रोमियों 9:19 - Garhwali

¹⁹ अब तुम मा बटि कुछ लोग इन छिन जु कि मि बटि पूछला कि, “त फिर पिता परमेस्वर हमरा भितर कमी किलै खुज्यान्दु? अर कु च उ, जु कि वेकी मनसा का खिलाप मा लड़ी सकदु?”

गढवली नयो नियम

¹⁹ तब कुछ लोग मि बट्टी बुलला; “जु इन च त पिता परमेश्वर कन बोलि सकदो कि हम गलत छा? किलैकि उ जु चांदो वे तैं कनु कु कुई नि रोक सकदो।”

रोमियों 9:19 ပူးပေါင်းရင်းမြစ်များ

मरकुस 14:21

किलैकि मनखि का पुत्र खुणि जन लिख्यूं च वेका दगड़ा मा उन्‍नि होलु, मगर हाय च वे मनखि पर जैका द्‍वारा मनखि को पुत्र पकड़वै जान्दु, वे मनखि खुणि त भलु यू ही छौ कि वेको जनम ही नि होन्दु।”

खास चेलों 2:23

अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी।

रोमियों 11:19

अर अगर जु तुम बड़ु मोन करिल्या अर खुद का बारा मा इन बोलिल्या कि, “फौंका त इलै तुड़ै गैनी, ताकि मि वेमा कलम की तरौं लगै जौ,”

1 कुरिन्थि 15:12

हे मेरा दगड़्यों, जब हम ईं सच्‍चै को परचार करद्‍यां कि यीशु मसीह तैं मुरदो मा बटि ज्यून्द किये गै, त फिर तुमरा बीच मा लोग इन किलै बुल्दिन कि मुरयां लोग फिर से ज्यून्दा नि ह्‍वे सकदिन?

1 कुरिन्थि 15:35

मगर अब कुछ लोग इन सवाल भि पूछी सकदिन कि, “मुरयां लोग कनकै ज्यून्दा किये जाला, अर कन्द्रयो सरील होलु उ जु कि ऊंतैं मिललु?”

याकूब 1:13

जब कुई बुरी इच्छा से अजमैसों मा पोड़दु, त उ इन नि बोलो, कि मेरी या अजमैस परमेस्वर की तरफा बटि होणी च। किलैकि नऽ त बुरी बातों से परमेस्वर तैं अजमैसों मा डळै जै सकदु, अर ना ही उ खुद कैतैं अजमैसों मा डलदु।

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”