रोमियों 3:11 - Garhwali

¹¹ अर कै का बिंगण मा नि औन्दु, कि वेको काम करण को तरीका कन च। अर कुई भि मनखि परमेस्वर तैं जनण कि कोसिस नि करदु।

गढवली नयो नियम

¹¹ इन एक भि मनिख नि च जु सच मा समझदु हो कि क्य सै च; कुई भि परमेश्वर तैं जनणु कु खुजणवलो नि च।

रोमियों 3:11 ပူးပေါင်းရင်းမြစ်များ

मत्ती 13:19

बाटा का किनरा पोड़यां बीज का दगड़ा मा जु कुछ भि ह्‍वे, उ इन च कि कुछ लोग परमेस्वर का राज का बारा मा वचन तैं सुणदा त छिन, मगर वेको मतलब नि समझि सकदिन, अर शैतान ऐके ऊंका मनों बटि वचन तैं छिनी के लि जान्दु, जु कि वेका मन मा बुतै गै छौ।

रोमियों 1:22

हालांकि वु इन दावा करदिन कि हम समझदार छां मगर वु सब मूरख साबित ह्‍वेनि।

रोमियों 1:28

अर जब ऊं लोगु न अपणा मन मा परमेस्वर का ज्ञान तैं रखण खूब नि समझि, त परमेस्वर न भि ऊंतैं ऊंका भ्रष्‍ट मन का हाल पर ही छोड़ दिनी, ताकि वु बुरा काम करण पर ही लग्यां रा।

रोमियों 3:10

अर जन कि पवित्रशास्‍त्र मा भि लिख्यूं च कि, “परमेस्वर की नजर मा कुई भि मनखि धरमी नि च, ना एक भि नि च।

रोमियों 3:12

सब मनखि भटकी गैनी, वु सभ्या का सभि बेकार ह्‍वे गैनी। अर कुई भि भलै का काम नि करदु, एक भि ना।”

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।