्वर ऊंतैं धरमी साबित कैरी देन्दु। मगर ऊंन यीशु मसीह पर बिस्वास नि कैरी, इलै यीशु ऊं लोगु खुणि वे ढुंगा का जन बणि गै जैकी वजै से अकसर लोगु तैं उतेडु़ लगि जान्दु।

गढवली नयो नियम

³² यु कन कै हवे सकद? इलै कि उ विश्वास बट्टी न, पर भला कर्मों बट्टी वेकी खोज करदां छा; ऊंल मसीह तैं ठुकरै दे जु वे ढुंगा का जन च जु लुखुं तैं ठोकर दिलांद।

रोमियों 9:32 ပူးပေါင်းရင်းမြစ်များ

मत्ती 13:57

इलै ऊंन यीशु की बातों तैं स्वीकार नि कैरी। अर यीशु न ऊंकू बोलि, “एक रैबर्या तैं अपणा घौर अर मुलक का अलावा हरेक जगा आदर-सम्मान मिलदु।”

लूका 2:34

तब शमौन न ऊंतैं आसीस देके वेकी माँ मरियम कू बोलि, “सुण, यू बच्‍चा इस्राएली लोगु मदि भौत सरा लोगु खुणि दण्ड मिलण को, अर भौत सरा लोगु तैं बचयै जाण की वजा बणलु। अर यों बातों खुणि यू बच्‍चा एक चिन्‍न च, पर लोग येका खिलाप मा बुलला,

लूका 7:23

अर धन्य च उ, जु मि पर सक नि करदु बल्किन मा बिस्वास करदु।’”

रोमियों 10:3

अर ऊंतैं यू भि पता नि च, कि पिता परमेस्वर लोगु तैं अपणी नजर मा कनकै धरमी साबित करदु, मगर फिर भि वु लोग अपणा ही तरीका से खुद तैं धरमी साबित करण की पूरि कोसिस कना छिन। इलै ऊंन पिता परमेस्वर का वे तरीका तैं स्वीकार नि कैरी, ज्यां से कि लोग धरमी साबित होनदिन।

रोमियों 11:11

फिर त यू सवाल बणदु कि क्या पिता परमेस्वर न इस्राएली लोगु तैं बिल्कुल छोड़याली? क्या ऊंका पास कुई आस नि च? नऽ रे ना इन्दरि कुई बात नि च। मगर जब ऊंन यीशु मसीह पर बिस्वास नि कैरी, तब शुभ समाचार दुसरि जाति का लोगु तक पौंछी इलै ऊं लोगु तैं बचयै जाण को मौका मिली गै, जु कि इस्राएली लोग नि छिन। अर यू सब त इलै ह्‍वे, ताकि दुसरि जाति का लोगु तैं देखि के इस्राएली लोगु तैं जलन हो।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

1 पतरस 2:6

किलैकि वे ढुंगा बारा मा पवित्रशास्‍त्र मा कुछ इन लिख्यूं च कि परमेस्वर बुल्दु, “देखा मि सिय्योन मा एक चुण्यां कुणों का ढुंगा तैं रखणु छौं, जु की भौत कीमती च, अर जु कुई वे पर बिस्वास करलु, वेतैं कभि बेजती नि सौण पोड़लि।”

1 पतरस 2:8

अर ऊं लोगु खुणि इन भि लिख्यूं च कि, “यू ढुंगो ऊं खुणि उतेडु़ बणि गै, अर एक इन्द्रयो पौड़ जै बटि फिसली के वु लमडी गैनी।” किलैकि ऊ लोग परमेस्वर का वचन मा लिखीं बातों को पालन नि करदिन, इलै ऊंतैं उतेडु़ लगि। अर इन्द्रया लोगु खुणि पिता परमेस्वर न या ही योजना बणै के रखी च।