रोमियों 5:12 - Garhwali

¹² हे मेरा भै-बैंणो, जब पितर आदम न पिता परमेस्वर की आज्ञा तैं तोड़ि, त पाप वेका द्‍वारा ईं दुनियां मा ऐ। अर आदम का वे पाप न मौत तैं जनम दिनी, ज्यां की वजै से आज मौत सब लोगु मा फैली गै, इलै सब लोग पापि छिन।

गढवली नयो नियम

¹² इलै कि जन एक मनिख का द्वारा पाप दुनिया मा ऐ मतलब आदम का द्वारा, उ पैलो मनिख जै तैं पिता परमेश्वर ल बंणै, किलैकि आदम ल पाप कैरी, अर उ मोरि गै, अर इन ही बट्टी मृत्यु सब लुखुं मा फैली गै, किलैकि सभि लोग आदम कि सन्तान छिनी, इलै जब आदम ल पाप कैरी त सभियूं ल पाप कैरी अर पापमय स्वभाव कु संचार हूंदी गै।

रोमियों 5:12 ပူးပေါင်းရင်းမြစ်များ

रोमियों 3:23

किलैकि सभ्यों न पिता परमेस्वर का खिलाप मा जैके गळत काम करिनी, अर ऊं पापों की वजै से वु लोग वेसे मिलण वळा आदर-सम्मान से दूर छिन।

रोमियों 5:18

इलै जन आदम का एक बार अपराध करण का द्‍वारा परमेस्वर न सब मनखियों तैं मौत की आज्ञा दिनी, ठिक उन्‍नि यीशु मसीह का द्‍वारा अपणु जीवन एक बार देण से ही सब लोगु तैं इन मौका मिली गै कि वु पिता परमेस्वर की नजर मा धरमी जीवन ज्या अर सदनि को जीवन तैं पै सैका।

रोमियों 5:19

किलैकि जन एक मनखि का आज्ञा नि मनण का बाना सब लोग पापि ठैरैनी, ठिक उन्‍नि एक मनखि का आज्ञा मनण से भौत सा लोग धरमी ठैरि सैका।

रोमियों 5:21

इलै जन पाप न मौत का द्‍वारा अपणु राज बणै के रखी, ठिक उन्‍नि पिता परमेस्वर की महान किरपा भि राज कनि च, ताकि हम वेका समणि सच्‍चा साबित ह्‍वे सैका। अर हमरा प्रभु यीशु मसीह का द्‍वारा हमतै सदनि को जीवन मिली सैको।

रोमियों 6:21

अर जौं कामों का खातिर आज तुमतै सरम औन्दी, जब तुम ऊं कामों तैं कना छा त तुमतै वे बगत मा क्या-क्या फैदा ह्‍वे? अरे, इन्दरि बातों को कुई फैदा नि च यों को नतीजा त केवल मौत ही च।

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

1 कुरिन्थि 15:56

अर पाप करण की वजै से मनखि मोरि जान्दु, अर पवित्रशास्‍त्र का नियम-कानून का द्‍वारा हमतै इन पता चलदु कि पापि लोगु तैं दण्ड मिललु।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

याकूब 1:15

तब वा बुरी इच्छा बढणी रौन्दी अर पाप तैं जनम देन्दी, अर वु पाप बढी के मौत तैं जनम देन्दु।

याकूब 3:2

किलैकि हम सभि लोग भौत बार भूल-चूक कैरी देन्दयां। पर अगर कुई मनखि अपणा बोन्‍न मा भूल-चूक नि करदु, त उई खरु मनखि च। अर उ अपणा पूरा सरील तैं भि अपणा वश मा रखी सकदु च।