रोमियों 4:21 - Garhwali

²¹ किलैकि वेतैं पूरु यकीन छौ कि जु करार परमेस्वर न वेका दगड़ा मा कर्युं च, वे करार तैं उ पूरु करण की ताकत भि रखदु।

गढवली नयो नियम

²¹ पर निश्चित जांणि की जैं बात कि पिता परमेश्वर ल करार कैरी छै, उ वे तैं पूरो कन मा भि सामर्थी च।

रोमियों 4:21 ပူးပေါင်းရင်းမြစ်များ

मत्ती 19:26

तब यीशु न ऊंकी तरफा देखि के बोलि, “मनखियों बटि त यू नि ह्‍वे सकदु, पर परमेस्वर बटि सब कुछ ह्‍वे सकदु च।”

लूका 1:1

प्रिय थियुफिलुस, जु बात हम सभ्यों का बीच मा ह्‍वेनि, ऊं बातों तैं शुरु बटि लेके एक-एक कैरिके लिखणु खुणि भौत लोगु न कोसिस कैरी।

लूका 1:37

किलैकि परमेस्वर कुछ भि कैरी सकदु च।”

लूका 1:45

अर तू धन्य छैई, किलैकि तिन बिस्वास कैरी कि जु बात प्रभु की तरफा बटि त्वेमा बुले गैनी, ऊंन पूरि होण।”

रोमियों 14:4

अर तू कु छैई, जु कि कै दुसरा मनखि का नौकर को न्याय करदी? अरे, ईं बात को फैसला त वेको मालिक ही करलु कि उ अच्छु कनु च या ना। अर परमेस्वर को सेवक अच्छु ही करलु, किलैकि भलै करण मा उ अपणा लोगु की मदद करदु।

रोमियों 14:5

कुछ लोग इन मणदिन कि कुई एक दिन कै दुसरा दिन से जादा खास च, अर कुछ लोग इन मणदिन कि हरेक दिन एक ही जन छिन। मेरा दगड़्यों, तुम सब लोग अपणा-अपणा मनों मा ईं बात तैं ठाणि के रखी ल्या,

रोमियों 8:38

अर मितैं पूरु यकीन च, कि हमतै परमेस्वर का प्यार से कुई भि अलग नि कैर सकदु, नऽ त मौत, ना ही जीवन, नऽ त स्वर्गदूत, अर ना ही अधिकारी, अर नऽ त आज को दिन, ना ही औण वळु दिन, नऽ त ताकत, ना ही कुई ऊंचै,

2 कुरिन्थि 9:8

अर पिता परमेस्वर तुमतै हरेक चीज दे सकदु च ज्यां कि तुमतै जरुरत च। अर इन वु इलै करलु, ताकि तुम और भि जादा दिल खोली के दे सैका अर भलै का काम तुमरा द्‍वारा और भि जादा किये जा।

2 तीमुथियुस 1:12

इलै मि दुख सौन्दु छौं, अर ईं बात मा मितैं कुई सरम नि औन्दी, किलैकि मिन यीशु पर बिस्वास कैरी अर वेका बारा मि जणदु छौं। अर मितैं पूरु यकीन च कि जु शुभ समाचार पिता परमेस्वर न मि मा सौंपी, वेतैं आखिरी का दिन तक समाळि के रखण मा उ ताकतबर च।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

इब्रानी 11:19

अर अब्राहम न इन इलै कैरी किलैकि वु या बात समझि गै छौ, कि परमेस्वर लोगु तैं मुरदो मा बटि ज्यून्द कैरी सकदु च, अर जब उ अपणा नौना तैं बलिदान करण वळु छौ त परमेस्वर न वेतैं रोकी दिनी, तब अब्राहम तैं अपणु नौनु इन वापिस मिली गै, जन की वु मुरदो मा बटि ज्यून्द ह्‍वे गै हो।