रोमियों 8:9 - Garhwali

⁹ पर अगर जु पिता परमेस्वर को पवित्र आत्मा सच्‍चि मा तुम मा वास करदु, त ईं बात तैं जाणि ल्या, कि तुम लोग ईं दुनियां मा पाप का वस मा नि छाँ, बल्किन तुम मा पवित्र आत्मा को वास च। अर जै मनखि मा प्रभु यीशु को पवित्र आत्मा वास नि करदु, वु मनखि यीशु मसीह को नि ह्‍वे सकदु।

गढवली नयो नियम

⁹ पर जबकि परमेश्वर कु पवित्र आत्मा तुम मा वास करदो, त तुम पापमय स्वभाव का काबू मा नि छा, पर पवित्र आत्मा का काबू मा छा। जु कै मा मसीह कु आत्मा नि च त उ मसीह बट्टी सम्बन्धित नि च।

रोमियों 8:9 ပူးပေါင်းရင်းမြစ်များ

लूका 11:13

इलै जब तुम बुरा ह्‍वेके भि अपणा बाल-बच्‍चों तैं अच्छी चीज देण जणद्‍यां, त जु लोग स्वर्ग मा रौण वळा पिता बटि मंगदा छिन ऊंतैं वु पवित्र आत्मा किलै नि द्‍यालु।”

यूहन्ना 14:17

अर दुनियां का लोग वेतैं स्वीकार नि कैरी सकदिन, किलैकि ऊ नऽ त वेतैं दिखदिन अर ना ही जणदिन। पर तुम वेतैं जणदा छाँ, किलैकि उ तुमरा दगड़ा मा रौन्दु च अर उ तुम मा होलु।

यूहन्ना 14:23

तब यीशु न वेतैं जबाब देई, “अगर कुई मि बटि प्यार करदु, त उ मेरी आज्ञाओं का मुताबिक चललु। अर मेरु पिता भि वे बटि प्यार करलु। अर हम वेका पास औला अर वेका दगड़ा मा रौला।

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।

यूहन्ना 3:6

जु मनखि सरील बटि जनम लेन्दु, उ त सरील च, पर जु पवित्र आत्मा बटि जनम लेन्दु, उ आत्मा च।

खास चेलों 16:7

अर जब ऊ मूसिया मुलक का नजदीक पौंछिनी त ऊंन बितूनिया मुलक मा जाण को विचार कैरी, मगर यीशु की आत्मा न ऊंतैं उख जाणे की इजाजत नि दिनी।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

1 कुरिन्थि 15:23

अर जन पिता परमेस्वर न यीशु मसीह तैं मुरदो मा बटि सबसे पैलि ज्यून्द कैरी, ठिक उन्‍नि जब यीशु वापस आलु त ऊं सभ्यों तैं भि मौत मा बटि ज्यून्द करलु जु वे पर बिस्वास करदिन।

1 कुरिन्थि 3:16

क्या तुम नि जणद्‍यां कि तुम लोग परमेस्वर का मन्दिर छाँ? अर परमेस्वर की पवित्र आत्मा तुम मा वास करदी,

1 कुरिन्थि 6:17

अर जब कुई मनखि हमरा प्रभु का दगड़ा मा एक ह्‍वे जान्दु, तब वेकी अर हमरि सांस एक ह्‍वे जान्दी, इनकै हम वेकी आत्मा मा एक ह्‍वे जन्द्‍यां।

1 कुरिन्थि 6:19

क्या तुम नि जणद्‍यां, कि तुमरो सरील पवित्र आत्मा को मन्दिर च? जु कि तुमतै पिता परमेस्वर की तरफा बटि मिल्यूं च, अर तुमरा भितर वास करदु,

2 कुरिन्थि 10:7

अर तुमरि आंख्यों का समणि जु चीज छिन तुम ऊंतैं स्वीकार करद्‍यां। अर अगर कैतैं पूरु यकीन च कि वु यीशु मसीह को चेला च, त फिर उ इन भि जाणि ल्यो कि जन उ मनखि यीशु मसीह को च ठिक उन्‍नि हम भि वेका छां।

2 कुरिन्थि 6:16

अर मनखि खुद परमेस्वर को मन्दिर च, किलैकि ज्यून्द परमेस्वर अपणी पवित्र आत्मा का द्‍वारा हम मा रौन्दु, इलै मूरतों का दगड़ा मा परमेस्वर का मन्दिर को कुई रिश्ता नि च। अर जन कि पवित्रशास्‍त्र मा भि लिख्यूं च की परमेस्वर इन बुल्दु कि, “मि ऊंमा रौलु, अर ऊंका दगड़ा मा चललु, अर मि ऊंको परमेस्वर होलु, अर ऊ मेरा लोग होला।”

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

इफिसुस 1:13

अर जब तुमुन शुभ समाचार का द्‍वारा सच्‍चै का वचन तैं सुणी, कि परमेस्वर यीशु मसीह का द्‍वारा ही बचौन्दु तब तुमुन यीशु मसीह पर बिस्वास कैरी। अर जब तुम वेका पास ऐ ग्यां, त वेन अपणी छाप का रुप मा तुमतै पवित्र आत्मा दिनी, जैको करार वेन पैलि ही कैरियाली छौ।

इफिसुस 2:22

अर अब तुम लोग भि यीशु मसीह का द्‍वारा हम यहूदी लोगु का दगड़ा मा मिली के एक इन मन्दिर बणौणा छाँ, जैमा पिता परमेस्वर अपणी पवित्र आत्मा का द्‍वारा रौन्दु।

इफिसुस 3:17

अर यीशु मसीह पर बिस्वास करण की वजै से उ तुमरा दिल मा वास कैरो, अर वेका होण से तुमरा भितर को मनखि एक-दुसरा का दगड़ा प्यार से रौण मा और भि जादा मजबूत हो।

फिलिप्पी 1:19

किलैकि मि जणदु छौं कि तुम लोगु की प्रार्थनाओं का द्‍वारा अर यीशु की पवित्र आत्मा की मदद से मितैं छुटकारु मिललु।

2 तीमुथियुस 1:14

अर जै शुभ समाचार की शिक्षा त्वेतै दिईं च तू वीं शिक्षा तैं ऊं बटि बचै के रख जु गळत शिक्षा तैं देन्दिन, अर यू सब कुछ त्वेमा रौण वळा पवित्र आत्मा की मदद से किये जौ।

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।

1 यूहन्ना 3:24

अर जु मनखि पिता परमेस्वर की आज्ञा को पालन करदु, उ पिता परमेस्वर का दगड़ा मा अर परमेस्वर वेका जीवन मा वास करदु। अर ईं बात को पता हमतै पवित्र आत्मा का द्‍वारा चलदु, जु कि पिता परमेस्वर न हमतै दियूं च।

1 यूहन्ना 4:13

अर यां से हमतै इन पता चलदु, कि हम पिता परमेस्वर का दगड़ा मा बणयां छां, अर उ हमरा दगड़ा मा बणयूं च, किलैकि वेन हमतै अपणु पवित्र आत्मा दियूं च।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

दिब्य दरस 13:8

अर धरती पर रौण वळा सब लोग वे दैंत पूजा करला, मगर जौं लोगु का नौ दुनियां की शुरुवात से पैलि जीवन की किताब मा लिख्यां छिन वु लोग वे दैंत की पूजा नि करला। अर या किताब बलिदान होयां मेम्‍ने की च जु कि यीशु मसीह च।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।