रोमियों 7:10 - Garhwali

¹⁰ अर वा आज्ञा ज्वा की मेरा हमेसा का जीवन खुणि छै, वा ही मि खुणि मौत की वजा बणि गै।

गढवली नयो नियम

¹⁰ अर व आज्ञा ज्वा मेरू जींण कु कारण बनण वली छै, मि तैं पिता परमेश्वर बट्टी अलग कैरी दींनि।

रोमियों 7:10 ပူးပေါင်းရင်းမြစ်များ

रोमियों 10:5

हे मेरा दगड़्यों, परमेस्वर को रैबर्या मूसा इन लिखदु, कि नियम-कानून को पालन पूरि तरौं करण से ही पिता परमेस्वर की नजर मा मनखि धरमी साबित ह्‍वे सकदु। अर वेन या बात कुछ इन लिखी कि, “जु मनखि यों बातों को पालन करलु, उ वेकी वजै से जीवन पालु।”

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

रोमियों 7:9

अर शुरु मा जब मितैं मूसा का द्‍वारा दियां नियम-कानून का बारा मा पता नि छौ, त वे बगत मा जन मितैं अच्छु लगदु छौ मि वेका मुताबिक ही करदु छौ, मगर जब मितैं पता चलि कि पाप मेरा भितर च तब बटि मि वेका इळजाम मा और भि जादा फंसी ग्यों।

2 कुरिन्थि 3:7

अर मौत तैं लेके औण वळा कानून त ढुंगो की पाटि पर लिखे गै छा, जु कि परमेस्वर का दिब्य तेज का द्‍वारा हमरा पितर मूसा तैं दिये गैनी। अर वे बगत परमेस्वर का रैबर्या मूसा को मुख भि वेका तेज से चमकदु छौ, अर भले ही वा चमक जरा-जरा कैरिके खतम ह्‍वे गै मगर फिर भि इस्राएली लोग वीं चमक की वजै से पितर मूसा का मुख जनै देखि नि सकिनी।

गलातियों 3:12

पर नियम-कानून को मनखि का बिस्वास का दगड़ा मा कुई लेण-देण नि च, किलैकि इन भि लिख्यूं च कि, “जु मनखि यों बातों को पालन करलु, उ वेकी वजै से जीवन पालु।”