रोमियों 4:3 - Garhwali

³ अर पवित्रशास्‍त्र मा क्या च लिख्यूं? अरे वेमा त इन लिख्यूं च कि, “अब्राहम न परमेस्वर पर बिस्वास कैरी, अर अपणा बिस्वास की वजै से ही उ धरमी गिणै गै।”

गढवली नयो नियम

³ परमेश्वर कु वचन क्य बुल्द? परमेश्वर ल जु वादो कैरी छो वे पर अब्राहम ल विश्वास कैरी अर यां पर परमेश्वर ल वे तैं धर्मी ठैरे।

रोमियों 4:3 ပူးပေါင်းရင်းမြစ်များ

मत्ती 20:9

अर जब वु मजदूर ऐनी जु कि पांच बजी का लगभग ऐ छा, त ऊंतैं एक दिन की पूरि ध्याड़ि मिली।

मरकुस 12:10

तब यीशु न ऊंकू बोलि, ‘क्या तुम लोगु न पवित्रशास्‍त्र मा इन नि पैढी,’ “‘जै ढुंगा तैं मिस्‍त्रियों न फुंन ढोळि छौ, उई कुणों को खास ढुंगो बणि गै?

रोमियों 10:11

किलैकि यीशु का बारा मा पवित्रशास्‍त्र मा इन लिख्यूं च कि, “जु कुई वे पर बिस्वास करलु, उ कभि निरास नि होलु।”

रोमियों 11:2

परमेस्वर न अपणी परजा का लोगु तैं नि छोड़ि, किलैकि वु ऊं लोगु तैं पैलि बटि जणदु। अर क्या तुम नि जणद्‍यां, कि पवित्रशास्‍त्र मा एलिय्याह रैबर्या हमतै क्या बतौन्दु, कि कनकै वेन इस्राएली लोगु का खिलाप मा पिता परमेस्वर से बिन्ती कैरी?

रोमियों 4:11

हाँ, या बात सच्‍च च कि पिता परमेस्वर न वेतैं पैलि स्वीकार कैरिके धरमी ठैरै दिनी, जब कि वे बगत वेको खतना भि नि होयुं छौ। अर इन वेन इलै कैरी, किलैकि पितर अब्राहम न वे पर बिस्वास कैरी। इलै खतना करण हमरा पितर अब्राहम खुणि एक चिन्‍न छौ, ताकि पितर अब्राहम ऊं सभ्यों को बुबा बणि जौ, जु पिता परमेस्वर पर बिस्वास त करदा छिन, मगर अपणु खतना नि करौन्दिन। इलै वु सब लोग अपणा बिस्वास करण की वजै से ही पिता परमेस्वर की नजर मा धरमी मणै जनदिन।

रोमियों 4:5

अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

रोमियों 4:9

अर यहूदी लोग जौन खतना का रिवाज तैं पूरु कर्युं च, आसीस को यू वचन सिरफ ऊं खुणि ही नि च बल्किन मा यू त ऊं लोगु खुणि भि च जौन अपणु खतना नि कर्युं। अर हम त इन बुल्द्‍यां कि, “पितर अब्राहम न पिता परमेस्वर पर बिस्वास कैरी, इलै वेका बिस्वास की वजै से उ धरमी गिणै गै।”

रोमियों 9:17

किलैकि मिस्र देस का राजा फिरौन का बारा मा पिता परमेस्वर न बोलि। अर पवित्रशास्‍त्र मा वा बात इन लिखीं च कि, “मिन त्वेतै इलै ही राजा बणै, ताकि मि अपणी ताकत त्वेतै दिखै सैकु। अर इन कैरिके मेरा नौ की चर्चा पूरि धरती पर हो।”

याकूब 2:23

तब पवित्रशास्‍त्र की या बात पूरि ह्‍वे कि, “अब्राहम न परमेस्वर पर बिस्वास कैरी, अर ईं वजै से उ परमेस्वर की नजर मा धरमी ठैरै गै।” इलै पितर अब्राहम कू परमेस्वर को दगड़्या बुले गै।

याकूब 4:5

अर तुम क्या सोचद्‍यां कि ज्वा बात पवित्रशास्‍त्र मा लिखीं च वा सुद्‍दी च? “ज्वा आत्मा पिता परमेस्वर न मनखि तैं देई, कखि वा आत्मा वे बटि दूर नि ह्‍वे जौ, वेका खातिर वेतैं जलन होन्दी।”