रोमियों 7:24 - Garhwali

²⁴ मेरु त जोग ही खराब च, अब कु जि मितैं छुटकारा द्‍यालु? किलैकि पाप मितैं मौत की तरफा लेके जनदिन।

गढवली नयो नियम

²⁴ मि भौत अभागि मनिख छौं; मि तैं यु देह बट्टी कु छुडालो, जु मि तैं पिता परमेश्वर बट्टी अलग करदो।

रोमियों 7:24 ပူးပေါင်းရင်းမြစ်များ

मत्ती 5:4

“धन्य छिन ऊ, जु शोक मा छिन, किलैकि ऊंतैं शान्ति दिये जालि।

मत्ती 5:6

“धन्य छिन ऊ, जु धरमी जीवन जीणु खुणि भूका अर प्यासा छिन, किलैकि ऊंकी तड़प पूरि किये जालि।

लूका 4:18

“प्रभु की आत्मा मि मा च, किलैकि वेन गरीबों तैं शुभ समाचार सुनाणु कू मितैं चुण्यूं च। अर बन्धियों तैं छुटकारा का बारा मा, अर अन्धों तैं फिर से दिखण का बारा मा परचार करणु खुणि, अर सतयां लोगु तैं छुटकारा देणु खुणि वेन मितैं भेजि च।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

रोमियों 8:23

अर या धरती ही ना, बल्किन मा हम बिस्वासी लोग भि जौं तैं वेन पैलि अपणु पवित्र आत्मा दिनी, हम भि ईं धरती का जन पीड़ा अर परेसानियों मा रै के वेको इंतजार कना छां, कि परमेस्वर की औलाद होण का नाता आखिर कब उ हम पर लग्यां इळजामो अर पापों से छुटकारु द्‍यालु?

रोमियों 8:26

अर ठिक इन्‍नि जब हम बिस्वास मा मजबूत नि रौन्द्‍यां, त परमेस्वर को पवित्र आत्मा हमरि मदद करदु। अर वे बगत हमतै इन पता नि रौन्दु कि हमतै क्या प्रार्थना करण चयेणी। तब पवित्र आत्मा हमरि आत्मा मा ह्‍वेके पिता परमेस्वर बटि बात करदु, अर रुवे-रुवे के वेसे हम खुणि प्रार्थना करदु।

कुलुसी 2:11

अर तुमरा सरील मा खतना को रिवाज तैं यीशु मसीह का द्‍वारा पूरु किये गै, जु कि हाथोंळ नि ह्‍वे, बल्किन मा पवित्र आत्मा का द्‍वारा ह्‍वे। अर यू इन्द्रयो खतना च जु कि यीशु मसीह का द्‍वारा ही किये जान्दु, अर मनखि का सरील बटि पाप का सभौ तैं भैर निकळे जान्दु।

2 तीमुथियुस 4:18

अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

इब्रानी 2:15

अर हरेक मनखि का मन मा मौत की डौऽर छै, जैकी वजै से वु गुलामी को जीवन जीणा छा, मगर यीशु मसीह की मौत न ऊंतैं वीं डौऽर से आजाद कैरियाली।

दिब्य दरस 21:4

अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”