रोमियों 8:2 - Garhwali

² किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

गढवली नयो नियम

² पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

रोमियों 8:2 ပူးပေါင်းရင်းမြစ်များ

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

यूहन्ना 6:63

अर जीवन देण वळु त परमेस्वर को आत्मा च, पर सरील बटि कुई फैदा नि होन्दु। अर जु बात मिन तुम मा बुलिनी, वु सब परमेस्वर की आत्मा बटि अईं छिन, अर जीवन देण वळी भि छिन।

यूहन्ना 8:32

तब तुम सच्‍चै तैं जणिल्या, अर वा सच्‍चै तुमतै आजाद करली।”

यूहन्ना 8:36

इलै पुत्र अगर जु तुमतै आजाद करलु, त सच्‍चि मा तुम आजाद ह्‍वे जैल्या।

रोमियों 16:3

प्रिस्का बैंण अर वींका पति अक्‍किला तैं मेरु सलाम, यू लोग यीशु मसीह की सेवा करण मा मेरा दगड़्या छिन।

रोमियों 3:27

अर या बात सच्‍च च, इलै बड़ु मोन करण को कुई फैदा नि च, कि हम त नियम-कानूनों का मुताबिक चलद्‍यां, किलैकि अब ईं बात से कुई फर्क नि पोड़दु कि हम नियम-कानून का मुताबिक चलद्‍यां कि ना, बल्किन मा फर्क त ईं बात से पोड़दु कि क्या हम बिस्वास करदा छां कि ना?

रोमियों 5:21

इलै जन पाप न मौत का द्‍वारा अपणु राज बणै के रखी, ठिक उन्‍नि पिता परमेस्वर की महान किरपा भि राज कनि च, ताकि हम वेका समणि सच्‍चा साबित ह्‍वे सैका। अर हमरा प्रभु यीशु मसीह का द्‍वारा हमतै सदनि को जीवन मिली सैको।

रोमियों 6:14

अगर जु तुम इन करिल्या, त तुम पर पाप को कुई अधिकार नि होलु, किलैकि अब तुम नियम-कानून का अधीन मा नि छाँ, बल्किन मा परमेस्वर की किरपा का अधीन ह्‍वे ग्यां।

रोमियों 6:18

अर तुम लोग तैं पाप की गुलामी से छुटकारु मिली गै, ताकि तुम पिता परमेस्वर की नजर मा एक धरमी जीवन जी सैका अर वेको सेवक बणि जा।

रोमियों 6:22

पर अब पिता परमेस्वर न तुमतै पापों से छुटकारु देके अपणु चेला बणैयालि, अर ईं बात को तुमतै यू फैदा च कि अब तुमरो मन पवित्र ह्‍वे गै। अर ना केवल पवित्र मन, बल्किन मा वेका दगड़ा-दगड़ि तुमतै सदनि को जीवन भि द्‍यालु।

रोमियों 7:21

इलै मितैं ईं सच्‍चै का बारा मा पता चलि जान्दु, कि जब मि भलै करण की इच्छा करदु, त बुरै मेरा पास ऐ जान्दी।

रोमियों 7:23

मगर मि इन दिखदु कि पाप जैन मेरा मन मा अपणु घौर बणैयालि उ मेरा दगड़ा मा लड़ै करदु, अर इन कैरिके उ मितैं अपणा वश मा करदु।

रोमियों 7:4

हे मेरा भै-बैंणो, ठिक इन्‍नि जब यीशु मसीह तैं क्रूस पर मरे गै, त तुम भि वेका दगड़ा मा मरे ग्यां। इलै अब से तुम पुरणा नियम-कानूनों का भार से आजाद ह्‍वे ग्यां अर हमरु यीशु मसीह जैतैं पिता परमेस्वर न मुरदो मा बटि ज्यून्द कैरी अब उई तुमरो मालिक च। इलै अब तुम पिता परमेस्वर को सेवक बणि के भलै का काम कैरा।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

1 कुरिन्थि 15:45

इलै पिता परमेस्वर का वचन मा भि इन लिख्यूं च कि, “पैलु मनखि आदम ज्यून्दु पराणी बणि।” मगर आखिरी मनखि याने की यीशु मसीह लोगु तैं पवित्र आत्मा का द्‍वारा सदनि को जीवन देन्दु।

2 कुरिन्थि 3:17

अर प्रभु त आत्मा च, अर जख कखि प्रभु को पवित्र आत्मा च उख आजादी च।

2 कुरिन्थि 3:6

अर या बात सच्‍च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्‍वारा पूरु होन्दु। किलैकि लिख्यां कानून का द्‍वारा मौत की सजा औन्दी, मगर पवित्र आत्मा का द्‍वारा हमतै सदनि को जीवन मिलदु।

गलातियों 2:19

अर नियम-कानूनों को पालन करणु खुणि मि पौलुस नियम-कानून की नजर मा एक मुरयां मनखि का जन ह्‍वे ग्यों, अर अब मि परमेस्वर खुणि जीणु छौं।

गलातियों 5:1

अर या आजादी हमतै यीशु मसीह का द्‍वारा मिली च ताकि हम आजादी का जीवन तैं जी सैका। इलै अपणा बिस्वास तैं मजबूत बणै के रखा, अर नियम-कानूनों का बोझ तैं फिर से अपणा कन्धों पर नि उठा।

गलातियों 6:2

अर दुख-तकलीफ मा एक-दुसरा की मदद कैरा, अर इन कैरिके यीशु मसीह का नियम-कानून तैं पूरु कैरा।

याकूब 1:25

पर जु मनखि परमेस्वर का नियम-कानून पर ध्यान देन्दु, अर ऊंतैं सुणी के भूली नि जान्दु, बल्किन मा पालन करदु तब उ अपणा हरेक काम मा आसीस पौन्दु। किलैकि नियम-कानून उत्तम अर आजाद करण वळा छिन।

दिब्य दरस 11:11

मगर सढ़े तीन दिन का बाद परमेस्वर न ऊंका सरील मा जीवन की सांस फूकी दिनी, अर ऊ अपणा खुटों पर खड़ा ह्‍वे गैनी। तब जु लोग ऊंतैं दिखण छा ऊं सभ्यों पर बड़ु खौफ ऐ गै।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।