रोमियों 8:31 - Garhwali

³¹ हे मेरा भै-बैंणो, अब मि तुमतै इन बतौण चान्दु, कि यों सब बातों की एक ही बात च अर वा या च कि अगर जु पिता परमेस्वर हमरि तरफा च, त हमरु विरोध करण वळु कुई भि नि ह्‍वे सकदु।

गढवली नयो नियम

³¹ त हम यूं बातों का बारा मा क्य बोला? जु पिता परमेश्वर हमारी तरपां च, त कुई भि हम तैं हरै नि सकद।

रोमियों 8:31 ပူးပေါင်းရင်းမြစ်များ

मत्ती 1:23

अर उ वचन इन च कि, “सुणा, एक कुंवारी नौनि गरवति होलि अर एक नौना तैं जनम द्‍याली, अर वेको नौ इम्मानुएल रखै जालु,” जैको मतलब च कि “परमेस्वर हमरा दगड़ा मा च।”

रोमियों 3:5

पर अगर जु हमरा गळत काम करण से पिता परमेस्वर की अच्छे और भि जादा साफ ह्‍वेके हमरा समणि औन्दी, त फिर परमेस्वर हम पर किलै गुस्सा होन्दु अर किलै हमतै दण्ड देन्दु? (अरे, यू सब त मनखियों का अपणा विचार छिन जु कि गळत छिन)।

रोमियों 4:1

अर अगर इन च, त हम पितर अब्राहम का बारा मा क्या बोला, जु कि सरील का रिश्ता का मुताबिक हमरु पितर च अर हम वेका वंशज छां।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।