रोमियों 3:30 - Garhwali

³⁰ हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

गढवली नयो नियम

³⁰ किलैकि एक ही पिता परमेश्वर च, जु खतनावला तैं विश्वास बट्टी अर खतनाराहितों तैं भि विश्वास का द्वारा धर्मी ठैरांद।

रोमियों 3:30 ပူးပေါင်းရင်းမြစ်များ

रोमियों 2:26

अर जु लोग यहूदी जाति का नि छिन अगर ऊ बिना खतना कर्यां नियम-कानून मा लिखी बातों को पालन करदिन, त ऊंकी गिनती ऊं लोगु का दगड़ा मा नि होलि जौं लोगु को खतना होयुं च?

रोमियों 2:27

अर अगर कुई मनखि सरील को खतना कियां बगैर नियम-कानून को पूरु पालन करदु, त सुणा, वु लोग ही तुम यहूदी लोगु को न्याय करला किलैकि तुम लोगु का पास नियम-कानून की किताब च, अर वामा सब लिख्यूं च। अर अब खतना करौण का बाद भि अगर तुम नियम-कानूनों को पालन नि करद्‍यां, त तुम दोषी ठैरैये जैल्या।

रोमियों 3:22

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

रोमियों 3:28

इलै हम ये नतीजा पर पौछद्‍यां, कि मनखि नियम-कानून का मुताबिक ना, बल्किन मा यीशु मसीह पर बिस्वास करण से परमेस्वर की नजर मा धरमी ठैरदु।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

रोमियों 4:9

अर यहूदी लोग जौन खतना का रिवाज तैं पूरु कर्युं च, आसीस को यू वचन सिरफ ऊं खुणि ही नि च बल्किन मा यू त ऊं लोगु खुणि भि च जौन अपणु खतना नि कर्युं। अर हम त इन बुल्द्‍यां कि, “पितर अब्राहम न पिता परमेस्वर पर बिस्वास कैरी, इलै वेका बिस्वास की वजै से उ धरमी गिणै गै।”

गलातियों 3:20

अर बिचलु त कम से कम दुई लोगु का बीच मा होन्दु, मगर परमेस्वर त एक ही च।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

गलातियों 3:8

अर परमेस्वर न पवित्रशास्‍त्र का द्‍वारा हमतै पैलि ही इन बतै दिनी, कि जु लोग यहूदी जाति का नि छिन ऊं लोगु तैं पिता परमेस्वर बिस्वास का द्‍वारा धरमी ठैरालु। अर वे बगत मा परमेस्वर न हमरा पितर अब्राहम तैं इन शुभ समाचार दिनी कि, “अब्राहम, तेरा द्‍वारा धरती का सब लोग आसीस पाला।”

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

गलातियों 6:15

अर खतना करण का रिवाज तैं पूरु करण या नि करण येसे कुई फैदा नि च, पर अब जु कुछ भि च उ सब यीशु मसीह मा नयू जीवन ही च।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

1 तीमुथियुस 2:5

किलैकि परमेस्वर एक ही च, अर वेका अर मनखियों का बीच मा एक ही बिचलु च, अर वु यीशु मसीह च।