रोमियों 7:15 - Garhwali

¹⁵ इलै कई बार मि गळत कामों तैं कैरी देन्दु, अर मितैं येका बारा मा पता नि च कि ऊ मिसे कनकै ह्‍वे जनदिन, किलैकि भलै का जु काम मि कन चान्दु उ मिसे नि होनदिन, पर जौं कामों से मितैं नफरत च वु काम मिसे ह्‍वे जनदिन।

गढवली नयो नियम

¹⁵ अर जु मि करदु छौं वे तैं नि जंणदु, किलैकि जु मि चांदु छौं उन ही करदु, पर ज्यां बट्टी मि तैं नफरत च ऊई करदु छों।

रोमियों 7:15 ပူးပေါင်းရင်းမြစ်များ

लूका 11:48

हाँ, तुम ऊंकी ही कबरों तैं बणौन्द्‍यां, जौं तैं तुमरा पितरों न मरवेयलि छौ, इलै तुम अपणा पितरों की यों करतूतों का गवा छाँ, अर ऊंका ऊं कामों से सैमत भि छाँ।

यूहन्ना 15:15

अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि।

रोमियों 12:9

हे मेरा दगड़्यों, तुम लोगु का प्यार मा कुई कपट नि हो, अर बुरै से तुम नफरत कैरा, अर भलै का काम करण मा लग्यां रा।

रोमियों 14:22

अर ईं बात का बारा मा अब जु कुछ भि तुम लोग मणद्‍यां, वेतैं अपणा अर पिता परमेस्वर का बीच मा ही रखा। अर धन्य च वु मनखि जौं को मन ऊंतैं दोषी साबित नि करदु, जब कि उ मनखि उई काम करदु जु कि वेतैं अच्छा लगदिन।

रोमियों 7:16

इलै मि ईं बात तैं माणी देन्दु, कि पिता परमेस्वर का नियम-कानून भला छिन, किलैकि जौं गळत कामों तैं मि नि करण चान्दु ऊ ही मिसे अकसर ह्‍वे जनदिन।

गलातियों 5:17

किलैकि सरील की इच्छा त पवित्र आत्मा का खिलाप मा काम करदी, अर पवित्र आत्मा मनखि का सरील की इच्छा का खिलाप मा काम करदु। अर यू दुईया का दुई एक-दुसरा का खिलाप मा छिन, इलै जन तुम करण चन्द्‍यां उन्‍नि नि कैरी सकद्‍यां।

2 तीमुथियुस 2:19

तभि भि जु लोग परमेस्वर पर बिस्वास करदिन, वु परमेस्वर का द्‍वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”

इब्रानी 1:9

मि परमेस्वर छौं मि वु परमेस्वर छौं जैकी सेवा तू करदी, अर तिन वेसे प्यार कैरी जु कि मेरी नजर मा सही च, अर जु गळत च वेसे तिन नफरत कैरी। इलै मिन तेरा सब दगड़्यों मा बटि तेरु अभिषेक कैरिके त्वेतै सबसे ऊँचो पद दियाली।”

याकूब 3:2

किलैकि हम सभि लोग भौत बार भूल-चूक कैरी देन्दयां। पर अगर कुई मनखि अपणा बोन्‍न मा भूल-चूक नि करदु, त उई खरु मनखि च। अर उ अपणा पूरा सरील तैं भि अपणा वश मा रखी सकदु च।

यहूदा 1:23

अर भौत सा लोगु तैं नरकलोक कि आग मा बटि झपैटी के निकाळा अर ऊंतैं बचै द्‍या, अर लोगु पर दया कैरा पर चौकस रा, अर ऊंका ऊं कपड़ों से भि नफरत कैरा जौं पर पाप का दाग लग्यां छिन।