रोमियों 4:5 - Garhwali

⁵ अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

गढवली नयो नियम

⁵ पर जु पिता परमेश्वर का दगड़ी लायक ठैरे जांण कु काम नि करदो बल्कि बुरा लुखुं कु धर्मी ठैरांण वला पिता परमेश्वर पर विश्वास करदो, वे मनिख कु विश्वास वेको धार्मिकता गिणे जांद।

रोमियों 4:5 ပူးပေါင်းရင်းမြစ်များ

मरकुस 9:23

यीशु न वेकू बोलि, “तू क्या बात बोन्‍नि छैई, कि गुरुजी, तुम कुछ कैरी सकद्‍यां? अरे, बिस्वास करण वळा मनखि खुणि सब कुछ ह्‍वे सकदु।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 6:29

तब यीशु न ऊंतैं जबाब देई, “परमेस्वर को काम यू च, कि जैतैं वेन भेजि च तुम वे पर बिस्वास कैरा।”

रोमियों 10:3

अर ऊंतैं यू भि पता नि च, कि पिता परमेस्वर लोगु तैं अपणी नजर मा कनकै धरमी साबित करदु, मगर फिर भि वु लोग अपणा ही तरीका से खुद तैं धरमी साबित करण की पूरि कोसिस कना छिन। इलै ऊंन पिता परमेस्वर का वे तरीका तैं स्वीकार नि कैरी, ज्यां से कि लोग धरमी साबित होनदिन।

रोमियों 3:22

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

रोमियों 4:24

बल्किन मा या बात त हम खुणि भि लिखे गै, किलैकि हम वे परमेस्वर पर बिस्वास करद्‍यां जैन हमरा प्रभु यीशु मसीह तैं मुरदो मा बटि ज्यून्द कैरी। इलै या बात हम खुणि भि च, ताकि हम लोग भि बिस्वास करण का द्‍वारा धरमी गिणै जां।

रोमियों 4:3

अर पवित्रशास्‍त्र मा क्या च लिख्यूं? अरे वेमा त इन लिख्यूं च कि, “अब्राहम न परमेस्वर पर बिस्वास कैरी, अर अपणा बिस्वास की वजै से ही उ धरमी गिणै गै।”

रोमियों 4:6

अर जब कुई मनखि भलै का काम नि करदु, पर अपणु बिस्वास पिता परमेस्वर पर बणै के रखदु, त इन्द्रया मनखि तैं पिता परमेस्वर धरमी ठैरान्दु। इलै इन्द्रया मनखि का बारा मा राजा दाऊद भि इन बुल्दु कि, “वु बड़ु धन्य च।”

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।