रोमियों 8:6 - Garhwali

⁶ अब जु लोग केवल अपणा सरील की मनसा तैं पूरि करण मा लग्यां रौनदिन, ऊंन मुरण च मगर जु लोग पवित्र आत्मा की मनसा का मुताबिक चलदिन, ऊ ज्यून्दा राला अर एक नयू जीवन पाला अर ऊंतैं अपणा जीवन मा शान्ति मिलली।

गढवली नयो नियम

⁶ अपड़ा पापमय स्वभाव तैं अर अपड़ा मन तैं काबू कन दींण मौत कि तरपां लिजांद; पर पवित्र आत्मा तैं अपड़ा मन तैं काबू कन बट्टी जीवन अर शान्ति मिलदी।

रोमियों 8:6 ပူးပေါင်းရင်းမြစ်များ

यूहन्ना 14:27

“अर मि तुमतै शान्ति दिये जान्दु, अपणी शान्ति मि तुमतै देणु छौं। अर जन दुनियां तुमतै देन्दी, उन्दरि शान्ति मि तुमतै नि देन्दु। इलै तुम नि डौऽरा अर ना ही घबरा।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 17:5

“हे पिता, दुनियां की शुरुवात से पैलि जब मि तुमरा दगड़ा मा छौ, तब मितैं बड़ु आदर-सम्मान मिलदु छौ, अर अब जब तुमरा दगड़ा मा रौलु त उई आदर-सम्मान मितैं मिलु।”

रोमियों 13:14

बल्किन मा प्रभु यीशु मसीह का सभौ तैं अपणा जीवन मा पूरि तरौं से ले ल्या, अर अपणा सरील की पापि इच्छाओं तैं पूरु करण बन्द कैरी द्‍या।

रोमियों 14:17

किलैकि पिता परमेस्वर का राज को मतलब खाण-पीण नि च, बल्किन मा वेकी नजर मा धरमी जीवन जीण से च। अर वेकी पवित्र आत्मा का द्‍वारा भलै करण, शान्ति से रौण, अर बड़ी खुशी से अपणु जीवन जीण से च।

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

रोमियों 5:10

किलैकि पैलि त हम पिता परमेस्वर का दुसमन छा, मगर अब यीशु मसीह की मौत का द्‍वारा हमरु मेल-जोल वेका दगड़ा मा ह्‍वे गै। अर हमतै पूरु यकीन च, कि वेका पुत्र यीशु मसीह को मुरदो मा बटि ज्यून्द होण का द्‍वारा हमतै छुटकारा भि मिललु।

रोमियों 6:21

अर जौं कामों का खातिर आज तुमतै सरम औन्दी, जब तुम ऊं कामों तैं कना छा त तुमतै वे बगत मा क्या-क्या फैदा ह्‍वे? अरे, इन्दरि बातों को कुई फैदा नि च यों को नतीजा त केवल मौत ही च।

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

रोमियों 7:11

अर नियम-कानून त अच्छा छिन, मगर जब मि वेको पालन नि करदु त पाप मितैं धोखा देके अपणा जाल मा फंसै देन्दु, अर वेकी वजै से मौत की सजा मिलदी।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

रोमियों 8:27

अर मनों तैं परखण वळु परमेस्वर जणदु च, कि पवित्र आत्मा की क्या मनसा च, किलैकि उ पवित्र लोगु खुणि परमेस्वर बटि वेकी मनसा का मुताबिक बिन्ती करदु।

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

गलातियों 5:22

पर पवित्र आत्मा को हमरा जीवन मा होण से इन गुण परगट होला जन कि, एक-दुसरा से प्यार करण, खुशी से रौण, शान्ति को जीवन, अर सबर रखण, दुसरो पर दया करण, भलै का काम करण, इमानदार रौण,

गलातियों 6:8

किलैकि जु मनखि अपणा सरील की मनसा का मुताबिक चलदु, उ अपणा जीवन खुणि विणास की फसल कटलु, मगर जु मनखि पवित्र आत्मा का मुताबिक चलदु, उ पवित्र आत्मा का द्‍वारा सदनि का जीवन की फसल कटलु।