रोमियों 4:14 - Garhwali

¹⁴ अर अगर जु नियम-कानून को पालन करण वळा लोग ही असली वारिस छिन, त बिस्वास करण वळा लोगु को कुई फैदा ही नि ह्‍वे, अर जु करार परमेस्वर न कैरी वु भि खतम ह्‍वे गै।

गढवली नयो नियम

¹⁴ जु अब्राहम अर वेका वंशजों तैं यु करार यु कारण दिये गै किलैकि ऊंल भि व्यवस्था कु पालन कैरी, त विश्वास बेकार अर करार बेकार ही रै।

रोमियों 4:14 ပူးပေါင်းရင်းမြစ်များ

रोमियों 3:31

अब तुम सुचणा ह्‍वेल्या, कि जु कुछ भि हम बोन्‍ना छां वांको मतलब क्या च? त हम तुमतै बतै देन्द्‍यां कि जब हम इन बुल्द्‍यां की बिस्वास करण से ही हमतै छुटकारा मिलदु, त यां को मतलब यू नि च कि हम नियम-कानूनों तैं रद्‍द कना छां, बल्किन मा हम पिता परमेस्वर की बातों तैं पूरु करणा छां।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

1 कुरिन्थि 1:13

क्या प्रभु यीशु मसीह तुमरा बीच मा टुकड़ा कैरिके बंटे गै? क्या पौलुस तुमरा खातिर क्रूस पर चैड़ि? या तुमतै मेरा नौ को बपतिस्मा दिये गै?

गलातियों 2:21

मि परमेस्वर की किरपा तैं नकरणु नि छौं, किलैकि अगर मूसा का दियां नियम-कानूनों का द्‍वारा धरमी बणयै जान्दु, त यीशु मसीह को मुरण बेकार ह्‍वे जान्दु।

गलातियों 5:4

अर तुम मा बटि जथगा भि लोग नियम-कानूनों को पालन करण का द्‍वारा परमेस्वर की नजर मा धरमी होण की कोसिस कना छिन, अर यीशु मसीह पर बिस्वास नि करदिन त मि तुमतै बतै देन्दु कि तुम सब वेसे अर परमेस्वर की किरपा से भि दूर ह्‍वे ग्यां।

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

इब्रानी 7:28

ईं दुनियां को मनखि कमजोर अर पापि च फिर भि मूसा रैबर्या का द्‍वारा दियां नियम-कानूनों न ऊंतैं मुख्य पुरोहित का रुप मा चुणी, मगर बाद मा पिता परमेस्वर न कसम खै के अपणा पुत्र यीशु तैं पुरोहित ठैरै दिनी, अर यीशु मसीह हमेसा सब बातों मा खरु निकळदु।