रोमियों 8:5 - Garhwali

⁵ किलैकि ईं दुनियां मा मनखि दुनियां की बातों पर अपणु मन लगौन्दिन, इलै ऊ अपणा सरील की मनसा का मुताबिक ही चलदिन, मगर जु लोग पवित्र आत्मा का मुताबिक अपणा जीवन तैं चलौण चनदिन, वु लोग अपणु मन पवित्र आत्मा की बातों पर लगौन्दिन।

गढवली नयो नियम

⁵ उ लोग जु पापमय स्वभाव का अनुसार काबू मा हूंदींनि उ पापमय बातों का बारा मा सुचदींनि, पर उ जु पवित्र आत्मा का द्वारा नियंत्रित हूंदींनि ऊं बातों का बारा मा सुचदींनि जु पवित्र आत्मा तैं खुश करदी।

रोमियों 8:5 ပူးပေါင်းရင်းမြစ်များ

मरकुस 8:33

अर यीशु न मुड़ि के अपणा चेलों जनै देखि, अर पतरस कू झिड़की के बोलि, “हे शैतान, मेरा समणि बटि दूर ह्‍वे जा, किलैकि तेरी सोच परमेस्वर की बातों की तरौं नि च, बल्किन मा तेरु मन मनखियों की बातों पर लग्यूं रौन्दु।”

यूहन्ना 3:6

जु मनखि सरील बटि जनम लेन्दु, उ त सरील च, पर जु पवित्र आत्मा बटि जनम लेन्दु, उ आत्मा च।

रोमियों 8:9

पर अगर जु पिता परमेस्वर को पवित्र आत्मा सच्‍चि मा तुम मा वास करदु, त ईं बात तैं जाणि ल्या, कि तुम लोग ईं दुनियां मा पाप का वस मा नि छाँ, बल्किन तुम मा पवित्र आत्मा को वास च। अर जै मनखि मा प्रभु यीशु को पवित्र आत्मा वास नि करदु, वु मनखि यीशु मसीह को नि ह्‍वे सकदु।

1 कुरिन्थि 15:48

अर जन पैलु मनखि आदम माटा को च, ठिक उन्‍नि और मनखि भि वेकी ही तरौं छिन। पर दुसरो मनखि यीशु मसीह जु कि स्वर्ग को च, इलै जु स्वर्ग मा रौण वळा छिन वु सब भि वेकी तरौं आत्मिक होला।

1 कुरिन्थि 2:14

अर जु लोग सरील की मनसा का मुताबिक चलदिन, ऊ परमेस्वर की पवित्र आत्मा की बातों तैं स्वीकार नि करदिन, इन्द्रया लोगु खुणि यू बात बेमतलब की छिन। मगर यों सब बातों तैं पवित्र आत्मा का द्‍वारा ही बिंगै जै सकदु।

2 कुरिन्थि 10:3

अर भले ही हम भि ईं दुनियां मा ही रौन्द्‍यां, मगर फिर भि हम अपणा फैदा खुणि लड़ै नि करद्‍यां।

गलातियों 5:17

किलैकि सरील की इच्छा त पवित्र आत्मा का खिलाप मा काम करदी, अर पवित्र आत्मा मनखि का सरील की इच्छा का खिलाप मा काम करदु। अर यू दुईया का दुई एक-दुसरा का खिलाप मा छिन, इलै जन तुम करण चन्द्‍यां उन्‍नि नि कैरी सकद्‍यां।

इफिसुस 5:9

किलैकि जै मनखि का जीवन मा परमेस्वर को उज्याळु च, उ हरेक तरौं की भलै करण मा, अर सच्‍चै से धरमी जीवन जीण की कोसिस करदु।

2 पतरस 2:10

अर खास कैरिके ऊं लोगु तैं जु अपणा सरील तैं बुरा कामों मा लगौन्दिन, अर परमेस्वर का अधिकार तैं सुद्‍दी समझदिन, परमेस्वर न ऊंतैं दण्ड खुणि रख्युं च। अर यू झूठ्‍ठा गुरु अपणु मोन बड़ु कैरिके रखदिन, अर स्वर्गदूतों की बेजती करण से भि पिछनै नि हटदिन।