रोमियों 5:16 - Garhwali

¹⁶ अर यू दान वे मनखि का जन नि च, जैकी वजै से पाप ईं दुनियां मा ऐ। अर आदम का द्‍वारा कर्युं पाप सब लोगु तैं दण्ड की तरफा लेके जान्दु, मगर पिता परमेस्वर को दान जु कि मुफत मा मिल्यूं च उ हमतै अफ दगड़ा मा एक भलु मनखि बणौण मा पूरि मदद करदु, अब चै हमुन कथगा भि दौं वेकी आज्ञा तैं तोड़ि हो।

गढवली नयो नियम

¹⁶ पिता परमेश्वर ल जु वरदान हम तैं दियुं च उ आदम का पाप का जन नि च, किलैकि एक मनिख कु पाप भंगार लै, पर चै हम ल भौत पाप कैरी, फिर भि पिता परमेश्वर ल हम तैं अपड़ी दया से इन वरदान दींनि जैल हम तैं वे नजरों मा धर्मी बणै दींनि।

रोमियों 5:16 ပူးပေါင်းရင်းမြစ်များ

मत्ती 6:14

“इलै अगर जु तुम लोगु का अपराधों तैं माफ करिल्या, त स्वर्ग मा रौण वळु तुमरो पिता भि तुमतै माफ करलु।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

1 कुरिन्थि 11:32

मगर प्रभु हमतै इलै दण्ड देन्दु, ताकि हमरा जीवन मा सुधार हो, अर न्याय का दिन मा हम ईं दुनियां का लोगु का दगड़ा मा दोषी ठैरि के दण्ड नि पा।

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

याकूब 2:10

किलैकि अगर कुई मनखि पवित्रशास्‍त्र का सब नियम-कानूनों को पालन कैरिके, बस एक ही नियम तैं नि मणदु हो, त उ सब नियम-कानूनों तैं नि मनण वळु च अर दोषी ठैरि गै।