रोमियों 3:26 - Garhwali

²⁶ मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।

गढवली नयो नियम

²⁶ बल्कि यु ही बगत वेकी धार्मिकता प्रगट हो कि ज्यांसे उ अफी धर्मी ठैरु, अर जु यीशु पर विश्वास कैरो, वेको भि धर्मी ठैरांण वलो हो।

रोमियों 3:26 ပူးပေါင်းရင်းမြစ်များ

लूका 1:80

अर उ नौनु बड़ु होणु रै, अर आत्मा मा मजबूत होणु रै, अर इस्राएली लोगु का बीच मा सेवकाई को काम शुरु करण से पैलि उ निर्जन जगों मा रै।

रोमियों 3:25

अर या पिता परमेस्वर की योजना छै, ज्वा कि वेन मनखि का समणि रखी कि लोग अपणा-अपणा पापों से पस्ताप कैरा। इलै वेन यीशु मसीह तैं ईं दुनियां मा भेजि अर वेको ल्वे क्रूस पर बुगये गै, ताकि जु कुई वे पर बिस्वास कैरो, पिता परमेस्वर वेका पापों अर वे पर लग्यां इळजामो तैं माफ कैरी सैको। अर पुरणा जमना मा वेन लोगु का पापों का हिसाब से ऊंतैं जादा दण्ड नि दिनी अर इन वेन इलै कैरी, किलैकि उ धरमी अर सबर रखण वळु च।

रोमियों 3:27

अर या बात सच्‍च च, इलै बड़ु मोन करण को कुई फैदा नि च, कि हम त नियम-कानूनों का मुताबिक चलद्‍यां, किलैकि अब ईं बात से कुई फर्क नि पोड़दु कि हम नियम-कानून का मुताबिक चलद्‍यां कि ना, बल्किन मा फर्क त ईं बात से पोड़दु कि क्या हम बिस्वास करदा छां कि ना?

रोमियों 3:30

हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

रोमियों 4:5

अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

रोमियों 8:33

अर जब पिता परमेस्वर ही अपणा लोगु तैं निरदोष साबित करदु, त फिर कु च वु, जु कि वेका चुण्यां लोगु पर नियम-कानून तोड़ण को इळजाम लगालु?

दिब्य दरस 15:3

अर वु परमेस्वर का सेवक मूसा को गीत अर मेम्‍ना जु की यीशु च वेको यू गीत गाणा छा, “सर्वसक्‍तिमान प्रभु पिता, हे हमरा प्यार प्रभु यीशु, छाँ महान पवित्र तुम ही, एकमात्र बाटु तुमरो सच्‍चु, भरोसा का लैख केवल तुम ही, काम अदभुत महान सब ही। सदनि को राजा केवल तुम ही, आदर-सम्मान लोग करला सब ही आला तुमरा समणि, देस-देस का सभि झुकला तुमरा समणि, करला भक्‍ति अर बडै भि जाहीर ह्‍वे गै ऊं सभ्यों पर, करदा छाँ तुम सब कुछ सच्‍चै पर।”