रोमियों 5:9 - Garhwali

⁹ इलै जब हम यीशु मसीह का ल्वे का द्‍वारा पिता परमेस्वर की नजर मा धरमी गिणै ग्यां, त अब उ हमतै परमेस्वर का खतरनाक गुस्सा से जरुर बचालु।

गढवली नयो नियम

⁹ किलैकि हम परमेश्वर का दगड़ी धर्मी ठैरला किलैकि मसीह हम कु मोरि अर हमारा पापों कु अपड़ो ल्वे बुगै। त मसीह हम तैं निश्चित रूप बट्टी पिता परमेश्वर का गुस्सा बट्टी बचालो।

रोमियों 5:9 ပူးပေါင်းရင်းမြစ်များ

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

रोमियों 1:18

हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

रोमियों 5:10

किलैकि पैलि त हम पिता परमेस्वर का दुसमन छा, मगर अब यीशु मसीह की मौत का द्‍वारा हमरु मेल-जोल वेका दगड़ा मा ह्‍वे गै। अर हमतै पूरु यकीन च, कि वेका पुत्र यीशु मसीह को मुरदो मा बटि ज्यून्द होण का द्‍वारा हमतै छुटकारा भि मिललु।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

इफिसुस 2:13

अर एक बगत छौ, जब तुम परमेस्वर से दूर छा, पर अब तुम यीशु मसीह का ल्वे का द्‍वारा पिता परमेस्वर का पास ऐ ग्यां।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

इब्रानी 9:22

अर सच्‍चि बात त या च कि मूसा का दियां नियम-कानून का मुताबिक अकसर सभि चीज ल्वे का द्‍वारा ही शुद्ध किये जनदिन, अर माफी पौणु खुणि ल्वे बुगण जरुरी च।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।