रोमियों 5:14 - Garhwali

¹⁴ मगर फिर भि पितर आदम बटि लेके मूसा रैबर्या तक मौत न सब लोगु पर राज कैरी, इख तक कि जौं लोगु न पिता परमेस्वर का खिलाप मा आदम का जन अपराध नि कैरी ऊं लोगु तैं भि मुरण पोड़ि। अर पितर आदम वे मनखि खुणि एक चिन्‍न बणि, जु कि औण वळा बगत मा ईं दुनियां मा औण वळु छौ अर उ यीशु मसीह च।

गढवली नयो नियम

¹⁴ तब भि आदम बट्टी लै के मूसा तक लुखुं ल व्यवस्था का विरुद्ध पाप कैरी अर उ सब मोरि गैनी, आदम का पापों ल सब लुखुं तैं प्रभावित कैरी, ठिक उन ही जन मसीह ल कैरी, जु बाद मा ऐ, उ भि सभि लुखुं तैं प्रभावित करद।

रोमियों 5:14 ပူးပေါင်းရင်းမြစ်များ

रोमियों 5:12

हे मेरा भै-बैंणो, जब पितर आदम न पिता परमेस्वर की आज्ञा तैं तोड़ि, त पाप वेका द्‍वारा ईं दुनियां मा ऐ। अर आदम का वे पाप न मौत तैं जनम दिनी, ज्यां की वजै से आज मौत सब लोगु मा फैली गै, इलै सब लोग पापि छिन।

रोमियों 5:17

अर या बात सच्‍च च कि एक मनखि का अपराध का द्‍वारा मौत सब लोगु पर राज करण लगि गै। मगर वु लोग जु पिता परमेस्वर की भरपूर किरपा से वेका समणि सच्‍चु होण का दान तैं अपणा जीवन मा स्वीकार करदिन, ऊ लोग यीशु मसीह का द्‍वारा जीवन तैं पाला, अर वेका द्‍वारा राज भि करला।

रोमियों 5:21

इलै जन पाप न मौत का द्‍वारा अपणु राज बणै के रखी, ठिक उन्‍नि पिता परमेस्वर की महान किरपा भि राज कनि च, ताकि हम वेका समणि सच्‍चा साबित ह्‍वे सैका। अर हमरा प्रभु यीशु मसीह का द्‍वारा हमतै सदनि को जीवन मिली सैको।

रोमियों 8:20

अर एक बगत छौ, जब पूरि धरती पिता परमेस्वर का द्‍वारा मिल्यां दण्ड का अधीन मा चलि गै छै, अर इनकै सब चीज बेकार ह्‍वे गैनी। अर वे बगत धरती वेका खिलाप मा खुद नि गै छै, मगर फिर भि वेन इन होण दिनी। अर अब पूरि धरती बड़ी आस से वेको इंतजार कनि च,

रोमियों 8:22

किलैकि हम जणदा छां, कि पूरि धरती अभि तक वीं जनानि का तरौं पीड़ा मा कड़ौणी च, ज्वा कि अपणा बच्‍चा तैं जनम देण वळी होन्दी।

1 कुरिन्थि 15:22

अर जन आदम का पाप मा हिस्सेदार बणि के हम सब लोग मोरि जन्द्‍यां, ठिक उन्‍नि यीशु मसीह का द्‍वारा हम सभ्यों तैं मुरदो मा बटि ज्यून्द भि किये जालु।

1 कुरिन्थि 15:45

इलै पिता परमेस्वर का वचन मा भि इन लिख्यूं च कि, “पैलु मनखि आदम ज्यून्दु पराणी बणि।” मगर आखिरी मनखि याने की यीशु मसीह लोगु तैं पवित्र आत्मा का द्‍वारा सदनि को जीवन देन्दु।

इब्रानी 9:27

अर जन एक बार मुरण अर वेका बाद न्याय को परगट होण मनखियों खुणि जरुरी च।