रोमियों 8:26 - Garhwali

²⁶ अर ठिक इन्‍नि जब हम बिस्वास मा मजबूत नि रौन्द्‍यां, त परमेस्वर को पवित्र आत्मा हमरि मदद करदु। अर वे बगत हमतै इन पता नि रौन्दु कि हमतै क्या प्रार्थना करण चयेणी। तब पवित्र आत्मा हमरि आत्मा मा ह्‍वेके पिता परमेस्वर बटि बात करदु, अर रुवे-रुवे के वेसे हम खुणि प्रार्थना करदु।

गढवली नयो नियम

²⁶ ईं रीति ल पवित्र आत्मा भि हमारी मदद करद; जब परमेश्वर मा हमारो भरोसो कमजोर हूंद, किलैकि हम नि जंणदा, कि प्रार्थना कन कै कन चयणी च; पर पवित्र आत्मा अफी इन्दरी आह भौरि-भौरि के जु कि बतांण से भैर च, हम कु बिनती करद।

रोमियों 8:26 ပူးပေါင်းရင်းမြစ်များ

मत्ती 10:20

अर याद रखा कि बोन्‍न वळा तुम नि छाँ, बल्किन मा तुमरा भितर पिता परमेस्वर को पवित्र आत्मा च जु कि तुमरा द्‍वारा बोललु।

मत्ती 20:22

ईं बात तैं सुणी के यीशु न बोलि, “तुम नि जणद्‍यां कि तुम मंगणा क्या छाँ। क्या तुम वे दुख तैं झेली सकद्‍यां, जु मि झिलण वळु छौं?” तब ऊं दुईयों न वेकू बोलि, “हाँ गुरुजी, हम झेली सकद्‍यां।”

लूका 22:44

अर उ और भि जादा बेचेन अर उचाट ह्‍वेके और भि जादा प्रार्थना करण लगि गै। अर वेकू पसीना ल्वे की बड़ी-बड़ी बुन्दौं की तरौं भ्वीं मा पोड़णु रै।

यूहन्ना 14:16

अर मि पिता बटि बिन्ती करलु, अर उ तुमतै एक और मददगार द्‍यालु, याने कि सच्‍चै को आत्मा। अर उ सदनि तुमरा दगड़ा मा रालु।

रोमियों 15:1

हे मेरा दगड़्यों, हम जु अपणा बिस्वास मा मजबूत छां, हमतै ऊं लोगु की कमजोरियों तैं सै लेण चयेणु जु कि बिस्वास मा मजबूत नि छिन। अर हरेक जगा मा हमतै अपणी ही खुशी नि दिखण चयेणी।

रोमियों 7:24

मेरु त जोग ही खराब च, अब कु जि मितैं छुटकारा द्‍यालु? किलैकि पाप मितैं मौत की तरफा लेके जनदिन।

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

2 कुरिन्थि 5:2

अर हम स्वर्ग जाण की इच्छा रखद्‍यां ताकि हमतै स्वर्ग वळु सरील मिली जौ, किलैकि ईं दुनियां का सरील मा हमतै भौत दुख-तकलीफ झिलण पोड़दिन।

2 कुरिन्थि 5:4

अर जबरि तक हम दुनियां वळा सरील मा रौन्द्‍यां, तबरि तक हमरा मथि बड़ु बोझ च अर हम पीड़ाळ कड़ौणा रौन्द्‍यां। अर हम इन नि बोन्‍नु छां कि हम ये सरील तैं छुड़ण चन्द्‍यां, बल्किन मा हम त स्वर्ग वळा सरील तैं पौण चन्द्‍यां, ताकि जु नास होण वळु सरील च वेतैं सदनि को जीवन मिली सैको।

गलातियों 4:6

अर इन साबित करणु खुणि परमेस्वर न अपणा पुत्र की पवित्र आत्मा हमरा मनों मा भेजि, ताकि इन पता चलि जौ कि हम वेकी औलाद छां। अर आज हम पवित्र आत्मा की मदद से प्रार्थना मा पिता परमेस्वर कू “हे मेरा अब्बा, मेरा पिता” बोलि सकद्‍यां।

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।

इब्रानी 5:2

अर जब परमेस्वर की मनसा लोगु का बिंगण मा नि औन्दी अर ना ही ऊ इन समझदिन कि जु कुछ भि वु कना छिन उ गळत च, तब महा पुरोहित इन्द्रया लोगु का खातिर दया दिखान्दु, किलैकि उ खुद भि एक कमजोर मनखि च।

याकूब 4:3

तुम मंगदा त छाँ, पर उ तुमतै नि मिलदु। किलैकि तुम बुरी इच्छाओं तैं पूरु करणु खुणि मंगद्‍यां, याने कि तुम अपणी मौज-मस्ती मा उड़ौणु खुणि मंगद्‍यां।