रोमियों 7:14 - Garhwali

¹⁴ हे मेरा भै-बैंणो, हम जणदा छां कि पिता परमेस्वर का नियम-कानून पवित्र छिन, मगर मि एक साधारण सि मनखि छौं, अर पाप का वश मा होण की वजै से मि भि वेको गुलाम छौं।

गढवली नयो नियम

¹⁴ किलैकि हम जंणदा छा कि व्यवस्था त आत्मिक च, पर मि सांसारिक मनिख छौं अर पाप कु गुलाम छो।

रोमियों 7:14 ပူးပေါင်းရင်းမြစ်များ

मत्ती 16:23

पर यीशु न पतरस जनै मुड़ि के बोलि, “हे शैतान, मेरा समणि बटि दूर ह्‍वे जा। पतरस मि खुणि उतेडु़ किलै बणणी छैई, तू परमेस्वर की बातों पर मन नि लगौन्दिन, बल्किन मा तेरु मन मनखियों की बातों पर लग्यूं रौन्दु।”

मत्ती 18:25

अर करज चुकता करणु खुणि ये नौकर मा कुछ नि छौ। तब वे नौकर खुणि राजा न बोलि, ‘येतैं अर येकी घरवळी, अर येका बाल-बच्‍चों तैं, अर जु कुछ भि ये मा च वु सब कुछ बेचि के करज की भरपूरी किये जौ।’

मत्ती 5:22

पर मि तुमतै बतै देन्दु कि, जु कुई भि कै मनखि से नाराज हो, अर वेको अपमान कैरो अर बोलो ‘अरे बेकूप’ त वेतैं कचैरी मा दोषी ठैरै के दण्ड मिललु। अर अगर जु कुई अपणा भै-बैंण कू बोललु ‘अरे मूरख’ त उ नरकलोक की आग मा डळै जालु।

मत्ती 5:28

पर मि तुमतै बतै देन्दु कि, हरेक उ मनखि जु कै दुसरि जनानि तैं गळत नजर से दिखदु, त वेन अपणा मन मा वींका दगड़ा गळत सम्बन्ध बणैनी।

लूका 5:8

अर यू देखि के शमौन पतरस यीशु का खुटों मा पोड़ि गै, अर बोलि, “हे प्रभु, मि एक पापि मनखि छौं, इलै तुम मेरा समणि बटि चलि जा।”

लूका 7:6

तब यीशु ऊंका दगड़ा मा गै। अर जब यीशु सुबेदार का घौर का पास ही पौंछी छौ, तब सुबेदार न अपणा दगड़्यों मा बटि कुछ लोगु तैं यीशु का पास यू रैबार भेजि कि, “प्रभु, तुम कष्‍ट नि कैरा, किलैकि मि ये लैख नि छौं, कि तुम मेरा घौर मा भि ऐ सैका।

रोमियों 3:9

अर ज्वा बात मिन तुमतै बतै त क्या हम इन बोलि सकद्‍यां, कि हम यहूदी लोग दुसरा लोगु से भौत अच्छा छां? नऽ रे ना, इन बात नि च, किलैकि हमुन पैलि ही या बात बतैयालि की हरेक मनखि पाप का वश मा च, अब चै वु यहूदी जाति को हो या कुई और।

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

रोमियों 7:18

किलैकि मि जणदु छौं, कि मेरा सभौ मा कुछ भि भलु नि च, हाँ मेरा भितर कुछ भि अच्छु नि च, किलैकि मेरा मन मा भलै करण की मनसा च, मगर मि फिर भि वीं भलै तैं अच्छे से नि कैरी सकदु।

गलातियों 4:3

अर ठिक उन्‍नि यीशु मसीह का औण से पैलि हम भि बच्‍चों का जन ही छा, अर ईं दुनियां का नियम-कानूनों का गुलामी मा अपणु जीवन जीणा छा।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

इब्रानी 4:12

किलैकि परमेस्वर का वचन मा काम करण अर जीवन देण की ताकत च। अर यू वचन एक इन्दरि तलवार का जन च ज्वा कि दुई तरफा बटि पैनी च। अर जन तलवार सरील का मांस तैं हड़गौं से अलग कैरी देन्दी, ठिक उन्‍नि पवित्रशास्‍त्र मा लिखी बात भि हमरा विचार अर मन मा छिप्यां सब राजों तैं परगट कैरी देन्दु।