रोमियों 2:2 - Garhwali

^2-3 हे मेरा भै-बैंणो, तुम इन किलै बुल्द्‍यां कि जु लोग इन्द्रया गळत काम करदिन ऊं सब लोगु तैं परमेस्वर दण्ड द्‍यो, जब कि तुम लोग भि ठिक उन्‍नि काम करद्‍यां। इलै इन्दरि उम्मीद नि रखा की तुम पिता परमेस्वर का दण्ड से बचि जैल्या। अर हम ईं बात तैं भौत अच्छे से जणद्‍यां, कि इन्द्रया बुरा काम करण वळो तैं जब परमेस्वर दण्ड देन्दु त वेको फैसला खरु ही होन्दु।

गढवली नयो नियम

² अर हम जंणदा छा, कि पिता परमेश्वर सै च जब भि उ ऊं लुखुं कु न्याय करदो, जु इन काम करदींनि।

रोमियों 2:2 ပူးပေါင်းရင်းမြစ်များ

खास चेलों 17:31

अर मि तुमतै बतै देन्दु, कि वेन एक दिन ठैर्युं च वे दिन उ पूरि दुनियां को न्याय धरमी रीति से करलु, अर न्याय करणु खुणि परमेस्वर न वे मनखि तैं चुण्यूं भि च, जु कि यीशु ही च। अर परमेस्वर न वेतैं मुरदो मा बटि ज्यून्दु कैरिके या बात साबित भि कैरियाली।”

रोमियों 2:1

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

रोमियों 2:5

मगर तुम लोग त अपणा निठुर अर ढीट मन का कारण वेका खतरनाक दिन खुणि, याने कि जै दिन मा परमेस्वर को सच्‍चु न्याय परगट होलु, तुम वेका गुस्सा तैं अपणा खिलाप मा और भि जादा बढौणा छाँ।

रोमियों 9:14

हे मेरा दगड़्यों, अब ये मामला मा हम क्या बोलि सकद्‍यां? क्या पिता परमेस्वर अन्यो करण वळु च? नऽ रे ना इन नि च।

दिब्य दरस 16:5

अर पाणि पर अधिकार रखण वळा स्वर्गदूत तैं मिन इन बुल्द सुणी कि, “हे पवित्र परमेस्वर, तुम जु की पैलि छा, अर आज भि छाँ, तुम न्यायी छाँ अर तुमुन ही यू न्याय कैरी।

दिब्य दरस 19:2

किलैकि वेको न्याय सच्‍चु अर सही च, अर वेन वीं बड़ी वेश्या तैं दण्ड दियाली, जिं न गळत सम्बन्ध बणौण से धरती तैं भ्रष्‍ट कैरी दिनी, अर परमेस्वर का भौत सा सेवकों तैं जान से मार दिनी, इलै परमेस्वर न वीं बटि अपणा सेवकों का ल्वे को बदला लिनी।”